12th Supplementary Result: பிளஸ் 2 துணைத்தேர்வு முடிவுகள் எப்போது? அரசுத்‌ தேர்வுகள்‌ இயக்ககம் அறிவிப்பு

பிளஸ் 2 துணைத்தேர்வு முடிவுகளில் ஜூலை 24ஆம் தேதி முதல் மதிப்பெண் பட்டியலைப் பதிவிறக்கம் செய்யலாம் என்று அரசுத்‌ தேர்வுகள்‌ இயக்ககம் தெரிவித்துள்ளது.

மாணவர்கள் | கோப்புப்படம்

பிளஸ் 2 துணைத்தேர்வு முடிவுகளில் ஜூலை 24ஆம் தேதி முதல் மதிப்பெண் பட்டியலைப் பதிவிறக்கம் செய்யலாம் என்று அரசுத்‌ தேர்வுகள்‌ இயக்ககம் தெரிவித்துள்ளது. அதேபோல விடைத் தாள் நகல் மற்றும் மறுகூட்டலுக்கு விண்ணப்பிக்கலாம் எனவும் தெரிவிக்கப்பட்டுள்ளது.  

இதுகுறித்து அரசுத்‌ தேர்வுகள்‌ இயக்ககம் இன்று தெரிவித்து உள்ளதாவது:

மேல்நிலை இரண்டாம்‌ ஆண்டு  துணைத்‌ தேர்வு கடந்த ஜூன்‌ , ஜூலை மாதங்களில் நடைபெற்றது. தேர்வர்கள்‌ தேர்வு முடிவினை, மதிப்பெண்‌ பட்டியலாக 24.07.2023 (திங்கட்கிழமை) பிற்பகல்‌ முதல்‌ இணையதளத்தில் இருந்து தங்களது தேர்வெண்‌ (Roll No.) மற்றும் பிறந்த தேதியைப் பதிவு செய்து ஆன்லைனில்‌ பதிவிறக்கம்‌ செய்துகொள்ளுமாறு அறிவிக்கப்படுகிறது.

வழிமுறைகள்‌ பின்வருமாறு:

தேர்வர்கள்‌ வருகிற 24.07.2023 பிற்பகல்‌ முதல்‌ தமது மதிப்பெண்‌ பட்டியலை www.dge.tn.gov.in என்ற முகவரிக்குள்‌ சென்று Result என்ற வாசகத்தை க்ளிக் செய்தால்‌ ஒரு பக்கம் தோன்றும். அதில் “ HSE Second Year Supplementary Exam, Jun/ Jul 2023 - Result -Statement Of Marks Download” என்ற வாசகத்தினை க்ளிக் செய்து தேர்வர்கள்‌ தங்களது தேர்வெண் (Roll No.) மற்றும்‌ பிறந்த தேதி ஆகிய விவரங்களை பதிவு செய்து, தங்களது மதிப்பெண்‌ பட்டியலினை பதிவிறக்கம்‌ செய்து கொள்ளலாம்‌ என அறிவிக்கப்படுகிறது.

விடைத்தாள்‌ நகல்‌ மற்றும்‌ மறுகூட்டலுக்கு விண்ணப்பிக்கும்‌ முறை:

ஜூன்‌ / ஜூலை 2023, மேல்நிலை துணைத்‌ தேர்வுக்கான விடைத்தாள்‌ நகல்‌ மற்றும்‌ மறுகூட்டலுக்கு விண்ணப்பிக்க விரும்பும்‌ தேர்வர்கள்‌ சம்பந்தப்பட்ட மாவட்ட அரசுத்‌ தேர்வுகள்‌ உதவி இயக்குநர்‌ அலுவலகத்திற்கு 27.07.2023 (வியாழக்‌கிழமை) மற்றும்‌ 28.07.2023 (வெள்ளிக்கிழமை) ஆகிய இரண்டு நாட்களில்‌ காலை 10.00 மணி முதல்‌ மாலை 5.45 மணி வரை நேரில்‌ சென்று உரிய கட்டணம்‌ செலுத்தி பதிவு செய்து கொள்ள வேண்டும்‌. 

புதிதாக தோற்றுவிக்கப்பட்ட மாவட்டங்களில்‌ (தென்காசி, கள்ளக்குறிச்சி, திருப்பத்தூர்‌, இராணிப்பேட்டை, மயிலாடுதுறை, செங்கல்பட்டு) முதன்மைக்கல்வி அலுவலர்‌ அலுவலகத்திற்கு சென்று தேர்வர்கள்‌ பதிவு செய்துகொள்ளலாம்‌.

(Scan Copy of of the Answer Script) விடைத்தாள் பெறுவதற்கான கட்டணம்‌:

ஒவ்வொரு பாடத்திற்கும்‌ - ரூ.275/-

மறுகூட்டல்‌ -1  (Re-totalling-I) கட்டணம்‌ :

உயிரியல்‌ பாடத்திற்கு மட்டும்‌ - ரூ.305,
ஏனைய‌ பாடங்கள்‌ (ஒவ்வொன்றிற்கும்‌) - ரூ.205,

விடைத்தாள்‌ நகல்‌ கோரி விண்ணப்பிக்கும்‌ தேர்வர்கள்‌ மட்டுமே பின்னர்‌ மறுகூட்டல்‌-11 /, மறு மதிப்பீட்டிற்கு விண்ணப்பிக்க இயலும்‌. மறுகூட்டல்‌-1 கோரி விண்ணப்பிக்கும்‌ தேர்வர்கள்‌ பின்னர்‌ மறுமதிப்பீட்டிற்கு விண்ணப்பிக்க இயலாது என்றும் அரசுத் தேர்வுகள் இயக்ககம் தெரிவித்துள்ளது. 

கூடுதல் விவரங்களுக்கு: www.dge.tn.gov.in என்ற இணைப்பை க்ளிக் செய்து பார்க்கவும்.