Picasso: பிகாசோ.. சிவ்ராஜ்குமார் - அபிஷித் நடிக்கும் படத்தின் டைட்டில் அறிவிப்பு!

நடிகர் அபிஷித் ஜீவிந்த் கன்னட சூப்பர்ஸ்டார் சிவ்ராஜ்குமார் இணைந்து நடிக்கும் புதிய படத்திற்கு பிகாசோ என்று பெயர் சூட்டப்பட்டுள்ளது.

சிவ்ராஜ்குமார் - அபிஷித் ஜீவிந்த்

Source : twitter

தமிழ் திரையுலகில் கடந்த 2025ம் ஆண்டு வெளியான திரைப்படம் டூரிஸ்ட் ஃபேமிலி. இந்த படத்தை அபிஷன் ஜீவிந்த் இயக்கியிருந்தார். இந்த படம் அந்தாண்டு வெளியான படங்களிலே அதிக வசூலைக் குவித்த படமாக அந்த டூரிஸ்ட் ஃபேமிலி படம் அமைந்தது. 

அபிஷன் ஜீவிந்த் - சிவராஜ்குமார்:

இந்த படத்திற்கு பிறகு வித் லவ் என்ற படத்தில் கதாநாயகனாக அறிமுகமானார். இந்த படம் ஓரளவு வெற்றி பெற்றது. இந்த நிலையில், இவர் கன்னட திரையுலகின் சூப்பர்ஸ்டாரான சிவ்ராஜ்குமாருடன் இணைந்து நடித்து  வரும் படத்தின் பெயர் இன்று அறிவிக்கப்பட்டுள்ளது.

பிக்காசோ:

இந்த படத்திற்கு பிக்காசோ என்று பெயர் சூட்டப்பட்டுள்ளது. இந்த படத்தை கெளதம் சிவராமன் இயக்கியுள்ளார். லியோன் ஜேம்ஸ் இந்த படத்திற்கு இசையமைத்துள்ளார். இந்த படம் காமெடி படமாக இருக்கும் என்று கருதப்படுகிறது. படத்தின் போஸ்டர் மற்றும் ப்ரமோஷன் அனைத்தும் அதையே வெளிப்படுத்தியது.

இந்த படத்தை ட்ராமா கம்பெனி நிறுவனம் தயாரித்துள்ளது. முதல் படத்தை இயக்கிய பிறகு தொடர்ந்து நடிப்பில் கவனம் செலுத்தி வரும் நிலையில், அவரது இந்த படத்தின் மீது மிகப்பெரிய எதிர்பார்ப்பு ஏற்பட்டுள்ளது. இந்த படத்தில் சிவராஜ்குமார் நடிப்பதும் இதற்கு முக்கிய காரணம் ஆகும்.

எதிர்பார்ப்பு:

ஏனென்றால், சிவராஜ்குமார் கன்னட திரையுலகின் மிகப்பெரிய நடிகர் என்பது மட்டுமின்றி ரஜினிகாந்த் நடித்த ஜெயிலர் படத்தில் சிறப்புத் தோற்றத்தில் நடித்திருப்பார். அதன்மூலம் தமிழ்நாட்டில் அவர் மிகவும் பிரபலமானார். இந்த சூழலில், அவர் தமிழில் ஒரு முழு படமாக நடித்திருக்கும் படம் இந்த படம் என்பதால் இந்த படத்தின் மீது மிகப்பெரிய எதிர்பார்ப்பை உண்டாக்கியுள்ளது. 

இந்த படத்திற்கு சுரேஷ்குமார் படத்தொகுப்பு செய்துள்ளார். பாபா பாஸ்கர் நடன இயக்குனராக பணியாற்றியுள்ளார். இந்த படம் தமிழ் மட்டுமின்றி கன்னடத்திலும் வெளியாகிறது. படத்தின் போஸ்டரில் சிவராஜ்குமார் மற்றும் அபிஷன் ஜீவிந்த் இருவரும் பட்டு வேஷ்டி மற்றும் பட்டு சட்டையுடன் இருப்பது போலவும், இருவரும் பட்டாசை எடுத்து வாயில் எடுத்து வைத்திருப்பது போலவும் புகைப்படத்தில் உள்ளனர். இந்த பிகாசோ படத்தின் போஸ்டரில் சிவராஜ்குமார் முறைத்துக்கொண்டும், அபிஷன் சிரித்த முகத்துடனும் இருப்பது போலவும் இந்த போஸ்டரில் உள்ளனர்.