![Download App](https://cdn.abplive.com/imagebank/download-abp-live.png)
Tamil Nadu Election Live Result 2021 : வென்றது திமுக..
தமிழக தேர்தல் 2021 கடந்த ஏப்ரல் மாதம் 6-ஆம் தேதி நடைபெற்று முடிந்தது. மே 2-ஆம் தேதியான இன்று வாக்குகள் எண்ணப்பட்டு முடிவுகள் தெரியவிருக்கின்றன.
LIVE
![Tamil Nadu Election Live Result 2021 : வென்றது திமுக.. Tamil Nadu Election Live Result 2021 : வென்றது திமுக..](https://feeds.abplive.com/onecms/images/uploaded-images/2021/05/02/04dffcb71e3bae0126f4f3272617f678_original.jpg)
Background
தமிழக தேர்தல் 2021 கடந்த ஏப்ரல் மாதம் 6-ஆம் தேதி நடைபெற்று முடிந்தது. மே 2-ஆம் தேதியான இன்று வாக்குகள் எண்ணப்பட்டு முடிவுகள் தெரியவிருக்கின்றன. வாக்கு எண்ணிக்கை இன்னும் சிறிது நேரத்தில் தொடங்கவிருக்கிறது.
வாக்கு எண்ணிக்கை முடிந்தது. திமுக கூட்டணி வெற்றி!
தமிழ்நாடு சட்டப்பேரவைத் தேர்தல் 2021க்கான வாக்கு எண்ணிக்கை முடிந்தது. 157 முன்னிலை பெற்று திமுக கூட்டணி அறுதிப் பெரும்பான்மையுடன் ஆட்சி அமைக்க இருக்கிறது.
நயினார் நாகேந்திரன் வெற்றி..
திருநெல்வேலியில், திமுக லஷ்மணனை வீழ்த்தி, நயினார் நாகேந்திரன் வெற்றி.
நம்பிக்கைமிக்க ஆட்சியைக் கொடுப்பார் ஸ்டாலின் - வைரமுத்து
நீண்டகால அனுபவம் பெற்ற மு.க ஸ்டாலின் சிறந்த நல்லாட்சியை வழங்குவார், வழங்கவேண்டும் என நம்புகிறேன் என வைரமுத்து வாழ்த்து.
பாஜக வானதி சீனிவாசன், திமுக பொதுச்செயலாளர் துரைமுருகன் போராடி வெற்றி..
794 வாக்குகள் வித்தியாசத்தில் வி ராமுவை வீழ்த்தி திமுக பொதுச்செயலாளர் துரைமுருகன் வெற்றி பெற்றிருக்கிறார். பாஜகவைச் சேர்ந்த வானதி சீனிவாசனை விட சொற்ப வாக்குகள் பின்தங்கி கமல்ஹாசன் தோல்வி.
கடைசி சுற்றிலும் வானதி சீனிவாசன் முன்னிலை
கடைசி சுற்றான 26-வது சுற்றிலும் வானதி சீனிவாசன் முன்னிலை. மநீம தலைவர் கமல்ஹாசன் பின்னடைவு.
முதல் வெற்றிக்கு வாழ்த்துக்கள் - சிவகார்த்திகேயன்
தமிழக தேர்தலில் பெரும் வெற்றி பெற்றிருக்கும் @mkstalin அய்யா அவர்களுக்கும்,தன் முதல் வெற்றியை பதிவு செய்திருக்கும் @Udhaystalin சாருக்கும் மனமார்ந்த வாழ்த்துகள்🙏👍 @arivalayam #TNElections2021
— Sivakarthikeyan (@Siva_Kartikeyan) May 2, 2021
மக்கள் தீர்ப்பை ஏற்கிறேன்; டிடிவி தினகரன்
கோவில்பட்டி தொகுதியில் போட்டியிட்டு அமைச்சர் கடம்பூர் ராஜூவிடம் தோல்வி அடைந்த அமமுக பொதுச் செயலாளர் டிடிவி தினகரன், மக்களின் தீர்ப்பை ஏற்பதாக டுவிட்டரில் பதிவிட்டுள்ளார். தேர்தலில் பணியாற்றிய அனைவருக்கும் நன்றி தெரிவிப்பதாகவும் தெரிவித்துள்ளார் டிடிவி.
அதிகபட்ச வாக்குகளில் வெற்றி பெற்ற வேட்பாளராகிறார் ஐ.பெரியசாமி
திண்டுக்கல் மாவட்டம் ஆத்தூர் தொகுதியில் போட்டியிட்ட திமுக முன்னாள் அமைச்சர் ஐ.பெரியசாமி, தன்னை எதிர்த்து போட்டியிட்ட பாமக வேட்பாளர் திலகபாமாவை 1லட்சத்து 34 ஆயிரத்து 104 வாக்குகள் வித்தியாசத்தில் வெற்றி பெற்றுள்ளார். தமிழகத்தில் அதிக வாக்குகள் வித்தியாசத்தில் வெற்றி பெற்ற வேட்பாளர் என்கிற பெருமையை தனி நபராக பெறுகிறார் ஐ.பெரியசாமி.
இணைந்து பணியாற்றலாம் ‛மோடி’; இணைவோம் ‛ஸ்டாலின்’
தமிழகத்தில் ஆட்சி அமைக்கவிருக்கும் திமுக தலைவர் ஸ்டாலினுக்கு வாழ்த்து தெரிவித்துள்ள பிரதமர் மோடி, ‛மாநில நலனுக்கு கொரோனா ஒழிப்புக்கும் இணைந்து பணியாற்றுவோம்,’ என தனது டுவிட்டர் வாழ்த்து செய்தியில் கூறியுள்ளார். அதற்கு பதிலளித்து டுவிட் செய்துள்ள ஸ்டாலின், ‛நிச்சயம் இணைந்து பணியாற்றுவோம்’ என்றும் கூறி, வாழ்த்துக்கு பிரதமருக்கு நன்றிதெரிவித்து டுவிட் செய்துள்ளார்.
டிடிவி தினகரன் தோல்வி; கடம்பூர் ராஜூ வெற்றி
கோவில்பட்டியில் போட்டியிட்ட அமமுக பொதுச் செயலாளர் டிடிவி தினகரன், அமைச்சர் கடம்பூர் ராஜூவிடம் தோல்வி அடைந்தார். தொடர்ந்து பின்னிலையில் இருந்த அவர், கடம்பூர் ராஜூவை விட குறைந்த வாக்குகள் பெற்று தோல்வியை தழுவினர். அவர் மட்டுமின்றி அவரது கட்சியும் தமிழகம் முழுவதும் படுதோல்வியை சந்தித்தது.
தலைப்பு செய்திகள்
ட்ரெண்டிங் செய்திகள்
![ABP Nadu LIVE](https://cdn.abplive.com/imagebank/abp_logo_white_revamp.png)
and tablets
![வினய் லால்](https://cdn.abplive.com/imagebank/editor.png)