GST Collection Nov 2022: நவம்பர் மாத ஜிஎஸ்டி வசூல் 11% உயர்வு - எதனால் அதிகரிப்பு..?

நவம்பர் மாதத்துக்கான ஜி.எஸ்.டி வசூலானது ரூ.1.45 லட்சம் கோடிக்கு மேலாக அதிகரித்துள்ளதாக மத்திய நிதி துறை அமைச்சகம் அறிக்கை வெளியிட்டுள்ளது

ஜிஎஸ்டி

2022 ஆம் ஆண்டில் நவம்பர் மாதத்துக்கான ஜி.எஸ்.டி வசூலானது 1 லட்சத்து 45 ஆயிரத்து 867 கோடி ரூபாயாக அதிகரித்துள்ளதாக மத்திய நிதி துறை அமைச்சகம் அறிக்கை வெளியிட்டுள்ளது.

மறைமுக வரியான, ஜி.எஸ்.டி வரியானது, கடந்த ஆண்டு நவம்பர் மாதத்துடன் ஒப்பிடுகையில், இந்தாண்டுக்கான நவம்பர் மாதத்தில் 11 சதவீதம் அதிகரித்துள்ளதாக மத்திய நிதி அமைச்சகம் தெரிவித்துள்ளது.

Rs 1,45,867 crore gross GST revenue collected for November 2022, records increase of 11% Year-on-Year, says the Ministry of Finance. pic.twitter.com/U13uqFbFHP

— ANI (@ANI) December 1, 2022

வருவாய் அதிகரிப்பு:

இதில், மத்திய ஜி.எஸ்.டி. வருவாயானது ரூ.25, ஆயிரத்து 681 கோடிகோடி ரூபாயாக உள்ளதாகவும், மாநில ஜி.எஸ்.டி வருவாயானது ரூ.32, ஆயிரத்து 651 கோடியாக உள்ளதாகவும், ஒருங்கிணைந்த ஜி.எஸ்.டி வருவாயானது 77 ஆயிரத்து 103 கோடி ரூபாயாக உள்ளதாகவும் மத்திய நிதி துறை அமைச்சகம் அறிககையில் குறிப்பிட்டுள்ளது. மேலும், செஸ் மூலம் 817 கோடி ரூபாயாக வசூலாகியுள்ளதாகவும் தெரிவிக்கப்பட்டுள்ளது.

நவம்பர் மாதத்தில், பொருட்களின் இறக்குமதியிலிருந்து கிடைக்கும் வருவாய்கள் 20% அதிகமாகவும், உள்நாட்டு கொடுக்கல்- வாங்கல் (சேவைகளின் இறக்குமதி உட்பட) மூலம் கிடைக்கும் வருவாய்கள் கடந்த ஆண்டு இதே மாதத்தில் இருந்து வருவாயை விட 8% அதிகமாகவும் இருந்ததன் காரணத்தால் ஜி.எஸ்.டி வருவாய் அதிகரித்தது.

👉 ₹1,45,867 crore gross #GST revenue collected for November 2022, records increase of 11% Year-on-Year

👉 Monthly #GST revenues more than ₹1.4 lakh crore for nine straight months in a row

Read more ➡️ https://t.co/wCimrOavhZ

(1/2) pic.twitter.com/kuJ2spTjaq

— Ministry of Finance (@FinMinIndia) December 1, 2022

தமிழ்நாடு:

அதிகபட்சமாக மகாராஷ்டிரா மாதத்தில், 21 ஆயிரத்து 611 கோடி ரூபாய் வசூலாகியுள்ளது. தமிழ்நாடு மாநிலத்தில் 8 ஆயிரத்து 551 கோடி ரூபாய் வசூலாகியுள்ளதாக மத்திய நிதி அமைச்சகம் தெரிவித்துள்ளது. கடந்த ஆண்டு நவம்பர் மாதத்தில், 7 ஆயிரத்து 795 கோடி ரூபாய் வசூலாகிய்இருந்தது குறிப்பிடத்தக்கது.

2021 ஆம் ஆண்டு நவம்பர் மாதத்தில், ஜி.எஸ்.டி வசூலானது 1 லட்சத்து 31 ஆயிரத்து 526 கோடியாக இருந்தது. ஆனால், இந்த வருட நவம்பர் மாதத்தில், கடந்த நவம்பர் மாதத்துடன் ஒப்பிடுகையில் 11 சதவீதம் அதிகரித்துள்ளதாக மத்திய நிதி அமைச்சகம் தெரிவித்துள்ளது.