பொன்னான வாய்ப்பு.. மிஸ் பண்ணிடாதீங்க.. 2026-27ஆம் ஆண்டுக்கான மாணவர் சேர்க்கை அறிவிப்பு!
இந்திய புள்ளியியல் நிறுவனத்தில் 2026-27 கல்வியாண்டுக்கான மாணவர் சேர்க்கைக்கு விண்ணப்பப் பதிவு தொடங்கி நடைபெற்று வருகிறது.
நாட்டின் முதன்மை கல்வி நிறுவனங்களில் ஒன்றான இந்திய புள்ளியியல் நிறுவனம் 2026-27 ஆம் கல்வியாண்டிற்கான பல்வேறு பட்டப் படிப்புகள், பட்டயப் படிப்புகள் மற்றும் ஆராய்ச்சி படிப்புகளுக்கான மாணவர் சேர்க்கை அறிவிப்பை வெளியிட்டுள்ளது.
புள்ளியியல் மற்றும் புள்ளியியல் சார்ந்த ஆராய்ச்சித் துறையில் ஆர்வம் கொண்ட மாணவர்கள் இந்த வாய்ப்பைப் பயன்படுத்திக் கொள்ளலாம்.
அந்த அறிவிப்பில், இளங்கலை மற்றும் முதுகலை படிப்புகளுக்கு (BSDS தவிர) விண்ணப்பிக்க விரும்புவோர் மார்ச் 13, 2026 வரை ஆன்லைனில் விண்ணப்பிக்கலாம் என தெரிவிக்கப்பட்டுள்ளது. இதற்கான அகில இந்திய அளவிலான நுழைவுத் தேர்வு வரும் மே 10, 2026 அன்று நடைபெறவுள்ளது.
புள்ளியியல் தரவு அறிவியல்
BSDS எனப்படும் புள்ளியியல் தரவு அறிவியல் இளங்கலைப் படிப்பிற்கான (Bachelor of Statistical Data Science) விண்ணப்பங்களை ஏப்ரல் 28 முதல் மே 28, 2026 வரை சமர்ப்பிக்கலாம் என தெரிவிக்கப்பட்டுள்ளது. தகுதியுள்ள விண்ணப்பதாரர்கள் நிறுவனத்தின் அதிகாரப்பூர்வ இணையதளமான https://admission.isical.ac.in/ வழியாக மட்டுமே விண்ணப்பிக்க முடியும்.
மேலும் விவரங்களுக்கு அதிகாரப்பூர்வ இணையதளத்தில் தெரிந்து கொள்ளலாம் என கூறப்பட்டுள்ளது.
கூடுதல் விவரங்களுக்கு: 033-2575-2504
தலைப்பு செய்திகள்
ட்ரெண்டிங் செய்திகள்
