Crime: வீட்டில் இருந்து சிறுமியை வெளியேற்றிய தாய்! - பாலியல் வன்கொடுமைக்குள்ளாகி கொலையான கொடூரம் - சிக்கிய நபர்!
5 வயது சிறுமி மர்ம நபர்களால் பாலியல் வன்கொடுமை செய்யப்பட்டு கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
Crime: 5 வயது சிறுமி மர்ம நபர்களால் பாலியல் வன்கொடுமை செய்யப்பட்டு கொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.
சிறுமிக்கு பாலியல் வன்கொடுமை:
அமெரிக்காவைச் சேர்ந்த ஒரு பெண், தனது 5 வயது குழந்தையை வீட்டில் இருந்து வெளியேற வேண்டும் கூறியிருக்கிறார். இதனால் 5 வயது சிறுமி, வீட்டில் இருந்து வெளியே வந்து சில நாட்களாக சாலையில் அங்கும்மிங்கும் சுற்றியுள்ளார். இந்நிலையில், நேற்று முன்தினம் சாலையில் இருந்த 5 வயது சிறுமியை மர்ம நபர்கள் பாலியல் வன்கொடுமை செய்துள்ளனர். மேலும், சிறுமியை அதே இடத்தில் கொலை செய்துவிட்டு அங்கிருந்து தப்பிச் சென்றுள்ளனர். இந்த சம்பவம் குறித்து அறிந்த போலீசார், சம்பவம் நடந்த இடத்திற்கு சென்று சோதனையிட்டனர். அங்கு சிறுமியின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.
அங்கு மருத்துவர்கள் பரிசோதனை செய்ததில் பாலியல் வன்கொடுமை செய்யப்பட்டது உறுதியானது. இந்த சம்பவம் குறித்து வழக்குப்பதிவு செய்த போலீசார், குற்றம் சாட்டப்பட்ட நபரை கைது செய்தனர். கைதான நபர் செர்ரி என்று அடையாளம் காணப்பட்டுள்ளது.
சாப்பாட்டுக்காக தெருவில் சுற்றிதிரிந்த கொடூரம்:
உள்ளூர் ஊடகங்களின் கூற்றுப்படி, "5 வயது சிறுமி உடலில் பலத்த காயங்களுடன் பெட்ரோல் பங்கில் கிடந்துள்ளார். கைதான ஜெர்ரி என்ற அந்த நபர், இறந்த சிறுமியின் வீட்டில் தான் தங்கி இருந்தார். மேலும், கொலை நடப்பதற்கு சில தினங்களுக்கு முன்பு தான், ஜெர்ரி மற்றும் அந்த சிறுமியை அந்த வீட்டில் இருந்து சிறுமியின் தாய் வெளியேறுமாறு கூறியதாக தகவல் வெளியாகி உள்ளன. ஆனால், அந்த நபருக்கும், சிறுமியின் தாய்க்கும் என்ன சம்மதம் என்ற குறித்த தகவல் வெளியாகவில்லை.
சிறுமியின் தாய் சரியாக கவனித்துக் கொள்ளவில்லை என்றும், அடிக்கடி அருகில் இருக்கும் வீடுகளுக்கு சென்று தனக்கு உணவு ஏதாவது தருமாறு சிறுமி கோட்டுள்ளதாக தகவல் வெளியாகி உள்ளது. மேலும், தங்குவதற்கு இடம் தாருங்கள் என்று சிறுமி அடிக்கடி கேட்டதாகவும் சொல்லப்படுகிறது. குழந்தை அடிக்கடி பொதுவெளியில் சுற்றித்திரிவதையும் பலர் பார்த்துள்ளனர்" என்று தெரிவிக்கப்பட்டுள்ளது. 5 வயது சிறுமி பாலியல் வன்கொடுமை செய்யப்பட்டு கொலை செய்யப்பட்ட சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
மேலும் படிக்க
தலைப்பு செய்திகள்
ட்ரெண்டிங் செய்திகள்
