விஜய் - அஜித் தான் படங்களை தான் ரீ ரிலீஸ் பண்ணனுமா? போட்டியாக களத்தில் இறங்கிய அருண் விஜய்!
அருண் விஜய் நடிப்பில் வெளியாகி நல்ல வரவேற்பை பெற்ற, 'தடையறத் தாக்க' திரைப்படம் மீண்டும் ரீ-ரிலீஸ் ஆக உள்ளதாக அதிகார பூர்வ தகவல் வெளியாகி உள்ளது.
அஜித்தை வைத்து கடைசியாக 'விடாமுயற்சி' படத்தை இயக்கிய, இயக்குநர் மகிழ் திருமேனி இயக்கத்தில் நடிகர் அருண் விஜய் நடிப்பில், 2012 ஆம் ஆண்டு ரிலீஸ் ஆகி விமர்சன ரீதியாகவும், வசூல் ரீதியாகவும் வெற்றி பெற்ற திரைப்படம் “தடையறத் தாக்க”.
இந்த படத்தில் அருண் விஜய்க்கு ஜோடியாக மம்தா மோகன்தாஸ், ரகுல் ப்ரீத் சிங், என இரண்டு ஹீரோயின்கள் நடிக்க, வம்சி கிருஷ்ணா, அருள்தாஸ், காளி வெங்கட் உள்ளிட்ட பலர் முக்கிய வேடத்தில் நடித்திருந்தனர்.
இந்த படத்திற்கு தமன் இசையமைத்திருந்தார். திரில்லர் ஜானரில் உருவான இந்த படத்தை UPSWING ENTERTAINMENT PRIVATE LIMITED நிறுவனம், தயாரித்திருந்தது. அருண் விஜய் திரையுலக வாழ்க்கையில் திருப்புமுனையை ஏற்படுத்திய திரைப்படங்களில் ஒன்றான 'தடையறத் தாக்க' படம் சுமார் 13 ஆண்டுகளுக்கு பின்னர் மீண்டும் ரீ-ரிலீஸ் ஆக உள்ளது.
தன்னுடைய வாழ்க்கையில் கஷ்டபட்டு ஒரு நல்ல நிலைக்கு முன்னேறிய இளைஞன், ஒரு சிறு உதவி செய்யபோக, ரௌடிகளின் கூட்டத்திடம் மாட்டிக் கொள்கிறான். அவன் அந்த ரௌடிகளிடமிருந்து தப்பினானா? தன்னை காப்பாற்றிக்கொள்ள அவன் எடுக்கும் முயற்சியை யாரும் எதிர்பாராத கதைக்களத்தில், ட்விஸ்டுடன் கூறி இருப்பார் இயக்குனர் மகிழ் திருமேனி. ஒரு ஆக்சன் படத்தின் மொத்த இலக்கணங்களை மாற்றிய படமாகவும் இப்படம் பார்க்கப்பட்டது.
ரசிகர்கள் மத்தியில் ஆக்சன் கிளாசிக் படம் என கொண்டாடப்பட்ட தடையறத் தாக்க படத்தை தற்போது ஏஐ தொழில் நுட்பத்தில் மெருகேற்றி, 4கே தரத்தில் நவீன அட்மாஸ் சவுண்ட் வடிவமைப்புடன், புதிய டிஜிட்டல் பதிப்பாக, UPSWING ENTERTAINMENT PRIVATE LIMITED நிறுவனம், ஜூன் 27 ஆம் தேதி உலகமெங்கும் திரையரங்குகளில் வெளியிட உள்ளதாக அதிகாரபூர்வமாக அறிவித்துள்ளது. இதுவரை அஜித் - விஜய் படங்கள் மட்டுமே மாறி மாறி ரீ - ரிலீஸ் செய்யப்பட்டு வந்த நிலையில் தற்போது அருண் விஜய்யின் படமும் ரிலீஸ் ஆக உள்ளது அவரது ரசிகர்களை மகிழ்ச்சியில் ஆழ்த்தி உள்ளது.
தலைப்பு செய்திகள்
ட்ரெண்டிங் செய்திகள்
