Bank Holidays In July 2022: வங்கிகளுக்கு ஜூலை மாதத்தில் 14 நாட்கள் விடுமுறை.. ஏன் தெரியுமா?

வரும் ஜூலை மாதத்தில் 14 நாட்கள் வங்கிகள் செயல்படாது என்று தகவல்கள் வெளியாகியுள்ளது.

வங்கி விடுமுறை நாட்கள்

வரும் ஜூலை மாதத்தில் 14 நாட்கள் வங்கிகள் செயல்படாது என்று தகவல்கள் வெளியாகியுள்ளது.

14 நாள்கள் விடுமுறை:

இந்த மாதத்தில் பல்வேறு பொது பண்டிகைகள் மற்றும் விழாக்கள் வருவதையொட்டி, சனி, ஞாயிறு விடுமுறையையும் சேர்த்து 14 நாள்களுக்கு வங்கிகளுக்கு விடுமுறை அளிக்கப்பட்டுள்ளது. ரிசர்வ் வங்கி வெளியிட்டுள்ள விடுமுறை காலண்டரின் படி இந்த அறிவிப்பு வெளியாகியுள்ளது. ஆனால், இந்த விடுமுறை காலம் என்பது மாநிலங்களுக்கு, மாநிலம் வேறுபடும் என்றாலும் பொது விடுமுறைகள் அனைத்திலும் அனைத்து மாநில வங்கிகளுக்கும் விடுமுறை அளிக்கப்பட்டுள்ளது.

ரதயாத்திரை, கார்ச்சி பூஜை, பக்ரித், இட் உல் அஸா, பானு ஜெயந்தி, பெ தியன்க்லாம், ஹரேலா, கெர் பூஜை உள்ளிட்ட பண்டிகைகளுக்கான விடுமுறைகளும் இதில் அடக்கம்.

ரிசர்வ் வங்கியின் விடுமுறைப் பட்டியல்:

ஜூலை ஒன்றாம் தேதி நடைபெறும் ரதயாத்திரையை முன்னிட்டு ஒடிசா, மணிப்பூர் ஆகிய மாநிலங்களுக்கும், கர்ச்சி பூஜையை முன்னிட்டு ஜூலை 7ம் தேதி திரிபுரா மாநில வங்கிகளுக்கும், இட் உல் அஸாவை முன்னிட்டு ஜம்மு & காஷ்மீர் வங்கிகளுக்கு ஜூலை 11ம் தேதியும் , பானு ஜெயந்தியை முன்னிட்டு ஜூலை 13ம் தேதி சிக்கீம் மாநில வங்கிகளுக்கும், பெ தியன்க்லாமை முன்னிட்டு ஜூலை 14ம் தேதி மேகாலயாவிற்உம், ஹரேலாவை முன்னிட்டு ஜூலை 16ம் தேதி உத்தரகாண்ட் வங்கிகளுக்கும், கெர் பூஜாவை முன்னிட்டு ஜூலை 26ம் தேதி திரிபுரா மாநில வங்கிகளுக்கும் விடுமுறை அளிக்கப்பட்டுள்ளது.

இவைகள் இல்லாமல் இரண்டாம் சனிக்கிழமை மற்றும் ஞாயிறு விடுமுறை ஆகியவையும் வருவதால் வங்கிகள் 14 நாள்கள் செயல்படாது என்றும், விடுமுறை நாள்களில் அக்கவுண்ட்கள் க்ளோஸ் செய்யப்பட்டிருக்கும் என்றும் ரிசர்வ் வங்கி அறிவித்துள்ளது. வங்கிகளுக்கான விடுமுறைகள் வருவதால் பண பரிவர்த்தனைகளை செய்ய விரும்புவர்கள் முன்பே திட்டமிட்டு மேற்கொள்ளுமாறு வங்கிகள் தரப்பில் வலியுறுத்தப்பட்டுள்ளது. வங்கிகளுக்கு தான் விடுமுறை என்றாலும் ஆன்லைன் சேவை தொடந்து செயல்படும்.

பெரும்பாலான வங்கி சார்ந்த பணிகள் தற்போது ஆன்லைன் மூலமாக செய்யப்பட்டு வரும் நிலையில், வங்கிக்கு நேரடியாகச் சென்று சேவைகளைப் பெறுபவர்களுக்கு மட்டுமே இது இடையூறாக இருக்கும் நிலையிலும், விடுமுறைக்குப் பிறகு வங்கிகள் திறக்கப்படும் போது கூட்டம் அலைமோதும் என்பதால், முன்கூட்டியே வங்கிப்பணிகளை திட்டமிட்டுக்கொள்ள வேண்டும் என்று கேட்டுக்கொள்ளப்பட்டுள்ளனர்.

அதிகரிக்கும் கொரோனா:

ஜூலை தொடங்கிவிட்டாலே அதற்கு அடுத்தடுத்த மாதங்கள் பண்டிகை காலங்கள் என்பதால் வங்கி விடுமுறை நாள்கள் அடுத்தடுத்த மாதங்களில் அதிகரிக்கும் என்று எதிர்பார்க்கப்படுகிறது. அதே போல கொரோனா பாதிப்பு இந்தியா முழுவதும் கொரோனா பாதிப்பு உயர்ந்து வரும் நிலையில் அதைக் கட்டுப்படுத்த மாநிலங்கள் எடுக்கும் நடவடிக்கைகளைப் பொறுத்தும், வங்கிகளில் தலைமை எடுக்கும் நடவடிக்கைகளைப் பொருத்தும் வரும் காலங்களில் விடுமுறை எண்ணிக்கை அதிகரிக்க வாய்ப்பிருப்பதாக கூறப்படுகிறது.