JEE Exam: தமிழக மாணவர்கள் ஜே.இ.இ தேர்வு எழுத உரிய தீர்வு காணப்படும் - அமைச்சர் அன்பில் மகேஷ் உறுதி

தமிழக மாணவர்கள் ஜே.இ.இ. தேர்வு எழுத உரிய தீர்வு காணப்படும் என பள்ளிக்கல்வித்துறை அமைச்சர் அன்பில் மகேஷ் தெரிவித்துள்ளார்.

ஜே.இ.இ. தேர்வு

தமிழக மாணவர்கள் ஜே.இ.இ நுழைவுத் தேர்வு எழுத உரிய தீர்வு காணப்படும் என பள்ளிக்கல்வித்துறை அமைச்சர் அன்பில் மகேஷ் தெரிவித்துள்ளார்.

ஜே.இ.இ. தேர்வு:

மத்திய அரசின் தொழில்நுட்ப கல்வி நிறுவனங்களின் மாணவர் சேர்க்கைக்காக  நடத்தப்படும் ஜே.இ.இ. எனப்படும் கூட்டு நுழைவுத்தேர்வுக்கான ஆன்லைன் விண்ணப்பத்தில், பத்தாம் வகுப்பு மதிப்பெண்களை குறிப்பிடுவது கட்டாயமாக்கப்பட்டுள்ளது. ஆனால், தமிழகத்தில் இரு ஆண்டுகளுக்கு முன் பத்தாம் வகுப்பு தேர்ச்சி பெற்றோருக்கு மதிப்பெண் வழங்கப்படாததால் அவர்கள் விண்ணப்பிக்க முடியாத நிலை உருவாகியுள்ளது.

தேசிய தொழில்நுட்பக் கல்வி நிறுவனம் (என்.ஐ.டி), இந்திய தகவல்தொழில்நுட்ப கல்வி நிறுவனம் (ஐ.ஐ.ஐ.டி) உள்ளிட்ட மத்திய அரசின் உயர்கல்வி நிறுவனங்களில் சேருவதற்கும், இந்திய தொழில்நுட்பக் கல்வி நிறுவனத்தில் (ஐஐடி) சேருவதற்கான நுழைவுத்தேர்வில் பங்கேற்பதற்கும் தகுதி பெறுவதற்கான  நுழைவுத் தேர்வு  வரும் கல்வியாண்டில் இரு முறை நடத்தப்படவுள்ளது. ஜனவரி 24-ஆம் தேதி தொடங்கும்  முதலாவது நுழைவுத் தேர்வுக்கான விண்ணப்பங்கள் கடந்த 15-ஆம் தேதி முதல் ஆன்லைனில் பெறப்பட்டு வருகின்றன. கடந்த ஒரு வாரத்தில் பல லட்சம் மாணவர்கள் இத்தேர்வில் பங்கேற்க விண்ணப்பித்துள்ளனர்.

அமைச்சர் விளக்கம்

12-ஆம் வகுப்பு மாணவர்கள் ஜே.இ.இ முதல்நிலை தேர்வுக்கு விண்ணப்பிப்பதில் சிக்கல் உள்ள நிலையில் அமைச்சர் அன்பில் மகேஷ் இன்று அவர் இவ்வாறு விளக்கமளித்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by ABP Nadu (@abpnadu)

கொரோனா காலத்தில் 10-ம் வகுப்பு தேர்வு எழுதாமல் தேர்ச்சி பெற்றவர்கள் தற்போது ஜே.இ.இ தேர்வுக்கு விண்ணப்பிப்பதில் சிக்கல் என புகார் எழுந்துள்ளது.  "மாணவர்கள் தேர்வெழுத உரிய தீர்வு காணப்படும் என்று அமைச்சர் அன்பில் மகேஷ் தெரிவித்துள்ளார். இதுகுறித்து தேசிய தேர்வு முகமையின் கவனத்திற்கு கொண்டு செல்லப்பட்டுள்ளது.  விண்ணப்பத்தில் 10ஆம் வகுப்பு மதிப்பெண்கள் பதிவிட  விலக்கு அளிக்ககோரி வலியுறுத்தி உள்ளோம்” என்றார்