![metaverse](https://cdn.abplive.com/imagebank/metaverse-top.png)
Devi Sri Prasad - Ilayaraja: தேசிய விருது வென்ற உற்சாகம்... மானசீக குரு இளையராஜாவிடம் ஆசிர்வாதம் பெற்ற தேவி ஸ்ரீ பிரசாத்!
Devi Sri Prasad : புஷ்பா : தி ரைஸ் படத்திற்காக சிறந்த இசையமைப்பாளருக்கான விருதை வென்று தேவி ஸ்ரீ பிரசாத், இளையராஜாவை சந்தித்து ஆசி பெற்றார்.
![Devi Sri Prasad - Ilayaraja: தேசிய விருது வென்ற உற்சாகம்... மானசீக குரு இளையராஜாவிடம் ஆசிர்வாதம் பெற்ற தேவி ஸ்ரீ பிரசாத்! 69th National Award winner Devi Sri Prasad meets Maestro Ilayaraja to get his blessings Devi Sri Prasad - Ilayaraja: தேசிய விருது வென்ற உற்சாகம்... மானசீக குரு இளையராஜாவிடம் ஆசிர்வாதம் பெற்ற தேவி ஸ்ரீ பிரசாத்!](https://feeds.abplive.com/onecms/images/uploaded-images/2023/08/26/1bf11563e9f6afe1a46f2fb2451aa0491693037511405224_original.jpg?impolicy=abp_cdn&imwidth=1200&height=675)
தெலுங்கு மற்றும் தமிழ் திரையுலகில் மிகவும் பிரபலமான திறமையான இசையமைப்பாளர்களில் ஒருவராக வலம் வருபவர் தேவிஸ்ரீ பிரசாத். பல துள்ளலான, பெப்பியான பாடல்கள் மூலம் ஏராளமான ரசிகர்களின் இதயங்களை வென்றவர். தனது தனித்துவமான இசையால் பல விருதுகளை வென்றுள்ள அவர் தற்போது சுகுமார் இயக்கத்தில் அல்லு அர்ஜுன் நடிப்பில் வெளியான புஷ்பா : தி ரைஸ் படத்திற்காக சிறந்த இசையமைப்பாளருக்கான தேசிய விருதை வென்றுள்ளார்.
தேசிய திரைப்பட விருதுகள் :
2021ம் ஆண்டுக்கான 69-வது தேசிய திரைப்பட விருதுகள் வென்றவர்களின் பட்டியல் சில தினங்களுக்கு முன்னர் வெளியானது. அதன் படி சிறந்த படத்துக்காக ‘ராக்கெட்ரி தி நம்பி எஃபெக்ட்’ படத்துக்கும், சிறந்த தமிழ் படத்துக்காக ‘கடைசி விவசாயி’ படமும் தேசிய விருதை வென்றுள்ளது. அதே போல ‘கருவறை’ என்ற ஆவணப் படத்திற்காக ஸ்ரீகாந்த் தேவாவுக்கும், புஷ்பா : தி ரைஸ் படத்துக்காக தேவிஸ்ரீ பிரசாத்துக்கும் சிறந்த இசைமைப்பாளருக்கான தேசிய விருது அறிவிக்கப்பட்டுள்ளது.
புஷ்பா : தி ரைஸ் பாடல்கள் :
புஷ்பா : தி ரைஸ் படத்தில் இடம்பெற்ற பாடல்கள் அனைத்துமே சூப்பர் ஹிட் பாடல்கள். இன்று வரை பிளே லிஸ்டில் இடம்பெற்றுள்ள ஃபேவரைட் பாடல்கள். குறிப்பாக அப்படத்தில் இடம்பெற்ற 'ஊ சொல்றியா மாமா...', 'ஸ்ரீவள்ளி...' , 'ஐயா சாமி சாமி' உள்ளிட்ட பாடல்கள் பட்டி தொட்டி எங்கும் கலக்கியது. சிறியவர்கள் முதல் பெரியவர்கள் வரை அனைவரையும் ஆட வைத்தது. அந்த வகையில் தேவிஸ்ரீ பிரசாத்துக்கு தேசிய விருது அறிவிக்கப்பட்டுள்ளது ரசிகர்களை உற்சாகமடைய செய்துள்ளது. சோஷியல் மீடியா மூலம் பிரபலங்களும் ரசிகர்களும் வாழ்த்துக்களை குவித்து வருகிறார்கள்.
இளையராஜாவிடம் ஆசீர்வாதம் :
மிகுந்த சந்தோஷத்தில் இருக்கும் தேவிஸ்ரீ பிரசாத் இசைஞானி இளையராஜாவை நேரில் சந்தித்து ஆசி பெற்றுள்ளார். கோடம்பாக்கத்தில் உள்ள அவரின் ரெக்கார்டிங் ஸ்டுடியோவுக்கு சென்று சந்தித்துள்ளார். மேலும் அவர் வெளியிட்டுள்ள வீடியோவில் "தேசிய விருது பெறுவதற்கு எனக்கு ஊக்கமளித்த இளையராஜாவுக்கு எனது நன்றிகள்" என பேசியுள்ளார்.
தேவிஸ்ரீ பிரசாத், இசைஞானியை சந்தித்த புகைப்படங்கள் சோசியல் மீடியாவில் வைரலாக பகிரப்பட்டு வருகின்றன.
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)