TN Urban Local Body Election 2022: கள்ள ஓட்டு குழப்பம்.. கடைசி நேரத்தில் வாக்குச்சாவடிக்கு வந்த எல்.முருகன்!
அவரின் வாக்கு கள்ள வாக்காக போடப்பட்டதாக சர்ச்சையான தகவல் வெளியான சில மணி நேரத்தில் தனது வாக்கை அமைச்சர் செலுத்தியுள்ளார்.
மத்திய இணை அமைச்சர் எல்.முருகனின் வாக்கு கள்ள வாக்காக போடப்பட்டுவிட்டதாக அண்ணாமலை கூறிய நிலையில், அமைச்சர் தனது வாக்கினை தற்போது செலுத்தினார்.
மத்திய இணை அமைச்சர் எல்.முருகனின் வாக்கு கள்ள வாக்காக போடப்பட்டுவிட்டதாக தமிழ்நாடு பாஜக தலைவர் அண்ணாமலை கூறியதை தொடர்ந்து, யாரும் கள்ள வாக்கு போடவில்லை என்று தமிழ்நாடு தேர்தல் ஆணையர் பழனிகுமார் விளக்கமளித்தார்.
இந்த நிலையில், அண்ணாநகர் வாக்குச்சாவடியில் மத்திய அமைச்சர் எல்.முருகன் தனது வாக்கை பதிவு செய்தார். அவரின் வாக்கு கள்ள வாக்காக போடப்பட்டதாக சர்ச்சையான தகவல் வெளியான சில மணி நேரத்தில் தனது வாக்கை அமைச்சர் செலுத்தியுள்ளார்.
#TNElection | சென்னை மாநகராட்சியின் 101-வது வார்டில் வாக்களித்தார் மத்திய இணையமைச்சர் எல்.முருகன்https://t.co/wupaoCQKa2 | #TnLocalBodyElection #TNElection2022 #Election2022 #BJP pic.twitter.com/n1MC1PuTL7
— ABP Nadu (@abpnadu) February 19, 2022
முன்னதாக, ‘மத்திய இணை அமைச்சர் எல்.முருகனின் வாக்கு சென்னை அண்ணாநகர் கிழக்கில் உள்ள வாக்குச் சாவடியில் வேறு ஒரு நபரால் கள்ள வாக்காக போடப்பட்டுவிட்டது. மாநில தேர்தல் ஆணையர் இப்போதாவது நடவடிக்கை எடுப்பாரா?’ எனப் பதிவிட்டிருந்தார்.
மற்றொரு பதிவில், அரசு இயந்திரங்கள் எந்த அளவிற்கு தவறாகப் பயன்படுத்தப்படுகின்றன என்பது மிகத் தெளிவாகத் தெரிகிறது. திமுக கட்சியினர் தமிழ்நாடு முழுவதும் குறிப்பாக கோவையில் வாக்குச்சாவடியின் வாசலில் பண விநியோகம். ஆளுங்கட்சிக்கு சாதகமாக பல இடங்களில் வாக்குப்பதிவும் நிறுத்தப்பட்டு வருகிறது’ என்றும் பதிவிட்டிருந்தார்.
அண்ணாமலையின் இந்த டுவிட்டர் சர்ச்சையான நிலையில், இதுதொடர்பாக நமது ஏபிபிநாடு நிருபர் தமிழ்நாடு தேர்தல் ஆணையர் பழனிகுமாரிடம் விசாரித்தார். அப்போது, மத்திய இணை அமைச்சர் எல்.முருகனின் வாக்கை யாரும் போடவில்லை. எம்.முருகனுக்கு பதிலாக, எல்.முருகனின் வாக்குச்சீட்டு கொடுக்கப்பட்டதால் இந்த குழப்பம் ஏற்பட்டது. மத்திய அமைச்சர் எப்போது வந்தாலும் தனது வாக்கை செலுத்தலாம் என்று கூறினார். மேலும், இதுதொடர்பாக சென்னை மாநகராட்சி ஆணையர் ககன்தீப் சிங் பேடி முதற்கட்ட விசாரணை நடத்தப்படும் என்றும் கூறினார். வாக்குச்சீட்டு மாறிய ஏற்பட்ட குழப்பத்தால் நடந்ததை, தவறுதலாக அண்ணாமலை ட்விட் செய்துவிட்டார் என்று கூறப்பட்டது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
