AICTE Scholarship: ரூ.2 லட்சம்; 5200 மாணவர்களுக்கு கல்வி உதவித்தொகை- விண்ணப்பிப்பது எப்படி?

YASHASVI Scholarship: பொறியியல் மற்றும் தொழில்நுட்பப் படிப்புகளில் முக்கியமான துறைகளை மாணவர்கள் எடுத்துப் படிப்பதை ஊக்குவிக்கும் வகையில் இந்த உதவித்தொகை அறிமுகம் செய்யப்பட்டுள்ளது.

By : மாய நிலா | Updated at : 29 Jan 2025 04:48 PM (IST)

AICTE Engineering Scholarship 5200 YASHASVI Scholarships How To Apply AICTE Scholarship: ரூ.2 லட்சம்; 5200 மாணவர்களுக்கு கல்வி உதவித்தொகை- விண்ணப்பிப்பது எப்படி?

ஏஐசிடிஇ உதவித்தொகை

Source : சிறப்பு ஏற்பாடு

5200 பொறியியியல் மாணவர்களுக்கு யஷஸ்வி எனப்படும் இளம் சாதனையாளர்களுக்கான உதவித்தொகை ('Young Achievers Scholarship and Holistic Academic Skills Venture Initiative (YASHASVI) scheme 2025'.) வழங்கப்படும் என்றும் இதற்கு தகுதி வாய்ந்த மாணவர்கள் விண்ணப்பிக்கலாம் எனவும் ஏஐசிடிஇ அழைப்பு விடுத்துள்ளது. பொறியியல் மற்றும் தொழில்நுட்பப் படிப்புகளில் முக்கியமான துறைகளை மாணவர்கள் எடுத்துப் படிப்பதை ஊக்குவிக்கும் வகையில் இந்த உதவித்தொகை அறிமுகம் செய்யப்பட்டுள்ளது.

யாரெல்லாம் விண்ணப்பிக்கலாம்? (AICTE YASHASVI Scheme Guidelines)

இந்த உதவித் தொகைக்கு முதலாமாண்டு பொறியியல் பட்டம் அல்லது பட்டய (டிப்ளமோ) மாணவர்கள் விண்ணப்பிக்கலாம்.
எனினும் ஏஐசிடிஇ அங்கீகாரம் பெற்ற கல்வி நிறுவனமாக இருக்க வேண்டும்.
அதேபோல லேட்டரல் என்ட்ரி மூலம் இரண்டாமாண்டு நேரடியாகச் சேர்ந்தவர்களும் விண்ணப்பிக்கலாம்.
பொறியியல் பிரிவில் கோர் (Core) துறைகளுக்கு மட்டுமே உதவித்தொகை அளிக்கப்படும். பிற பிரிவு பொறியியல் மாணவர்கள் இதற்கு விண்ணப்பிக்க முடியாது.
ஆண்டு வருமானம் 8 லட்ச ரூபாய்க்கு அதிகமாக இருக்கக் கூடாது. மாநில அரசால் வழங்கப்பட்ட செல்லக்கூடிய வருமானச் சான்றிதழைச் சமர்ப்பிக்க வேண்டும்.
விண்ணப்பிக்கும்போது படிக்கும் கல்வி நிறுவனத்தின் ஒப்புதலையும் பெற வேண்டும்.

யாருக்கெல்லாம் உதவித் தொகை?

இந்த உதவித்தொகை 5200 பேருக்கு வழங்கப்பட உள்ளது. குறிப்பாக, 2593 பொறியியல் பட்ட மாணவர்களுக்கும் 2607 டிப்ளமோ மாணவர்களுக்கும் வழங்கப்பட உள்ளது.

எவ்வளவு?

பொறியியல் மாணவர்களுக்கு ஆண்டுதோறும் ரூ.50 ஆயிரம் உதவித்தொகை அதிகபட்சம் 4 ஆண்டுகளுக்கு வழங்கப்படும். அதேபோல டிப்ளமோ மாணவர்களுக்கு ஆண்டுதோறும் ரூ.30 ஆயிரம் உதவித்தொகை அதிகபட்சம் 3 ஆண்டுகளுக்கு வழங்கப்படும்.

yashasvi@aicte-india.org என்ற இணைய முகவரியில் மாணவர்கள் விண்ணப்பிக்க வேண்டும். இதற்கு பிப்ரவரி 15ஆம் தேதி வரை விண்ணப்பிக்கலாம்.

தேர்வு செய்யப்பட்ட பிறகு ஆண்டுதோறும் வங்கிக் கணக்கில் உதவித்தொகை வரவு வைக்கப்படும்.

https://yashasvi.aicte.gov.in/uploads/AICTE%20YASHASVI%20Scheme%20Guidelines.pdf என்ற இணைய முகவரியில் யஷஸ்வி உதவித்தொகை குறித்த முழு விவரங்களும் உள்ளன.

தமிழ்நாடு மாணவர்களைப் பொறுத்தவரை 430 டிகிரி மாணவர்களும் 353 டிப்ளமோ மாணவர்களும் இந்த உதவித்தொகைக்குத் தகுதி ஆனவர்கள்.

yashasvi@aicte-india.org என்ற இணைப்பில் கூடுதல் தகவல்களைப் பெறலாம்.

https://yashasvi.aicte.gov.in/login.php?r=session_invalid என்ற இணைப்பின் மூலம் முன்பதிவு செய்துகொள்ளலாம்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.