TNTET Paper 2 Result: டெட் ஆசிரியர் தகுதித் தேர்வு தாள் 2 தேர்வு முடிவுகள் வெளியீடு; பார்ப்பது எப்படி?

TNTET Paper 2 Result 2023: டெட் ஆசிரியர் தகுதித் தேர்வு தாள் 2-ன் தேர்வு முடிவுகள் வெளியாகி உள்ளன. இதை ஆசிரியர் தேர்வு வாரியம் வெளியிட்டுள்ளது.

ஆசிரியர் தேர்வு வாரியம்

டெட் ஆசிரியர் தகுதித் தேர்வு தாள் 2-ன் தேர்வு முடிவுகள் வெளியாகி உள்ளன. இதை ஆசிரியர் தேர்வு வாரியம் வெளியிட்டுள்ளது. தேர்வு முடிவுகளைப் பார்ப்பது எப்படி என்று காணலாம். 

அரசு கொண்டுவந்த இலவசக் கட்டாயக் கல்வி உரிமைச் சட்டப்படி அனைத்து வகையான பள்ளிகளிலும் ஆசிரியராகப் பணியில் சேர மத்திய அரசு, மாநில அரசுகள் நடத்தும் ஆசிரியர் தகுதித் தேர்வில் தேர்ச்சி பெற வேண்டும். அதன்படி நடத்தப்படும் ஆசிரியர் தகுதித் தேர்வு (TAMILNADU TEACHER ELIGIBILITY TEST (TNTET)) மொத்தம் 2 தாள்களைக் கொண்டது. முதல் தாளில் தேர்ச்சி பெறுபவர்கள் இடைநிலை ஆசிரியராகவும், 2-ம் தாளில் தேர்ச்சி அடைபவர்கள் பட்டதாரி ஆசிரியராகவும் பணிபுரியலாம்.

இதற்கிடையில் நடப்பு ஆண்டுக்கான ஆசிரியர் தகுதித் தேர்வு தாள் 1 மற்றும் தாள் 2 ஆகியவற்றுக்கான அறிவிப்பு கடந்த 2022ஆம் ஆண்டு மார்ச் மாதம் வெளியிடப்பட்டது. விண்ணப்பதாரர்கள்‌ இணையதளம்‌ வாயிலாக ஏப்ரல் 26ஆம் தேதி வரை விண்ணப்பித்தனர். ஆசிரியர்‌ தகுதித்‌ தேர்வு தாள் ‌1-க்கு 2,30,878 பேரும்‌ மற்றும்‌ தாள் 2-க்கு 4,01,886 பேரும்‌ என மொத்தமாக 6,32764 பேர் விண்ணப்பித்தனர்‌.

அதையடுத்து ஆசிரியர் தகுதித் தேர்வு முதல் தாள் அக்டோபர் 14 முதல் 19ஆம் தேதி வரை இரு வேளைகளில்‌ நடத்தப்பட்டது. கணினி வழியில் நடைபெற்ற தேர்வை சுமார் 2 லட்சம் பேர் எழுதினர். 

பிப்ரவரி 3 முதல் 15 வரை தாள் 2 தேர்வு

இதற்கிடையில், ஆசிரியர் தகுதித் தேர்வு 2ஆம் தாள்  கணினி வழித் தேர்வு (Computer Based Examination) பிப்ரவரி 3 முதல் பிப்ரவரி 15 வரை நடத்தப்பட்டது. காலை, மாலை என இரு வேளைகளில்‌ கணினி வழியில் மட்டுமே தேர்வு நடந்தது. அதைத் தொடர்ந்து தேர்வுக்கான கேள்விகளுக்கு உரிய தற்காலிக உத்தேச விடைக்குறிப்புகள்‌ (Tentative Answer Key) ஆசிரியர்‌ தேர்வு வாரிய இணையதளமான https://trb.tn.nic.in/ என்ற முகவரியில் வெளியிடப்பட்டன.

அதேபோல தேர்வர்கள்‌ தாங்கள்‌ தேர்வு எழுதிய தேதியில்‌ எந்த அமர்வில்‌ தேர்வு எழுதினார்களோ அந்த அமர்வுக்கு உரிய Master Question Paper TRB website-ல் வெளியிடப்பட்டது. தேர்வர்கள்‌ வெளியிடப்பட்டுள்ள தற்காலிக விடைக்குறிப்பிற்கு இணைய வழியில்‌ ஆட்சேபனை தெரிவித்தனர். அதைத்தொடர்ந்து இறுதி விடைக் குறிப்பை ஆசிரியர் தேர்வு வாரியம் தேர்ந்தெடுத்தது.

இதற்கிடையே தாள் 2-க்கான தேர்வு முடிவுகள் இன்று (மார்ச் 28) வெளியாகி உள்ளன. இதை ஆசிரியர் தேர்வு வாரியம் வெளியிட்டுள்ளது. 

தேர்வர்கள் https://trb.tn.nic.in/TET_2022/28032023/msg%20TK.htm என்ற இணைய முகவரியை க்ளிக் செய்து, தேர்வு முடிவுகளைக் காணலாம்.

இறுதி விடைக் குறிப்புகளை https://trb.tn.nic.in/TET_2022/28032023/FINAL_KEY_P_II.pdf என்ற இணைய முகவரியை க்ளிக் செய்து காணலாம்.

இதையும் வாசிக்கலாம்: 12ஆம் வகுப்பு, 10ஆம் வகுப்பு பாடங்களின் மாதிரி வினாத் தாளைக் காண: https://tamil.abplive.com/topic/question-bank என்ற இணைப்பை க்ளிக் செய்யவும்.