கரூரில் ஆற்றில் மூழ்கி 4 மாணவிகள் உயிரிழப்புக்கு காரணம் இதுதான் - ஆட்சியர் விடுத்த வேண்டுகோள்

எதிர்பாராத விதமாக சோபியா, இனியா, லாவண்யா, தமிழரசி ஆகிய நான்கு மாணவிகள் ஆழமான பகுதிக்கு சென்றனர். நீச்சல் தெரியாததால் தண்ணீரில் மூழ்கி மாயமாகினர்.

அரசு மருத்துவக் கல்லூரி மருத்துவமனை வளாகம்.

கரூர் மாயனூர் காவிரி ஆற்றில் மூழ்கி 4 பள்ளி மாணவிகள் உயிரிழப்பு - தமிழக முதல்வரிடம் பேசி உரிய நிவாரணம் பெற்று தரப்படும் மாவட்ட ஆட்சியர் பேட்டி

 

 

 

கரூர் மாவட்டம், மாயனூர் காவிரி ஆற்றில் இன்று புதுக்கோட்டை மாவட்டம் விராலிமலை தாலுகா, பிலிப்பட்டி ஊராட்சி ஒன்றிய நடுநிலைப்பள்ளி சேர்ந்த 13 மாணவிகள் பள்ளி இடைநிலை ஆசிரியர் ஜெப சஹேயு இப்ராஹிம் மற்றும் அறிவியல் பட்டதாரி ஆசிரியர் திலகவதி ஆகியோருடன் திருச்சி மாவட்டம், தொட்டியம் கொங்கு நாடார் கல்லூரியில் நடைபெற்று வரும் மாநில அளவிலான விளையாட்டுப் போட்டியில் பங்கேற்க வந்துள்ளனர்.

போட்டிகள் முடிந்து கரூர் மாவட்டம் மாயனூர் காவிரி ஆற்றில் அமைந்துள்ள கதவணை பூங்கா ஆகியவற்றை சுற்றி பார்த்துவிட்டு ஆற்றில் குளிக்க சென்றுள்ளனர். அப்பொழுது, எதிர்பாராத விதமாக சோபியா, இனியா, லாவண்யா, தமிழரசி ஆகிய நான்கு மாணவிகள் ஆழமான பகுதிக்கு சென்றனர். நீச்சல் தெரியாததால் தண்ணீரில் மூழ்கி மாயமாகினர்.

மாணவிகள் நீரில் மூழ்கியது குறித்து தகவல் அறிந்த கரூர் மற்றும் முசிறி தீயணைப்பு நிலைய வீரர்கள் விரைந்து வந்து, ஆற்றில் மூழ்கிய மாணவிகளை தேடும் பணியில் ஈடுபட்டனர். சுமார் ஒரு மணி நேர போராட்டத்திற்கு பின்பு மாணவிகள் நான்கு பேர் உடல் சடலமாக மீட்கப்பட்டனர். நான்கு பேர் உடல்கள் கரூர் அரசு மருத்துவக் கல்லூரி மருத்துவமனைக்கு பிரேத பரிசோதனைக்காக அனுப்பி வைக்கப்பட்டது.

சம்பவ இடத்தில் கரூர் மாவட்ட ஆட்சித் தலைவர் பிரபுசங்கர் மற்றும் மாவட்ட காவல் கண்காணிப்பாளர் சுந்தரவதனம் ஆகியோர் பார்வையிட்டு ஆய்வு செய்தனர்.

அப்போது செய்தியாளர்களிடம் பேசிய மாவட்ட ஆட்சியர் பிரபு சங்கர், “நான்கு மாணவிகள் உயிரிழந்த சம்பவம் மிகுந்த வருத்தத்துக்கு உரியது. உள்ளூர் பொதுமக்கள் யாரும் அனுமதி இல்லாத இடங்களில் இறங்கி குளிக்க மாட்டார்கள். இவர்கள் வெளியூர் என்பதால் நீரின் ஆழம் தெரியாமல், தடை செய்யப்பட்ட பகுதியில் இறங்கி குளித்த காரணத்தால் நீரில் மூழ்கி உயிர் இழந்துள்ளனர்.

தமிழ்நாடு முதலமைச்சர் கவனத்திற்கு எடுத்துச் சென்று உரிய நிவாரணம் பெற்று தரப்படும். அனுமதி இல்லாத இடங்களில் காவிரி ஆற்றில் பொதுமக்கள் யாரும் குளிக்க வேண்டாம் என்று மாவட்ட ஆட்சியர் வேண்டுகோள் விடுத்துள்ளார்.