தகாத வார்த்தையால் திட்டிய நிதி நிறுவன ஊழியர்; இளைஞர் தற்கொலை - சோகத்தில் தந்தையும் உயிரிழப்பு
விழுப்புரத்தில் நிதி நிறுவன ஊழியர் தகாத வார்த்தையில் திட்டியதால் இளைஞர் தற்கொலை. மகன் உயிரிழந்த நிலையில் தந்தையும் உயிரிழப்பு.
விழுப்புரத்தில் இரு சக்கர வாகனத்திற்கு மூன்று மாத தவனை செலுத்தாததால் நிதி நிறுவன ஊழியர் தகாத வார்த்தைகளால் திட்டியதால் இளைஞர் தற்கொலை செய்து கொண்ட நிலையில் தந்தையும் உயிரிழந்த சம்பவம் சோகத்தை ஏற்படுத்தியுள்ளது.
விழுப்புரம் நகர பகுதியான வானகார குப்புசாமி வீதியை சேர்ந்தவர் ரவிக்குமார் (22). இவர் தனது பெற்றோருடன் வசித்து வருகிற நிலையில் கடந்த ஒரு வருடத்திற்கு முன் தனியார் நிதி நிறுவனத்தின் மூலம் மாத தவணையில் இரு சக்கர வாகனம் ஒன்றை வாங்கியுள்ளார். இந்த இரு சக்கர வாகனத்திற்கு கடந்த மூன்று மாதமாக மாத தவனையை ரவிக்குமார் செலுத்தாததால் தனியார் நிதி நிறுவன ஊழியர் இளைஞரின் வீட்டிற்கு சென்று தகாத வார்த்தைகளால் திட்டியுள்ளதாக கூறப்படுகிறது. இதனால் மனமுடைந்த இளைஞர் பூச்சி மருந்து சாப்பிட்டு தற்கொலை செய்து கொண்டார்.
OPS Photo Removed : ஓபிஎஸ் பெயர்,புகைப்படம் அழிப்பு.. ஆட்டத்தை தொடங்கிய சி.வி.சண்முகம்! CV Shanmugam
இளைஞர் தற்கொலை செய்து கொண்டதால் உடலை கைப்பற்றி உடற்கூறு ஆய்விற்காக டவுன் போலீசார் முண்டியம்பாக்கம் அரசு மருத்துவமனைக்கு அனுப்பி வைத்து விசாரணை செய்தனர். இந்நிலையில், இறந்த இளைஞரின் உடல் நேற்று மருத்துவமனையிலிருந்து வீட்டிற்கு வருவதற்குள் இளைஞரின் தந்தையான செல்வம் உடல்நலம் பாதிக்கப்பட்டு ரத்த வாந்தி எடுத்து உயிரிழந்தார். மகன் தற்கொலை செய்து கொண்ட சோகத்தில் தந்தையும் உயிரிழந்த சம்பவம் சோகத்தினை ஏற்படுத்தியுள்ளது.
RB Udhayakumar Speech : அவர் உயரத்தை யாராலும் தொட முடியாது - OPS-சை திடீரென புகழ்ந்த R.B.உதயகுமார்
மன உளைச்சலோ, தற்கொலை எண்ணமோ மேலிடும்போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம்.சினேகா தன்னார்வ தொண்டு நிறுவனம்,எண்; 11, பார்க் வியூவ் சாலை, ஆர்.ஏ. புரம்,சென்னை - 600 028.தொலைபேசி எண் - (+91 44 2464 0050, +91 44 2464 0060
Anbil Mahesh Speech : அறிவாலயத்தில் இருப்பது போல் உணர்கிறேன் - அன்பில் மகேஷின் அசத்தல் பேச்சு
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
