Petrol and diesel prices Today: பெட்ரோல், டீசல் விலை மீண்டும் உயர்வு

சென்னையில் கடந்த இரண்டு தினங்களாக மாற்றமில்லாமல் விற்பனை செய்து வந்த பெட்ரோல் மற்றும் டீசல் விலை இன்று ஏற்றம் கண்டுள்ளது.

சர்வதேச சந்தையில் நிலவும் கச்சா எண்ணெய் விலையின் அடிப்படையில், பெட்ரோல் மற்றும் டீசல் விலையை எண்ணெய் நிறுவனங்களே நிர்ணயித்துக்கொள்ள மத்திய அரசு அனுமதி அளித்தது. அதன்படி, எண்ணெய் நிறுவனங்கள் தினமும் பெட்ரோல் மற்றும் டீசல் விலையை நிர்ணயித்து வருகின்றன. சென்னையில் தேர்தல் முடிவுக்கு முன்பு பெட்ரோல் லிட்டருக்கு ரூ.92.43-க்கும், டீசல் லிட்டருக்கு  ரூ.85.75-க்கும் விற்பனை செய்யப்பட்டது.  


இந்நிலையில், தமிழ்நாடு உள்பட 5 மாநில தேர்தல் முடிவுகள் வெளியான நாளிலிருந்து பெட்ரோல் மற்றும் டீசல் விலை உயர்ந்து, சென்னையில் ஒரு லிட்டர் பெட்ரோல் விலை 12 காசு அதிகரித்து ரூ.92.55க்கு விற்பனை செய்யப்பட்டது. இதேபோல், ஒரு லிட்டர் டீசல் விலை 15 காசு அதிகரித்து ரூ.85.90க்கு விற்பனையானது. அதனைத்தொடர்ந்து, பெட்ரோல் மற்றும் டீசலின் விலை குறைவை விட அதிகம் உயர்ந்தே காணப்பட்டு வருகிறது.


சென்னையில் கடந்த 16ஆம் தேதி  ஒரு லிட்டர் பெட்ரோல் விலை  ரூ.94.31க்கு விற்பனை செய்யப்பட்டது. ஒரு லிட்டர் டீசலின் விலை ரூ.88.7க்கு விற்பனை செய்யப்பட்டது. 



Petrol and diesel prices Today: பெட்ரோல், டீசல் விலை மீண்டும் உயர்வு


இதனைத்தொடர்ந்து, சென்னையில் ஒரு லிட்டர் பெட்ரோல் விலை 23 காசுகள் அதிகரித்து ரூ.94.54க்கு விற்பனை செய்யப்பட்டது. அதேபோல், ஒரு லிட்டர் டீசலின் விலை 27 காசு அதிகரித்து ரூ.88.34க்கு விற்பனை செய்யப்பட்டது. கடந்த இரண்டு நாட்களாக அதே விலையில் பெட்ரோல் மற்றும் டீசல் விற்பனை செய்யப்பட்டு வந்த நிலையில் இன்று விலை அதிகரித்துள்ளது..


அதன்படி, சென்னையில் ஒரு லிட்டர் பெட்ரோல் விலை 17 காசுகள் அதிகரித்து ரூ.94.71க்கு விற்பனை செய்யப்படுகிறது. இதேபோல், ஒரு லிட்டர் டீசல் விலை 28 காசுகள் அதிகரித்து ரூ.88.62க்கு விற்பனை செய்யப்படுகிறது. 


தமிழகத்தை பொறுத்த வரை திமுக ஆட்சிக்கு வந்ததும் பெட்ரோல், டீசல் விலை குறைக்கப்படும் என பிரசாரத்தின் போது முக ஸ்டாலின் தெரிவித்திருந்தார். அதுமட்டுமின்றி தேர்தல் அறிக்கையாகவும் வெளியிடப்பட்டது.


கடந்த சில நாட்களாக விலை நிலையாக இருந்த நிலையில், மீண்டும் திமுக ஆட்சிக்கு வந்துள்ளதால் அவர்கள் தெரிவித்தபடி பெட்ரோல், டீசல் விலை மேலும் குறையும் என வாகன ஓட்டிகள் உற்சாகத்தில் இருந்தனர். ஆனால் அதற்கு மாறாக திடீரென பெட்ரோல், டீசல் விலை தொடர்ந்து உயர்த்தப்பட்டு வருவது வாகன ஓட்டிகளுக்கு அதிர்ச்சியை ஏற்படுத்தியுள்ளது.


சில தினங்களுக்கு முன்பு, திமுக அறிக்கையில் அறிவித்ததுபோல, பெட்ரோல், டீசல் விலையை குறைக்க வேண்டும் என மநீம தலைவர் கமல்ஹாசன், பாமக எம்பி அன்புமணி ராமதாஸ் உள்ளிட்டோர் வலியுறுத்தினர். கடந்த சில நாட்களாகவே பெட்ரோல், டீசல் விலை நிலையாக இல்லை என்பது குறிப்பிடத்தக்கது. 


கடந்த சில நாட்களாக பெட்ரோல், டீசல் விலை ஒரே விலை நீடித்ததால் வானக ஓட்டிகள் நிம்மதி அடைந்திருந்தனர். இந்நிலையில் தான் தற்போது பெட்ரோல், டீசல் விலை உயர்த்தப்பட்டுள்ளது. 

Tags: petrol price diesel price Petrol and diesel price Petrol Price Today Rise petrol price today Petrol and diesel price rise petrol price today

தொடர்புடைய செய்திகள்

Petrol and diesel prices Today: ரூ.97யை கடந்தது பெட்ரோல் விலை!

Petrol and diesel prices Today: ரூ.97யை கடந்தது பெட்ரோல் விலை!

Flipkart-இல் 3 நாட்களுக்கு அதிரடி தள்ளுபடி : ஈஸி பட்ஜெட்டில் வரவிருக்கும் ஸ்மார்ட்ஃபோன்கள்!

Flipkart-இல் 3 நாட்களுக்கு அதிரடி தள்ளுபடி : ஈஸி பட்ஜெட்டில் வரவிருக்கும் ஸ்மார்ட்ஃபோன்கள்!

கட்டுபடி ஆகாத விலையில் கட்டுமான பொருட்கள்; மக்கள் பட்ஜெட்டில் கீறல்!

கட்டுபடி ஆகாத விலையில் கட்டுமான பொருட்கள்; மக்கள் பட்ஜெட்டில் கீறல்!

Gold Silver Price Today: இரண்டு நாளாக உயர்ந்த தங்கம் இன்று குறைந்தது!

Gold Silver Price Today: இரண்டு நாளாக உயர்ந்த தங்கம் இன்று குறைந்தது!

TN petrol diesel price hike: இதுவரை இல்லாத உச்ச விலை.... சதத்தை நெருங்கியது பெட்ரோல்! கதறும் வாகன ஓட்டிகள்!

TN petrol diesel price hike: இதுவரை இல்லாத உச்ச விலை.... சதத்தை நெருங்கியது பெட்ரோல்! கதறும் வாகன ஓட்டிகள்!

டாப் நியூஸ்

Tamil Nadu Coronavirus LIVE News : தமிழ்நாட்டில் குறைந்து வரும் கொரோனா இறப்பு எண்ணிக்கை

Tamil Nadu Coronavirus LIVE News : தமிழ்நாட்டில் குறைந்து வரும் கொரோனா இறப்பு எண்ணிக்கை

ட்விட்டரில் பரிசு அறிவித்த அஸ்வின்; ஆர்வத்தில் கொட்டும் கமெண்ட்ஸ்!

ட்விட்டரில் பரிசு அறிவித்த அஸ்வின்; ஆர்வத்தில் கொட்டும் கமெண்ட்ஸ்!

Facebook Smartwatch | 'இரண்டு கேமராவுடன் ஸ்மார்ட் வாட்ச்' - அடுத்தக்கட்டத்திற்கு நகரும் பேஸ்புக்!

Facebook Smartwatch |  'இரண்டு கேமராவுடன் ஸ்மார்ட் வாட்ச்' - அடுத்தக்கட்டத்திற்கு நகரும் பேஸ்புக்!

'இந்தி அச்சுறுத்தலை எதிர்ப்போம்' ராஜ்யசபாவில் அண்ணா ஆற்றிய உரையின் சுருக்கம் !

'இந்தி அச்சுறுத்தலை எதிர்ப்போம்' ராஜ்யசபாவில் அண்ணா ஆற்றிய உரையின் சுருக்கம் !