Gold rate today : ரூ.10,000 உயர்ந்தது.! வாரத்தின் முதல் நாளே தங்கம், வெள்ளி நகைப்பிரியர்களுக்கு ஷாக்- இன்றைய விலை நிலவரம் இதோ..

Gold and silver rate today : ஈரான்- அமெரிக்கா போர் காரணமாக கடந்த வாரம் குறைந்த தங்கத்தின் விலையானது. வார இறுதியில் மீண்டும் உயர தொடங்கியது. இந்த நிலையில் இன்று தங்கத்தின் விலையானது அதிரடியாக உயர்ந்து நகைப்பிரியர்களை அதிர்ச்சி அடைய செய்துள்ளது.

Gold and silver rate today

Source : social media

தங்கம் விலை உயர காரணம் என்ன.?

தங்கத்தின் விலையானது கடந்த சில வருடங்களில் எதிர்பாரா உச்சத்தை தொட்டுள்ளது. அந்த வகையில் ஒரு சவரன் 20 ஆயிரம் முதல் 30 ஆயிரம் ரூபாய் என்ற அளவில் சில வருடங்களுக்கு முன்பாக விற்பனையானது. 2026ஆம் ஆண்டு தொடக்கத்தில் ஒரு சவரன் 1 லட்சத்து 34 ஆயிரம் என்ற உயரத்தை தொட்டு நகைப்பிரியர்களை கதற விட்டது. இதனையடுத்து படிப்படியாக குறைந்த தங்கம் விலை தற்போது 1 லட்சத்து 15 ஆயிரம் என்ற விலையில் நீடித்து வருகிறது. 

இந்த நிலையில் தங்கம் விலை உயர பல்வேறு காரணங்கள் கூறப்படுகிறது. குறிப்பாக டாலருக்கு இணையாக தங்கள் நாட்டின் பண மதிப்பை அதிகரிக்கும் வகையில், மத்திய வங்கிகள் தங்கத்தில் அதிகளவு முதலீடு செய்ய தொடங்கின. இதனால் தங்கத்தின் மீதான முதலீடு அதிகரிப்பால் விலையானது உயர தொடங்கியது.

அமெரிக்கா- ஈரான் போர்

இதனையடுத்து அமெரிக்கா- ஈரான் போர் காரணமாக கச்சா எண்ணெய் தட்டுப்பாடு ஏற்பட்ட நிலையில், முதலீட்டாளர்கள் தங்கத்திற்கு பதிலாக கச்சா எண்ணெய் மீது முதலீடு செய்தனர். இந்த நிலையில் அமெரிக்கா- ஈரான் இடையே போர் முடிவிற்கு வரும் வகையில் ஒப்பந்தங்கள் கையெழுத்தாகவுள்ளதையடுத்து கச்சா எண்ணெய் விலையானது சரிய தொடங்கியதால் தங்கத்தின் மீது தங்களது முதலீட்டை அதிகரித்துள்ளனர். இதனால் தங்கம் விலையானது கடந்த வாரம் இறுதி முதல் உயர தொடங்கியுள்ளது. 

தங்கம் விலை நிலவரம்

• ஜூன் - 9 ஆம் தேதி தங்கத்தின் விலையானது கிராமுக்கு 130 ரூபாய் உயர்ந்து 14,200 ரூபாய்க்கும், சவரனுக்கு 1,040 அதிகரித்து 1,13,600 ரூபாய்க்கு விற்பனை.
• ஜூன்-10ஆம் தேதி கிராமுக்கு 400 ரூபாய் குறைந்து 13,800 ரூபாய்க்கும், சவரனுக்கு 3,200 ரூபாய் குறைந்து 1,10.400 ரூபாய்க்கு விற்பனை.
• ஜூன் - 11 ஆம் தேதி 300 ரூபாய் குறைந்து 13,500 ரூபாய்க்கும், சவரனுக்கு 2400 ரூபாய் குறைந்து 1 லட்சத்து 8ஆயிரம் ரூபாய்க்கு விற்பனை  
• ஜூன் 12ஆம் தேதி கிராமுக்கு 300 ரூபாய் அதிகரித்து 13,800 ரூபாய்க்கும், சவரனுக்கு 2400 ரூபாய் அதிகரித்து 1,10,400 ரூபாய்க்கு விற்பனை
• ஜூன் 13 ஆம் தேதி கிராமுக்கு 60 ரூபாய் உயர்ந்து 13,860 ரூபாய்க்கும், சவரனுக்கு 480 ரூபாய் அதிகரித்து 1,10,880 ரூபாய்க்கு விற்பனை
• ஜூன் 14 ஆம் தேதி தங்கம் விலையால் மாற்றமில்லை

இன்றைய தங்கம் விலை என்ன.?

தங்கத்தின் விலையானது கடந்த வாரம் தொடக்கத்தில் குறைந்த வந்த நிலையில் வார இறுதி நாளில் தங்கம் விலையானது உயர தொடங்கியது. இந்த நிலையில் இன்று வாரத்தின் முதல் நாள் தங்கம் விலை அதிகரித்துள்ளது. அந்த வகையில் இன்று கிராமுக்கு 210 ரூபாய் அதிகரித்து 14,070 ரூபாய்க்கும், சவரனுக்கு 1680 ரூபாய் உயரந்து 1,12,560 ரூபாய்க்கு விற்பனையாகிறது.  

வெள்ளி விலை நிலவரம்

வெள்ளி விலையானது இன்று அதிகரித்துள்ளது. அந்த வகையில் கிராமுக்கு 10 ரூபாய் அதிகரித்து 280 ரூபாய்க்கும் கிலோ பார் வெள்ளி 2 லட்சத்து 80 ஆயிரம் ரூபாய்க்கு விற்பனையாகிறது.