வெப்ப அலை விடுமுறை ஈடுசெய்ய... புதுச்சேரி பள்ளிகளுக்கு 7 சனிக்கிழமைகள் வேலை நாட்கள்!

புதுச்சேரியில் கோடை கால வெப்ப அலை காரணமாகப் பள்ளிகளுக்கு அளிக்கப்பட்ட கூடுதல் விடுமுறை நாட்களை ஈடு செய்யும் வகையில், நடப்பு கல்வியாண்டில் 7 சனிக்கிழமைகள் பள்ளிகள் செயல்படும் இருக்கும்

புதுச்சேரி பள்ளிகளுக்கு 7 சனிக்கிழமைகள் வேலை நாட்கள்

Source : சிறப்பு ஏற்பாடு

புதுச்சேரி:  வெப்ப அலை காரணமாக அளிக்கப்பட்ட விடுமுறை நாட்களை ஈடு செய்ய ஜூலை 11, ஆக. 1, ஆக. 22, செப். 5, அக்.10, செப். 14, 28 ஆகிய 7 சனிக்கிழமைகளில் பள்ளிகள் செயல்படும் என புதுச்சேரி அரசு அறிவித்துள்ளது. 

வெப்ப அலை கூடுதல் விடுமுறை: புதுச்சேரியில் 7 சனிக்கிழமைகள் பள்ளி வேலை நாட்களாக அறிவிப்பு!

புதுச்சேரி மாநிலத்தில் கோடை கால வெப்ப அலை காரணமாகப் பள்ளிகளுக்கு அளிக்கப்பட்ட கூடுதல் விடுமுறை நாட்களை ஈடு செய்யும் வகையில், நடப்பு கல்வியாண்டில் 7 சனிக்கிழமைகள் பள்ளி வேலை நாட்களாக இருக்கும் என்று புதுச்சேரி அரசு அறிவித்துள்ளது.

இதுகுறித்து புதுச்சேரி பள்ளிக்கல்வித்துறை இயக்குநர் சிவகாமி வெளியிட்டுள்ள அதிகாரப்பூர்வ உத்தரவில் கூறப்பட்டிருப்பதாவது:

விடுமுறை நீட்டிப்பு:

நடப்பு ஆண்டில் கோடை காலத்தில் கடுமையான வெப்ப அலை வீசியதன் காரணமாக, மாணவர்களின் நலன் கருதி புதுச்சேரியில் பள்ளிகளுக்கான கோடை விடுமுறை நீட்டிக்கப்பட்டது. அதன்படி, கடந்த ஏப்ரல் 27 முதல் ஜூன் 3 வரை ஒட்டுமொத்தமாக 7 நாட்கள் கூடுதலாக விடுமுறை அளிக்கப்பட்டது.

7 சனிக்கிழமைகள் பள்ளிகள் இயங்கும்:

இந்தக் கூடுதல் விடுமுறை நாட்களால் ஏற்பட்ட பாடத்திட்ட நிலுவைகளை ஈடுசெய்யும் வகையில், குறிப்பிட்ட 7 சனிக்கிழமைகள் வேலை நாட்களாக அறிவிக்கப்பட்டுள்ளன. அதன்படி பின்வரும் தேதிகளில் பள்ளிகள் வழக்கம்போல் செயல்படும்:

• ஜூலை 25
• ஆகஸ்டு 1
• ஆகஸ்டு 22
• செப்டம்பர் 5
• அக்டோபர் 10
• நவம்பர் 14
• நவம்பர் 28

இந்த 7 சனிக்கிழமைகளிலும் புதுச்சேரி மற்றும் காரைக்கால் பகுதியில் உள்ள அனைத்துப் பள்ளிகளும் வழக்கம் போல முழு நேரமும் இயங்கும் எனத் தெரிவிக்கப்பட்டுள்ளது.

மாகி பகுதிக்குத் தனி அறிவிப்பு:

இதேபோல், புதுச்சேரி மாநிலத்தின் மாகி பிராந்தியத்தில் கடந்த ஏப்ரல் 23 முதல் 25 வரை வெப்ப அலை காரணமாகக் கூடுதலாக 3 நாட்கள் பள்ளிகளுக்கு விடுமுறை வழங்கப்பட்டிருந்தது. அந்த விடுமுறை நாட்களை ஈடுசெய்யும் வகையில், மாகி பகுதியில் மட்டும் மேலும் 3 சனிக்கிழமைகள் வேலை நாட்களாக அறிவிக்கப்பட உள்ளன. அதற்கான தேதிகள் விரைவில் தனியாக வெளியிடப்படும் என்றும் பள்ளிக்கல்வித்துறை அந்த உத்தரவில் குறிப்பிட்டுள்ளது.