Credit card hidden charges: மறைக்கப்படும் கட்டணங்கள் - கிரெடிட் கார்டுக்கு இப்படியெல்லாம் காசு வசூலிப்பாங்களா?
Credit card hidden charges: கிரெடிட் கார்ட் மீது விதிக்கப்படும் மறைமுக கட்டணங்கள் தொடர்பான விவரங்களை இந்த தொகுப்பில் அறியலாம்.
Credit card hidden charges: கிரெடிட் கார்ட் மீது மறைமுகமாக விதிக்கப்படும், 7 விதமான கட்டணங்கள் குறித்து இந்த தொகுப்பில் அறியலாம்.
கிரெட் கார்ட்களுக்கான கட்டணங்கள்:
நாட்டில் கிரெடிட் கார்ட்களின் பயன்பாடு என்பது தொடர்ந்து அதிவேகமாக அதிகரித்து வருகிறது. பல்வேறு காரணங்களுக்காக தினசரி பயன்படுத்தினாலும், கிரெடிட் கார்ட் பயனாளர்கள் பயன்படுத்தும் பலர், அதன் மீது விதிக்கப்படும் வெவ்வேறு கட்டணங்கள் மீது கவனம் செலுத்துவதில்லை. ஆனால், கிரெடிட் கார்ட் நிறுவனங்கள் அல்லது வங்கிகள் வெவ்வேறு கட்டணங்கள் என்ற பெயரில் பயனாளர்களிடம் இருந்து அதிகப் பணம் வசூலிக்கின்றன. எனவே, உங்களிடம் கிரெடிட் கார்ட் இருந்தால் அல்லது கிரெடிட் கார்டுக்கு விண்ணப்பிக்க நினைத்தால், அதற்கு நீங்கள் எந்தக் கட்டணத்தைச் செலுத்த வேண்டும் என்பதைத் தெரிந்து கொள்வது அவசியம்.
1. சேரும் கட்டணம் மற்றும் வருடாந்திர கட்டணம்
பெரும்பாலான கிரெடிட் கார்ட்களில், நீங்கள் இணையும்போது ஒரு கட்டணத்தையும் மற்றும் வருடாந்திர கட்டணம் செலுத்த வேண்டும். நீங்கள் ஒவ்வொரு ஆண்டும் வருடாந்திர கட்டணத்தை செலுத்த வேண்டியிருக்கும். அதே வேளையில், நீங்கள் சேருவதற்கான கட்டணத்தை ஒருமுறை மட்டுமே செலுத்த வேண்டும் என்பதை நாங்கள் உங்களுக்குச் சொல்கிறோம்.
2. நிதி கட்டணம்
நீங்கள் கிரெடிட் கார்ட் பில் முழுவதையும் செலுத்தவில்லை என்றால், மீதமுள்ள தொகைக்கு வங்கி நிதிக் கட்டணத்தை வசூலிக்கிறது. இந்த காரணத்திற்காகவே, பயனாளர்கள் குறைந்தபட்ச தொகைக்கு பதிலாக முழு கட்டணத்தையும் செலுத்த நிபுணர்கள் பரிந்துரைக்கின்றனர்.
3. பணம் முன்கூட்டிய கட்டணம்
ரொக்க முன்பணம் என்பது கிரெடிட் கார்டு மூலம் ஏடிஎம்மில் இருந்து பணம் எடுக்கப்படும் போது கிரெடிட் கார்டு நிறுவனம் அல்லது வங்கியால் வசூலிக்கப்படும் தொகையாகும்.
4. பெட்ரோல் பம்புகளில் கூடுதல் கட்டணம்
கிரெடிட் கார்டு மூலம் பெட்ரோல், டீசல் நிரப்பப்படும் போது கார்டு நிறுவனங்கள் கூடுதல் கட்டணம் வசூலிக்கின்றன என்பது பலருக்குத் தெரியாது.
5. அந்நிய செலாவணி மார்க்அப் கட்டணம்
வெளிநாட்டில் கிரெடிட் கார்டு மூலம் பணம் செலுத்தும் போது கார்டு நிறுவனங்கள் அந்நிய செலாவணி மார்க்அப் கட்டணத்தை வசூலிக்கின்றன.
6. அட்டை மாற்று கட்டணம்
கார்டு தொலைந்துவிட்டாலோ அல்லது திருடப்பட்டாலோ, புதிய கார்டை வழங்குவதற்கு கார்டு மாற்றுக் கட்டணத்தை நிறுவனங்கள் வசூலிக்கின்றன.
7. வரம்புக்கு மேல் கட்டணம்
கிரெடிட் கார்டில் நிர்ணயிக்கப்பட்ட வரம்பை விட அதிகமாக செலவழிக்க நீங்கள் அனுமதிக்கப்படலாம். ஆனால், வங்கிகளோ அட்டை நிறுவனங்களோ இதை இலவசமாக அனுமதிப்பதில்லை. அத்தகைய பரிவர்த்தனைகளுக்கு, அனுமதிக்கப்பட்ட வரம்பை மீறியதாக கட்டணம் வசூலிக்கின்றனர்.
தலைப்பு செய்திகள்
ட்ரெண்டிங் செய்திகள்
