EPFO Life Insurance: பி.எஃப் கணக்கு இருக்கா..! உங்களுக்கு ரூ.7 லட்சத்திற்கு இலவச லைஃப் இன்சூரன்ஸ் இருக்கு தெரியுமா?

EPFO Life Insurance: பணியாளர்கள் டெபாசிட் இணைக்கப்பட்ட காப்பீட்டுத் திட்டத்தின் (EDLI) மூலம், ரூ.7 லட்சம் மதிப்பிலான இலவச காப்பீட்டு பலன்களை பயனாளர் பெற முடியும்.

 EDLI திட்டம்:

EDLI அல்லது ஊழியர்களின் வைப்புத்தொகை இணைக்கப்பட்ட காப்பீட்டுத் திட்டம் எனப்படும் காப்பீட்டுத் திட்டத்தின் கீழ் EPFO இன் உறுப்பினர்கள் பாதுகாக்கப்படுகிறார்கள். இது ஊழியர்களின் வருங்கால வைப்பு நிதி அமைப்பு (EPFO) வழங்கும் காப்பீட்டுத் திட்டமாகும். EDLI திட்டம் 1976 இல் EPFO ​​ஆல் தொடங்கப்பட்டது. பணிக்காலத்தில் ஏதேனும் ஒரு காரணத்தால் EPFO ​​உறுப்பினர் இறந்துவிட்டால், அவரது குடும்பத்திற்கு நிதி உதவி வழங்கும் நோக்கில் இது தொடங்கப்பட்டது. இந்த காப்பீடு முற்றிலும் இலவசமாக வழங்கப்படுகிறது. EDLI திட்டத்திற்கான பங்களிப்பு நிறுவனத்தால் செய்யப்படுகிறது.

காப்பீட்டுத் தொகை எவ்வாறு தீர்மானிக்கப்படுகிறது?

காப்பீட்டுத் தொகையானது ஊழியர் கடைசியாக வாங்கிய 12 மாதங்களின் அடிப்படைச் சம்பளம் மற்றும் டிஏவைப் பொறுத்தது. காப்பீட்டுத் தொகைக்கான கிளெய்ம் ஆனது கடைசி அடிப்படை சம்பளம் + டிஏவை விட 35 மடங்கு அதிகமாக இருக்கும். இது தவிர, 1,75,000 ரூபாய் வரை போனஸ் தொகையும் உரிமை கோருபவருக்கு வழங்கப்படுகிறது.

நீங்கள் பணியில் இருக்கும் வரை காப்பீடு

EPFO உறுப்பினர் அவர் வேலையில் இருக்கும் வரை மட்டுமே EDLI திட்டத்தின் கீழ் இருப்பார். வேலையை விட்டு வெளியேறிய பிறகு, அவரது குடும்பத்தினர் / வாரிசுகள் / பரிந்துரைக்கப்பட்டவர்கள் அதைக் கோர முடியாது. EPFO உறுப்பினர் 12 மாதங்கள் தொடர்ந்து பணிபுரிந்தால், பணியாளரின் மரணத்திற்குப் பிறகு, பரிந்துரைக்கப்பட்டவருக்கு குறைந்தபட்சம் ரூ.2.5 லட்சம் பலன் கிடைக்கும்.

இதையும் படியுங்கள்: Benefits of filing ITR: வருமான வரிக்கணக்கு தாக்கல் செய்தால் தனி நபருக்கு இவ்வளவு நன்மைகளா? லிஸ்ட் இதோ

nominee யாரும் இல்லாவிட்டால்?

வேலை செய்யும் போது ஒரு ஊழியர் நோய்வாய்ப்பட்டாலோ, விபத்து ஏற்பட்டாலோ அல்லது இயற்கையான மரணம் ஏற்பட்டாலோ EDLI உரிமை கோரலாம். EDLI திட்டத்தின் கீழ் நாமினி(Nominee) யாரும் இல்லை என்றால் அந்த பலானாது, இறந்த பணியாளரின் மனைவி, திருமணமாகாத மகள்கள் மற்றும் மைனர் மகன்/மகள் ஆகியோர் பயனாளிகளாக கருதப்படுவர்.

எப்படி உரிமை கோருவது?

EPF சந்தாதாரர் மரணம் அடைந்தால், அவருடைய நாமினி அல்லது சட்டப்பூர்வ வாரிசு காப்பீட்டுத் தொகையைப் பெறலாம். இதற்கு, நாமினியின் வயது குறைந்தது 18-ஆக இருக்க வேண்டும். அதை விட குறைவாக இருந்தால், அவர் சார்பாக பெற்றோர் கோரிக்கை வைக்கலாம். க்ளைம் செய்யும் போது, ​​இறப்பு சான்றிதழ், வாரிசு சான்றிதழ் போன்ற ஆவணங்கள் தேவை. மைனரின் பாதுகாவலர் சார்பாக கோரிக்கை விடுக்கப்பட்டால், பாதுகாவலர் சான்றிதழ் மற்றும் வங்கி விவரங்கள் கொடுக்கப்பட வேண்டும்.