Ajithkumar: “லேட்டா வந்ததுக்கு சாரி” - அஜர்பைஜானில் பிரபல ஹீரோயினிடம் மன்னிப்பு கேட்ட அஜித்..!
விடா முயற்சி படத்தின் ஷூட்டிங் அஜர்பைஜான் நாட்டில் நடைபெற்று வருகிறது. இந்த படத்தின் ஷூட்டிங்கிற்கு நடுவே ரசிகர்களை அஜித் சந்தித்த புகைப்படங்கள், வீடியோக்கள் இணையத்தில் வைரலாகியிருந்தது.
அஜர்பைஜானில் நடிகை பாவனாவை சந்தித்த நடிகர் அஜித்குமார், தாமதமாக வந்ததுக்கு மன்னிப்பு கேட்ட வீடியோ இணையத்தில் ட்ரெண்டாகி வருகிறது.
லைகா புரொடக்ஷன்ஸ் சார்பில் இயக்குநர் மகிழ் திருமேனி இயக்கும் படம் ‘விடா முயற்சி’. இந்த படத்தில் அஜித் ஹீரோவாக நடிக்க, த்ரிஷா ஹீரோயினாக நடிக்க்கிறார். மேலும் நடிகர் அர்ஜூன் முக்கிய வேடத்தில் நடிக்கிறார். அனிருத் இசையமைக்கும் இந்த படத்தின் ஷூட்டிங் அஜர்பைஜான் நாட்டில் நடைபெற்று வருகிறது.
நிரவ் ஷா மற்றும் ஓம் பிரகாஷ் இருவரும் இணைந்து இந்தப் படத்திற்கு ஒளிப்பதிவு செய்கிறார்கள். இந்த படத்தின் எந்த அப்டேட்டும் வெளியே வரக்கூடாது என்பதில் அஜித் மட்டுமல்லாது படக்குழுவினர் கவனமாக இருந்து வருகின்றனர். பொங்லையொட்டி விடா முயற்சி பட அப்டேட் வெளியாகலாம் என கூறப்படுகிறது.இந்த படத்தின் ஷூட்டிங்கிற்கு நடுவே ரசிகர்களை அஜித் சந்தித்த புகைப்படங்கள், வீடியோக்கள் இணையத்தில் வைரலாகியிருந்தது. மேலும் சில தினங்களுக்கு முன்பு சமூக வலைத்தளத்தில் அஜித் குமாருடன் இணைந்து நடிகர் அஜித் , அர்ஜூன் மற்றும் ஆரவ் ஆகிய மூவரும் டின்னர் சாப்பிடும் புகைப்படங்கள் வெளியாகி ட்ரெண்டானது.
அஜர்பைஜானில் பாவனாவை சந்தித்த அஜித்!https://t.co/wupaoCzH82 | #AjithKumar #AK #Bhavana #Pinknote #vidamuyarchi pic.twitter.com/1CBYVrz8av
— ABP Nadu (@abpnadu) December 25, 2023
இந்நிலையில் நடிகர் அஜித், பிரபல நடிகை பாவனாவை சந்தித்து பேசியுள்ளார். இது தொடர்பான வீடியோ சமூக வலைத்தளங்களில் வைரலாகி வருகிறது. அப்போது, ‘தாமதமாக வந்ததற்கு மன்னிக்கவும்’ என கூறினார். அதற்கு,‘பரவாயில்லை. நீங்கள் லேட்டா வருவேன் என சொல்லியிருந்தால் நானும் லேட்டாக வந்திருப்பேன்’ என பாவனா சொல்லும் காட்சிகள் அந்த வீடியோவில் இடம் பெற்றுள்ளது. பாவனாவுடன் அவர் நடித்து வரும் பிங்க் நோட் குழுவினரும் அஜித்தை சந்தித்தனர்.
முன்னதாக அஜித், பாவனா இருவரும் 2010 ஆம் ஆண்டு வெளியான ‘அசல்’ படத்தில் இணைந்து நடித்திருந்தனர். இதன்பிறகு பல ஆண்டுகளுக்குப் பின் இவர்களது சந்திப்பு நடைபெற்றுள்ளது ரசிகர்களிடையே மகிழ்ச்சியை ஏற்படுத்தியுள்ளது என்பது குறிப்பிடத்தக்கது.
மேலும் படிக்க: Merry Christmas: “நாங்களும் கிறிஸ்துமஸ் கொண்டாடுவோம்ல” - திரைப்பிரபலங்கள் வீட்டு கொண்டாட்டங்கள்
தலைப்பு செய்திகள்
ட்ரெண்டிங் செய்திகள்
