GOLD SILVER RATE Mar. 31: நகைப்பிரியர்களுக்கு மகிழ்ச்சி.! ரூ.5,000 சரிவு; தங்கம், வெள்ளியின் இன்றைய விலை என்ன தெரியுமா.?
சென்னையில் ஆபரணத் தங்கத்தின் விலை நேற்று காலையில் குறைந்து, மாலையில் உயர்ந்த நிலையில், இன்று காலையில் தங்கம், வெள்ளியின் விலை குறைந்துள்ளது. அவற்றின் தற்போதைய விலை நிலவரத்தை பார்க்கலாம்.
தங்கத்தின் விலை தொடர்ந்து மக்களை குழப்பி வரும் நிலையில், நேற்று காலையில் குறைந்து, மாலையில் அதிரடியாக உயர்ந்தது. இந்த நிலையில், இன்று காலை தங்கம் மற்றும் வெள்ளியின் விலைகள் குறைந்துள்ளன. தங்கம் சவரனுக்கு 800 ரூபாயும், வெள்ளி கிலோவிற்கு 5,000 ரூபாயும் குறைந்துள்ளது. தங்கம், வெள்ளியின் தற்போதைய விலை என்ன என்பதை பார்க்கலாம்.
தொடர்ந்து ஆட்டம் காட்டிவரும் தங்கத்தின் விலை
தங்கத்தின் விலை கடந்த 25-ம் தேதி அதிரடியாக விலை உயர்ந்து ஒரு கிராம் 13,600 ரூபாய்க்கும், ஒரு சவரன் 1,08,800 ரூபாய்க்கு எகிறியது. தொடர்நது, 26-ம் தேதி அதிரடியாக விலை குறைந்து, ஒரு கிராம் 13,350 ரூபாய்க்கும், ஒரு சவரன் 1,06,800 ரூபாய்க்கும் விற்பனை செய்யப்பட்டது.
பின்னர், 27-ம் தேதி சற்று விலை உயர்ந்து, ஒரு கிராம் 13,430 ரூபாய்க்கும், ஒரு சவரன் 1,07,440 ரூபாய்க்கும் விற்கப்பட்டது. பின்னர் வார இறுதியில், அதாவது சனிக்கிழமையான 28-ம் தேதி அதிரடியாக விலை உயர்ந்து, ஒரு கிராம் 13,660 ரூபாய்க்கும், ஒரு சவரன் 1,09,280 ரூபாய்க்கும் விற்பனையானது. ஞாயிற்றுக்கிழமையான 29-ம் தேதி விலையில் எந்த மாற்றமும் இல்லை.
இந்த நிலையில், வாரத்தின் முதல் நாளான நேற்று, காலையில் தங்கத்தின் விலை குறைந்தது. அதன்படி, கிராமிற்கு 60 ரூபாய் குறைந்து ஒரு கிராம் 13,600 ரூபாய்க்கும், சவரனுக்கு 480 ரூபாய் குறைந்து 1,08,800 ரூபாய்க்கும் விற்பனை செய்யப்பட்டது. ஆனால், மாலையில் சவரனுக்கு 1,360 ரூபாய் உயர்ந்து அதிர்ச்சி கொடுத்தது. அதன்படி, கிராமிற்கு 170 ரூபாய் விலை உயர்ந்து, ஒரு கிராம் 13,770 ரூபாய்க்கும், ஒரு சவரன் 1,10,160 ரூபாய்க்கும் விற்பனை செய்யப்பட்டது.
தங்கத்தின் தற்போதைய விலை என்ன.?
இந்த சூழலில் இன்று காலையிலேயே தங்கத்தின் விலை சவரனுக்கு 800 ரூபாய் குறைந்துள்ளது. அதன்படி, கிராமிற்கு 100 ரூபாய் குறைந்து, ஒரு கிராம் 13,670 ரூபாய்க்கும், ஒரு சவரன் 1,09,360 ரூபாய்க்கும் விற்பனை செய்யப்படுகிறது.
வெள்ளி விலையும் குறைந்தது
இந்நிலையில், வெள்ளியின் விலையும் கூடுவதும் குறைவதுமாக உள்ளது. கடந்த 25-ம் தேதி கிராமிற்கு 10 ரூபாய் உயர்ந்து, ஒரு கிராம் 260 ரூபாய்க்கு விற்கப்பட்டது. 26-ம் தேதி அதே விலையில் நீடித்த நிலையில், 27-ம் தேதி கிராமிற்கு 15 ரூபாய் குறைந்து, ஒரு கிராம் 245 ரூபாய்க்கு விற்கப்பட்டது.
பின்னர் வார இறுதியில், அதாவது சனிக்கிழமையான 28-ம் தேதி கிராமிற்கு 5 ரூபாய் விலை உயர்ந்து, ஒரு கிராம் 250 ரூபாய்க்கு விற்கப்பட்டது. 29-ம் தேதியும் அதே விலையில் நீடித்தது. இந்த நிலையில், வெள்ளியின் விலை நேற்று காலையிலும் மாற்றமின்றி கிராம் 250 ரூபாய் என்ற விலையிலேயே நீடித்தது. ஆனால், மாலையில் கிராமிற்கு 5 ரூபாய் விலை உயர்ந்து, ஒரு கிராம் வெள்ளி 255 ரூபாய்க்கு விற்பனை செய்யப்பட்டது.
இந்த நிலையில், இன்று காலையிலேயே கிராமிற்கு 5 ரூபாய் குறைந்து, ஒரு கிராம் 250 ரூபாய்க்கு விற்பனையாகிறது. அதன்படி, ஒரு கிலோ பார் வெள்ளியின் விலை 5,000 ரூபாய் குறைந்து, 2 லட்சத்து 50 ஆயிரம் ரூபாய்க்கு விற்கப்படுகிறது.
தலைப்பு செய்திகள்
ட்ரெண்டிங் செய்திகள்
