12th Supplementary Exam Hall Ticket: பிளஸ் 2 துணைத்தேர்வு ஹால் டிக்கெட் வெளியீடு; ஆன்லைனிலேயே பெறலாம்- எப்படி?

Tamilnadu 12th Supplementary Exam 2024 Hall Ticket: பிளஸ் 2 துணைத் தேர்வு எழுத உள்ள தனித்தேர்வர்களுக்கான ஹால் டிக்கெட் தற்போது வெளியாகி உள்ளது. இதை ஆன்லைனிலேயே பெறலாம்.

மாணவர்கள் | கோப்புப்படம்

Source : ABP Live AI

மேல்நிலை இரண்டாம்‌ ஆண்டு எனப்படும் 12ஆம் வகுப்பு துணைத்‌ தேர்வு ஜூன்‌, ஜூலை மாதங்களில் நடைபெற உள்ள நிலையில், தனித்தேர்வர்கள்‌ தேர்வுக்கூட நுழைவுச்‌ சீட்டுகளை இணையதளம்‌ மூலம்‌ பதிவிறக்கம்‌ செய்துகொள்ளலாம் என்று அரசுத் தேர்வுகள் இயக்ககம் தெரிவித்துள்ளது.

மாநிலக் கல்வி பாடத் திட்டத்தில் 12ஆம் வகுப்புப் பொதுத்தேர்வு மார்ச் 1 முதல் மார்ச் 22ஆம் தேதி வரை நடைபெற்றது. இந்தத் தேர்வை சுமார் 7.6 லட்சம் மாணவர்கள் எழுதினர். தேர்வு முடிவுகள், மே 6ஆம் தேதி வெளியான நிலையில், பொதுத் தேர்வில் 94.56% பேர் தேர்ச்சி பெற்றனர். மீதமுள்ள 5.44 சதவீத மாணவர்களுக்கு துணைத் தேர்வுகள் அறிவிக்கப்பட்டன. 

இந்த மாணவர்களுக்கான துணைத் தேர்வுகள் ஜூன் 24 முதல் ஜூலை 1ஆம் தேதி வரை நடைபெற உள்ளன. இந்த நிலையில் துணைத் தேர்வை எழுத விண்ணப்பித்தத்‌ தனித்தேர்வர்கள்‌ தங்களது தேர்வுக்‌ கூட நுழைவுச்‌ சீட்டுகளை இன்று (புதன்கிழமை) முதல்‌ www.dge.tn.gov.in என்ற இணையதளத்தின்‌ மூலம்‌ பதிவிறக்கம்‌ செய்துகொள்ளலாம்‌.

ஹால் டிக்கெட்டைப் பெறுவது எப்படி?

* தனித்தேர்வர்கள்‌ www.dge.tn.gov.in என்ற இணையதளத்திற்குச்‌ செல்ல வேண்டும்.

* அதில், "HALL TICKET" என்ற வாசகத்தினை க்ளிக் செய்ய வேண்டும்.

*அவ்வாறு செய்தால்‌ தோன்றும்‌ "HSE SECOND YEAR SUPPLEMENTARY EXAM, JUNE/ JULY 2024 - HALL TICKET DOWNLOAD" என்ற வாசகத்தை க்ளிக் செய்ய வேண்டும்.

*அவ்வாறு தோன்றும்‌ பக்கத்தில்‌ தங்களது விண்ணப்ப எண் (Application Number) அல்லது நிரந்தரப்‌ பதிவெண்‌ (Permanent Register No.) மற்றும்‌ பிறந்த தேதியினைப்‌ (Date of Birth‌) பதிவு செய்ய வேண்டும். அல்லது https://apply1.tndge.org/private-hall-ticket-revised என்ற இணைப்பை க்ளிக் செய்தும் தேவையான தகவல்களை உள்ளீடு செய்யலாம். 

* இவ்வாறு செய்வதன் மூலம் தங்களுடைய தேர்வுக்‌ கூட நுழைவுச்‌ சீட்டைப்‌ பதிவிறக்கம்‌ செய்து கொள்ளலாம்‌.

செய்முறைத்‌ தேர்வுகள் எப்போது?

செய்முறைத்‌ தேர்வுக்கான தேதி குறித்த விவரத்தைத்‌ தனித்தேர்வர்கள்‌ தமக்கு ஒதுக்கீடு செய்யப்பட்டுள்ள தேர்வு மையத்தின்‌ முதன்மைக் கண்காணிப்பாளரை அணுகி அறிந்து கொள்ள வேண்டும்‌. உரிய தேர்வுக்கூட நுழைவுச்‌ சீட்டின்றி எந்த ஒரு தேர்வரும்‌ தேர்வெழுத அனுமதிக்கப்பட மாட்டார்கள்‌ என்று அரசுத் தேர்வுகள் இயக்ககம் தெரிவித்துள்ளது.

கூடுதல் தகவல்களுக்கு: https://www.dge.tn.gov.in/