UGC NET 2025: கல்லூரி பேராசிரியர் ஆகணுமா? நெட் தேர்வுக்கு விண்ணப்பிக்க இன்றே கடைசி- எப்படிங்க?

UGC NET June 2025: நெட் தேர்வுக்கு விண்ணப்பிக்க இன்றே (மே 12) கடைசித் தேதி ஆகும். விண்ணப்பக் கட்டணத்தை மே 13 இரவு 11.50 மணி வரை செலுத்தலாம் என்று யுஜிசி தெரிவித்துள்ளது.

மாணவர்கள் | கோப்புப்படம்

Source : சிறப்பு ஏற்பாடு

மத்திய, மாநில அரசுகள் நடத்தும் கல்லூரிகளில் உதவிப் பேராசிரியராகச் சேரவும் தனியார் கல்லூரிகளில் பணியாற்றவும் யுஜிசி நெட் எனப்படும் ஆசிரியர் தகுதித் தேர்வு நடத்தப்படுகிறது. அதேபோல இளையர் ஆராய்ச்சியாளர் உதவித்தொகை (Junior Research Fellowship-JRF) பெறவும் தேசியத் தகுதித் தேர்வில் தேர்ச்சி பெற வேண்டியது அவசியம் ஆகும்.

ஜூன், டிசம்பர் மாதங்களில் நெட் தேர்வு

இந்தத் தேர்வை என்டிஏ எனப்படும் தேசியத் தேர்வுகள் முகமை (NTA) நடத்துகிறது. மொத்தம் 83 பாடங்களுக்கு நடைபெறும் இத்தேர்வு, ஆண்டுதோறும் 2 முறை நடத்தப்படுகிறது. ஜூன், டிசம்பர் ஆகிய மாதங்களில் கணினி வழியில் நடத்தப்பட்டு வருகிறது. 

இந்த நிலையில், ஜூன் மாத அமர்வுக்கான விண்ணப்பப் பதிவு மும்முரமாக நடைபெற்றது. விண்ணப்பப் பதிவுக்கான அவகாசம் நீட்டிக்கப்பட்ட நிலையில், இதற்கு விண்ணப்பிக்க இன்றே (மே 12) கடைசித் தேதி ஆகும். விண்ணப்பக் கட்டணத்தை மே 13 இரவு 11.50 மணி வரை செலுத்தலாம் என்று யுஜிசி தெரிவித்துள்ளது.

விண்ணப்பத்தில் திருத்தங்கள் ஏதேனும் இருந்தால் மே 14 மற்றும் 15 ஆகிய தேதிகளில் மேற்கொள்ளலாம்.

விண்ணப்பக் கட்டணம் எவ்வளவு?

பொதுப் பிரிவினர்: ரூ.1,150

பொது-பொருளாதாரத்தில் பின்தங்கிய பிரிவினர், ஓபிசி (க்ரீமி லேயர் அல்லாதோர்): ரூ.600

எஸ்சி/ எஸ்டி/ மாற்றுத் திறனாளிகள் / மூன்றாம் பாலினம்: ரூ.325

தேர்வு தேதிகள் 

யுஜிசி நெட் தேர்வு ஜூன் 21 முதல் 30ஆம் தேதி வரை நடைபெற உள்ளது.

தேர்வுக்கு விண்ணப்பிப்பது எப்படி?

* தேர்வர்கள் ugcnet.nta.ac.in என்ற இணைப்பை க்ளிக் செய்ய வேண்டும். 

* முகப்புப் பக்கத்தில் UGC NET June 2025  - Click Here என்ற இணைப்பை க்ளிக் செய்யவும். 

* புதிதாக ஒரு பக்கம் தோன்றும். அதில் பதிவு செய்து, கேட்கப்படும் தகவல்களைப் பூர்த்தி செய்யவும். 

* தேவையான ஆவணங்களைப் பதிவேற்றம் செய்த பிறகு, விண்ணப்பக் கட்டணத்தைச் செலுத்த வேண்டும். 
விண்ணப்பத்தைப் பதிவிறக்கம் செய்து வைத்துக் கொள்ளலாம்.

* அதேபோல தேர்வர்கள் https://ugcnet.ntaonline.in/ என்ற இணைப்பை க்ளிக் செய்தும் விண்ணப்பிக்கலாம். 

விவரங்களை முழுமையாகக் காண https://ugcnet.nta.ac.in/images/public-notice-for-extension-of-dates-for-ugc-net-june-2025.pdf என்ற இணைப்பை க்ளிக் செய்து காணவும். 

தேர்வர்கள் இ- மெயில் முகவரி: ugcnet@nta.ac.in

கூடுதல் தகவல்களுக்கு https://ugcnet.nta.ac.in/