Chennai: இன்னும் 4 நாட்களில் ஓய்வு..! கடிதம் எழுதிவிட்டு முதியவர் தற்கொலை..! உயர் அதிகாரிகள் காரணமா ?

சென்னை அருகே இன்னும் நான்கு நாட்களில் ஓய்வு பெற இருந்த முதியவர், அதிகாரிகள் கொடுத்த தொல்லை காரணமாக கடிதம் எழுதி வைத்துவிட்டு தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

தற்கொலை செய்துகொண்ட ரமேஷ்

அறிஞர் அண்ணா உயிரியல் பூங்காவில் இன்னும் நான்கு நாட்களில் ஓய்வு பெற உள்ள முதியவர் அதிகாரிகள் தொல்லை காரணமாக கடிதம் எழுதி வைத்துவிட்டு தூக்கிட்டு தற்கொலை செய்து கொண்ட சம்பவம் பரபரப்பை ஏற்படுத்தியுள்ளது

 

செங்கல்பட்டு  : சென்னை வண்டலூர் அறிஞர் அண்ணா உயிரியல் பூங்காவில் எலக்ட்ரீசியனாக வேலை பார்த்து வந்தவர் 60 வயதான  ரமேஷ். அதே வளாகத்தில் குடியிருப்பு பகுதியில் தனது குடும்பத்துடன் வசித்து வந்துள்ளார். இந்நிலையில் நேற்று முன்தினம் உயிரியல் பூங்கா , உயர்மட்ட அதிகாரிகள் சிலர்  பூங்காவில் அதிகமாக மின்சாரம் பயன்பாட்டிற்க்கு நீங்கள்தான் காரணம் என்றும், இன்னும் நான்கு நாட்களில் ஓய்வு பெற உள்ளதால், இது குறித்து உங்களிடம் விளக்கம் கேட்டு சார்ஜ் சீட் கொடுக்கப்படும்  என்று மிரட்டியதாக கூறப்படுகிறது.

 

இதனால் மன உளைச்சலில் இருந்த  முதியவர் , என் சாவுக்கு குடும்பத்தினர் காரணம் இல்லை. அதிகாரிகள்தான் காரணம் என்று கடிதம் எழுதி வைத்துவிட்டு தூக்கிட்டு தற்கொலை செய்து கொண்டதாக தகவல்கள் வெளியாகி உள்ளது. உடலை காப்பாற்றிய ஓட்டேரி போலீசார் பிரேத பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்து விசாரனை நடத்தி வருகின்றனர்.

 

Suicidal Trigger Warning.

 

வாழ்க்கையில் கவலைகளும், துன்பங்களும் வந்து கொண்டுதான் இருக்கும். அவைகளை தற்காலிகமாக்குவதும், நிரந்தரமாக்குவதும் நாம் கையாளும் விதத்தில் தான் உள்ளது. தற்கொலை என்பது எதற்கும் தீர்வு ஆகாது. வாழ்க்கைக்கான நோக்கத்தைப் பற்றிய தெளிவும் அதை அடைவதற்கான வழிகளையும் கண்டறிய துவங்கினால் வாழ்க்கை சுவாரஸ்யமானதாக இருக்கும். அப்படி தங்களுக்கு மன அழுத்தம் ஏற்பட்டாலோ தற்கொலை எண்ணம் உண்டானாலும் அதனை மாற்ற கீழ்காணும் எங்களுக்கு அழைக்கவும். மாநில உதவி மையம் :104.

 

 

சினேகா தன்னார்வ தொண்டு நிறுவனம்,

எண்; 11, பார்க் வியூவ் சாலை, ஆர்.ஏ. புரம்,

சென்னை - 600 028.

தொலைபேசி எண் - (+91 44 2464 0050, +91 44 2464 0060)

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண