CMTSE: மாதாமாதம் ரூ.1000; முதல்வர் திறனாய்வுத் தேர்வு முடிவுகள் எப்போது வெளியீடு? வெளியான அறிவிப்பு!
மாணவர்களுக்கு இளநிலை பட்டப் படிப்பு வரை மாதம் ரூ.1000/- வீதம் ஒரு கல்வியாண்டிற்கு 10 மாதங்களுக்கு மட்டும் உதவித்தொகையாக ரூ.10,000/- வழங்கப்படும்.
தமிழ்நாடு முதலமைச்சரின் திறனாய்வுத் தேர்வு முடிவுகள் மற்றும் தெரிவுப் பட்டியல் வெளியிடுவது குறித்து அரசுத் தேர்வுகள் இயக்ககம் அறிவிப்பு வெளியிட்டுள்ளது.
இதுகுறித்து அரசுத் தேர்வுகள் இயக்ககம் இன்று வெளியிட்டுள்ள செய்திக் குறிப்பு:
’’அரசு மற்றும் அரசு உதவிபெறும் பள்ளிகளில் பத்தாம் வகுப்பு பயிலும் மாணவர்களின் திறனைக் கண்டறிவதற்கும், அவர்களை ஊக்குவிக்கும் வகையிலும் “தமிழ்நாடு முதலமைச்சரின் திறனாய்வுத் தேர்வு" 25.01.2025 (சனிக்கிழமை) அன்று நடைபெற்றது.
மாதம் ரூ.1000 உதவித் தொகை
இந்தத் தேர்வை 1,43,351 மாணவ மாணவியர்கள் எழுதினர். இத்தேர்வில் 1000 மாணாக்கர்கள் (500 மாணவர்கள் + 500 மாணவியர்கள்) தெரிவு செய்யப்பட்டு அவர்களுக்கு இளநிலை பட்டப் படிப்பு வரை மாதம் ரூ.1000/- வீதம் ஒரு கல்வியாண்டிற்கு 10 மாதங்களுக்கு மட்டும் உதவித் தொகையாக ரூ.10,000/- வழங்கப்படும்.
இத்தேர்வின் முடிவுகள் 12.06.2025 அன்று பிற்பகல் வெளியிடப்பட உள்ளது. எனவே இந்தத் தேர்வை எழுதிய மாணாக்கர்கள் என்ற இணையதளத்தில் https://www.dge.tn.gov.in/ என்ற தலைப்பில் சென்று TAMILNADU CHIEF MINISTER TALENT SEARCH EXAMINATION Results என்ற பக்கத்தில் தங்களது பதிவெண் மற்றும் பிறந்த தேதியினை உள்ளீடு செய்து மதிப்பெண்களை அறிந்து கொள்ளலாம்.
தேர்வு முடிவுகளை வெளியிடுவது எப்படி?
மேலும் ஊக்கத் தொகைக்கான தெரிவுப் பட்டியல் இந்த இணைய தளத்திலே other Examination > TAMILNADU CHIEF MINISTER TALENT SEARCH EXAMINATION என்ற பக்கத்தில் வெளியிடப்படும் என்று தெரிவிக்கப்படுகிறது’’.
இவ்வாறு அரசுத் தேர்வுகள் இயக்ககம் தெரிவித்துள்ளது.
தலைப்பு செய்திகள்
ட்ரெண்டிங் செய்திகள்
