![ABP Premium](https://cdn.abplive.com/imagebank/Premium-ad-Icon.png)
12th Student Nandhini: ஒவ்வொரு பாடத்திலும் 100க்கு 100..வெற்றிக்கு இவர்களே காரணம் - சாதனை மாணவி நந்தினி பேட்டி
ஒவ்வொரு பாடத்திலும் 100க்கு 100 மதிப்பெண் எடுத்த திண்டுக்கல் 12ம் வகுப்பு பள்ளி மாணவி 600 மதிப்பெண் எடுத்து சாதனை.
![12th Student Nandhini: ஒவ்வொரு பாடத்திலும் 100க்கு 100..வெற்றிக்கு இவர்களே காரணம் - சாதனை மாணவி நந்தினி பேட்டி TN 12th Result 2023 Dindigul 12th Class Girl Nandhini Who Scored 100 Out of 100 in All Subject Achieved 600 Marks-TNN 12th Student Nandhini: ஒவ்வொரு பாடத்திலும் 100க்கு 100..வெற்றிக்கு இவர்களே காரணம் - சாதனை மாணவி நந்தினி பேட்டி](https://feeds.abplive.com/onecms/images/uploaded-images/2023/05/08/7d4fcd9e6f1d09e182e82360d9131f5d1683532444109109_original.jpeg?impolicy=abp_cdn&imwidth=1200&height=675)
தமிழ், ஆங்கிலம், எக்னாமிக்ஸ், காமர்ஸ், அக்கவுண்டன்சி, கம்ப்யூட்டர் அப்ளிகேஷன் உள்ளிட்ட பாடங்களில் நூற்றுக்கு நூறு மார்க் எடுத்து மாநில அளவில் முதலிடம் பிடித்த மாணவி.
தமிழகம் முழுவதும் கடந்த மார்ச் மாதம் 13ம் தேதி 12ஆம் வகுப்புக்கான பொது தேர்வு நடைபெற்றது. இத்தேர்வில் தமிழகம் முழுவதும் உள்ள மாணவ,மாணவிகள் தேர்வு எழுதினார். இந்நிலையில் தேர்வு முடிவுகள் இன்று தமிழக கல்வித் துறை அமைச்சர் அன்பில் மகேஷ் பொய்யாமொழி வெளியிட்டார்.
இந்நிலையில் திண்டுக்கல் கல்வி மாவட்டத்தில் திண்டுக்கல் அண்ணாமலையார் பெண்கள் மேல்நிலைப்பள்ளி மாணவி நந்தினி தமிழ், ஆங்கிலம், கணினி பயன்பாடு, பொருளியல், கணக்குப்பதிவியல், வணிகவியல் உள்ளிட்ட பாடங்களில் நூற்றுக்கு நூறு மதிப்பெண்கள் பெற்று மொத்த மதிப்பெண் 600 க்கு 600 மதிப்பெண் வாங்கியுள்ளார். இதில் திண்டுக்கல் மாவட்டத்தில் முதலிடமும் தமிழகத்தில் முதலிடமும் பெற்றுள்ளார்.
மேலும் இப்பள்ளி மாணவி நந்தினி இப்பள்ளியில் எல்கேஜி முதல் 12 ஆம் வகுப்பு வரை இதே பள்ளியில் படித்து வந்தார். மேலும் இப்பள்ளியின் பள்ளி தாளாளர் ஜெயபால், தலைமை ஆசிரியர் அகிலா, தமிழ் ஆசிரியர் அனுராதா, ஆங்கில ஆசிரியர் தீபா, மரிய சாந்திராஜலட்சுமி, அஷ்டலட்சுமி ஆகியோர் தனக்கு ஊக்கமளித்ததாகவும், அதிக மதிப்பெண் பெறுவதற்கு அனைவரும் ஊக்குமளித்ததாகவும் தனது வெற்றிக்கு தனது பெற்றோரும் உறுதுணையாக இருந்ததாகவும் கூறினார். மேலும் நந்தினி தந்தை சரவணகுமார் தச்சு தொழிலாளியாக உள்ளார். அம்மா பாலபிரியா மற்றும் ஆறாம் வகுப்பு படிக்கும் பிரவீன் என்ற சகோதரரும் உள்ளார்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)