Vetrimaaran New Bike | டாப் ஸ்பீடு எவ்வளவு தெரியுமா? - வெற்றிமாறன் வாங்கியிருக்கும் BMW R NineT Scrambler -இன் சிறப்பு தெரியுமா?

Vetrimaaran New Specifications: 1170 CC BS6 ஏர் கூல் இன்ஜினை உள்ளடக்கிய BMW R NineT Scrambler பைக்கானது சென்னையில் (ஆன் ரோடு விலை 13-02-2022 தேதியின் படி ) 18,65,743 ரூபாய்க்கு விற்கப்படுகிறது.

வெற்றிமாறன்

தமிழ் சினிமாவில் மிக முக்கியமான இயக்குநராக பார்க்கப்படும் வெற்றிமாறன் BMW R nineT Scrambler என்ற புதிய பைக் ஒன்றை வாங்கியிருக்கிறார். இது தொடர்பான வீடியோ மற்றும் புகைப்படங்கள் தற்போது சமூக வலைதளங்களில் வைரலாகி வருகிறது. இந்த நிலையில் அந்த பைக்கின் சிறப்பம்சங்களை இந்தக் கட்டுரையில் பார்க்கலாம். 

விலை எவ்வளவு? 

1170 சிசி BS6 ஏர் கூல் இன்ஜினை உள்ளடக்கிய BMW R NineT Scrambler பைக்கானது சென்னையில் (ஆன் ரோடு விலை 13-02-2022 தேதியின் படி ) 18,65,743 ரூபாய்க்கு விற்கப்படுகிறது. முன், பின் என இருபக்கமும் அலாய் வீல்கள் மற்றும் டிஸ்க் பிரேக்கை கொண்டுள்ள இந்த பைக் 17 லிட்டர் கொள்ளளவு கொண்ட பெட்ரோல் டேங்கை உள்ளடக்கியது.

3.5 செகண்டில் 100 கிலோமீட்டர் வேகம் 

223 கிலோ எடை கொண்ட இந்த பைக்கிற்கு 3 வருட  வாரண்டி கொடுக்கப்படுகிறது. 3.5 செகண்டில் 100 கிமீட்டரை எட்டும் இந்த பைக்கின் டாப் ஸ்பீடு மணிக்கு 200 கிமீ ஆகும். 12 V / 12 Ah அளவு திறன் கொண்ட பேட்டரியை உள்ளடக்கிய இந்த பைக்கில் BMW Motorrad ABS Pro ஏபிஎஸ் சிஸ்டம் கொடுக்கப்பட்டுள்ளது.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by KUN BMW Motorrad (@kunbmwmotorrad)

இதில் பொருத்தப்பட்டிருக்கும் மோட்டார் 7,250rpm -ல் 107.2bhp பவரையும், 6,000rpm யில் 116Nm டார்க்கையும் கொடுக்கும் வகையில் வடிவமைக்கப்பட்டுள்ளது. இந்தியாவில் ஒரு வேரியண்டில் மட்டும் கிடைக்கும் இந்த பைக், 4 நிறங்களில் கிடைக்கிறது. 

Yamaha Rx 100 பைக்

ஏற்கனவே வெற்றிமாறனிடம் கருப்பு கலர்  BMW மற்றும் Yamaha Rx 100 பைக் இருக்கிறது. இந்த Yamaha Rx 100  பைக்கானது, அவரது மனைவி ஆர்த்தி காதலித்துக் கொண்டிருந்த போது அவருக்கு வாங்கிக்கொடுத்தது. தற்போது புதுவரவாக இந்த பைக்கை வெற்றிமாறன் வாங்கியிருக்கிறார். 

தான் அறிமுகமான பொல்லாதவன் படத்தில் பல்சர் பைக்கை வைத்து கதை களத்தை அமைத்திருப்பார் வெற்றிமாறன். அந்தப் படம் மிகப் பெரிய வெற்றி அடைந்தது. அதனைத்தொடர்ந்து ஆடுகளம் படத்தை இயக்கினார்.

இரண்டு தேசிய விருதுகள் 

இந்தப்படத்திற்காக சிறந்த இயக்குநர், மற்றும் சிறந்த திரைக்கதையாசிரியர் என இரண்டு தேசிய விருதுகள் வெற்றிமாறனுக்கு வழங்கப்பட்டது. அதனைத் தொடர்ந்து  ‘விசாரணை’  ‘ வட சென்னை’, ‘ ‘அசுரன்’ உள்ளிட்ட படங்களை இயக்கினார். இதில் அசுரன் படத்திற்காக மீண்டும் அவருக்கு தேசிய விருது வழங்கப்பட்டது.

தற்போது வெற்றிமாறன் விஜய் சேதுபதி, சூரியை வைத்து  ‘விடுதலை’ என்ற படத்தை இயக்கி வருகிறார். இந்தப்படத்திற்கு இளையராஜா இசையமைத்துள்ளார். வெப் சீரிஸ் ஒன்றிலும் கமிட் ஆகியிருக்கும் வெற்றிமாறன் அமீர் இயக்க இருக்கும் புதிய படத்திற்கான கதையை தங்கவேலவனுடன் இணைந்து எழுதியிருக்கிறார்.