பேச்சுப் போட்டியில் ஆர்வமுள்ள மாணவர்களுக்கு ஓர் அரிய வாய்ப்பு... தவற விடாதீர்கள்
அரசுப் பள்ளி மாணவர்கள் இருவருக்கு சிறப்புப் பரிசுத்தொகையாக ரூ.2000/- வீதம் வழங்கப்படவுள்ளது.
பேச்சுப் போட்டியில் ஆர்வமுள்ள மாணவர்களுக்கு ஓர் அரிய வாய்ப்பு...
தமிழ் வளர்ச்சித் துறையின் 2024-25ஆம் ஆண்டிற்கான மானியக் கோரிக்கையில் நாட்டிற்காக பாடுபட்ட தலைவர்களான மகாத்மா காந்தி, ஜவகர்லால் நேரு, அண்ணல் அம்பேத்கர், தந்தை பெரியார், பேரறிஞர் அண்ணா, முத்தமிழ் அறிஞர் கலைஞர் ஆகியோரின் பிறந்த நாளன்று மாவட்ட அளவில் கல்லூரி மற்றும் பள்ளி மாணவர்களுக்கு பேச்சுப் போட்டி நடத்தி பரிசு, பாராட்டுச் சான்றிதழ் வழங்க அறிவிப்பு செய்யப்பட்டிருந்தது.
பேச்சுப்போட்டி நடைபெறும் இடம் மற்றும் நாள் விவரம் :
விழுப்புரம் மாவட்டத்தில் அண்ணல் அம்பேத்கர், முத்தமிழறிஞர் கலைஞர் பிறந்தநாளை முன்னிட்டு பேச்சுப்போட்டி, விழுப்புரம் அரசு மாதிரி மகளிர் மேல்நிலைப்பள்ளியில் 30.07.2024, 31.07.2024 ஆகிய நாள்களில் முற்பகல் 10.00 மணிக்கு பள்ளி / கல்லூரி மாணவர்களுக்கானப் பேச்சுப்போட்டி நடைப்பெறவுள்ளது.
மாணவர்களுக்கு அறிவித்துள்ள பரிசுத்தொகை :
கல்லூரி, பள்ளி மாணவர்களுக்கான பேச்சுப் போட்டியில் பங்குபெற்று வெற்றி பெறும் மாணவர்களுக்கு மாவட்ட அளவில் முதல் பரிசாக ரூ.5000/-, இரண்டாம் பரிசாக ரூ.3000/- மூன்றாம் பரிசாக ரூ.2000/- ரூபாயும்,பாராட்டுச் சான்றிதழ் வழங்கப்பெறும்.
சிறப்பு பரிசுத்தொகை
மேலும் அரசுப் பள்ளி மாணவர்கள் இருவருக்கு சிறப்புப் பரிசுத்தொகையாக ரூ.2000/- வீதம் வழங்கப்படவுள்ளது. எனவே மாணவர்களுக்காக வழங்கப்படும், மொத்த பரிசுத்தொகை ரூ.24,000/-த்திற்கு பரிசுகள் வழங்கப்பெறும்.
எனவே விழுப்புரம் மாவட்டத்தில் உள்ள பள்ளி கல்லூரிகளில் பயிலும் மாணவ / மாணவிகள் இப்பேச்சுப்போட்டியில் பங்கேற்று பயன்பெறுமாறு மாவட்ட ஆட்சியர் பழனி தெரிவித்துள்ளார்
தலைப்பு செய்திகள்
ட்ரெண்டிங் செய்திகள்
