மேலும் அறிய

நாளை முதல் 10ஆம் வகுப்பு தனித்தேர்வர்களுக்கு ஹால் டிக்கெட்; டவுன்லோடு செய்வது எப்படி?

10ஆம் வகுப்பு பொதுத்தேர்வு எழுதும் தனித் தேர்வர்களுக்கான நுழைவுச் சீட்டு (ஹால் டிக்கெட்) நாளை (மார்ச் 17ஆம் தேதி) வெளியிடப்பட உள்ளது.

By : மாய நிலா | Updated at : 16 Mar 2023 01:09 PM (IST)

Private candidates hall tickets for SSLC exam 2023 from March 17 know how to download நாளை முதல் 10ஆம் வகுப்பு தனித்தேர்வர்களுக்கு ஹால் டிக்கெட்; டவுன்லோடு செய்வது எப்படி?

தனித் தேர்வர்கள் | கோப்புப்படம்

10ஆம் வகுப்பு பொதுத்தேர்வு எழுதும் தனித் தேர்வர்களுக்கான நுழைவுச் சீட்டு (ஹால் டிக்கெட்) நாளை (மார்ச் 17ஆம் தேதி) வெளியிடப்பட உள்ளது. தேர்வுக்கூட நுழைவுச்சீட்டை அரசுத் தேர்வுகள் இயக்ககத்தின் இணையதளத்தில் பதிவிறக்கம் செய்துகொள்ளலாம் எனத் தெரிவிக்கப்பட்டுள்ளது.

இதுகுறித்து அரசுத் தேர்வுகள் இயக்ககம் இன்று வெளியிட்ட செய்திக் குறிப்பு:

’’விண்ணப்பித்த தனித் தேர்வர்கள் (தத்கல் உட்பட) 17.03.2023 (வெள்ளிக் கிழமை) பிற்பகல் முதல் www.dge.tn.gov.in என்ற இணைய தளத்தின் வாயிலாக தேர்வுக்கூட நுழைவுச் சீட்டுகளைப் பதிவிறக்கம் செய்து கொள்ளலாம்.

தேர்வுக்கூட நுழைவுச் சீட்டுகளை பதிவிறக்கம் செய்யும் முறை

தனித் தேர்வர்கள் www.dge.tn.gov.in என்ற இணையதளத்திற்குச் சென்று "HALL TICKET" என்ற வாசகத்தினை க்ளிக் செய்து, PUBLIC EXAMINATION APRIL 2023 - என்ற பக்கம் தோன்றும். அதில் தோன்றும் பக்கத்திலுள்ள “SSLC PUBLIC EXAMINATION APRIL 2023 - HALL TICKET DOWNLOAD” என்ற வாசகத்தினை Click செய்து தோன்றும் பக்கத்தில், தங்களது விண்ணப்ப எண் (Application Number)/ நிரந்தரப் பதிவெண் (Permanent Register Number) மற்றும் பிறந்த தேதியினைப் (Date of Birth) பதிவு செய்து, தேர்வுக் கூட நுழைவுச் சீட்டினை பதிவிறக்கம் செய்து கொள்ளலாம்.

ஏப்ரல் 2023 பத்தாம் வகுப்பு பொதுத்தேர்வு அறிவியல் பாட செய்முறைத் தேர்வுகள் (Science Practical Examinations) 20.03.2023 முதல் 24.03.2023 வரை, அறிவியல் பாட செய்முறை பயிற்சி வகுப்புகள் நடைபெற்ற பள்ளிகளிலேயே நடைபெறவுள்ளன. அறிவியல் பாட செய்முறைத்தேர்வுக்கான தேதி குறித்த விவரத்தை தனித் தேர்வர்கள் செய்முறைப் பயிற்சி பெற்ற பள்ளி தலைமையாசிரியரை அணுகி அறிந்து கொள்ள வேண்டும். உரிய தேர்வுக்கூட அனுமதிச் சீட்டின்றி எந்த ஒரு தேர்வரும் தேர்வெழுத அனுமதிக்கப்படமாட்டார்கள்.

ஏப்ரல் 2023 பொதுத்தேர்விற்கான கால அட்டவணையை www.dge.tn.gov.in என்ற இணையதளத்திற்கு சென்று அறிந்து கொள்ளலாம்’’.

இவ்வாறு அரசுத் தேர்வுகள் இயக்ககம் தெரிவித்துள்ளது.

இதையும் வாசிக்கலாம்: 12ஆம் வகுப்பு, 10ஆம் வகுப்பு பாடங்களின் மாதிரி வினாத் தாளைக் காண: https://tamil.abplive.com/topic/question-bank என்ற இணைப்பை க்ளிக் செய்யவும்.

Madras University Result: சென்னை பல்கலைக்கழக தேர்வு முடிவுகள் எப்போது?- காத்துக்கிடக்கும் மாணவர்கள்

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.

Published at : 16 Mar 2023 01:09 PM (IST)

Tags :

How To Download Hall Ticket Private Candidates SSLC SSLC Exam 2023