Hyundai Venue 2025: சண்டைக்கு வரும் நெக்ஸான், ப்ரேஸ்ஸா - சமாளிக்குமா ஹுண்டாயின் வென்யு? போட்டி எப்படி?
Hyundai Venue 2025: ஹுண்டாயின் புதிய வென்யு கார் மாடலுடன் போட்டியிடும் டாடாவின் நெக்ஸான் மற்றும் மாருதியின் ப்ரேஸ்ஸா குறித்து இந்த தொகுப்பில் அறியலாம்.
Hyundai Venue 2025: ஹுண்டாயின் புதிய வென்யு, டாடாவின் நெக்ஸான் மற்றும் மாருதியின் ப்ரேஸ்ஸா இடையேயான ஒற்றுமை, வேற்றுமைகளை இந்த தொகுப்பில் அறியலாம்.
ஹுண்டாய் வென்யு காரின் போட்டியாளர்கள்:
இந்திய ஆட்டோமொபைல் சந்தையில் ஹுண்டாய் நிறுவனத்தின் முற்றிலும் புதிய வென்யு கார் மாடல், அதிகாரப்பூர்வமாக அறிமுகப்படுத்தப்பட்டுள்ளது. காம்பேக்ட் எஸ்யுவி பிரிவில் இரண்டு கடுமையான போட்டியாளர்களாக உள்ள டாடா நெக்ஸான் மற்றும் மாருதி ப்ரெஸ்ஸாவுடன், வென்யுவின் விவரங்கள் பெரிய அளவில் ஒத்துப்போகின்றன. இந்த மூன்று மாடல்களும் 4 மீட்டருக்கும் குறைவான SUV களாக அதிகம் விற்பனையாகி வருகின்றன. இப்போது புதிய மேம்படுத்தப்பட்ட வென்யுவால் போட்டி இன்னும் கடுமையாக உருவெடுத்துள்ளது.
வென்யு Vs நெக்ஸான் Vs ப்ரேஸ்ஸா - அளவீடுகள்
முதலாவதாக இந்த கார்களின் அளவீடுகளின் ஒப்பீட்டை பார்க்கலாம். அதன்படி மூன்று கார் மாடல்களின் நீளமும் ஒரே மாதிரியாக 3995 மிமீ ஆக அமைந்துள்ளது. நெக்ஸான் மற்றும் வென்யு 1804 மற்றும் 1800 மிமீ அகலம் கொண்டிருக்க, ப்ரேஸ்ஸா 1790 மிமீ உடன் வருகிறது. வீல்பேஸ் மிக முக்கியமான அம்சமாகும். புதிய வென்யு கார் 2520 மிமீ நீளமான வீல்பேஸைக் கொண்டிருக்கிறது. ஆனால் நெக்ஸான் 2498 மிமீ மற்றும் பிரெஸ்ஸா 2500 மிமீ வீல்பேஸை மட்டுமே கொண்டுள்ளது.
வென்யு Vs நெக்ஸான் Vs ப்ரேஸ்ஸா - இன்ஜின்
இன்ஜின்களைப் பொறுத்தவரை, வென்யுவில் 1.2 லிட்டர் பெட்ரோல், 1.0 லிட்டர் டர்போ பெட்ரோல், டர்போ பெட்ரோல் மற்றும் 1.5 லிட்டர் டீசல் என மூன்று இன்ஜின் ஆப்ஷன்கள் வழங்கப்படுகின்றன. அதே நேரத்தில் ப்ரேஸ்ஸாவில் பெட்ரோலில் 1.5 லிட்டர் ஆப்ஷன் மட்டுமே உள்ளது, ஆனால் CNG எடிஷனும் வழங்கப்படுகிறது. நெக்ஸானில் டர்போ பெட்ரோல் மட்டுமே உள்ளது, ஆனால் டீசலுடன் இரண்டு வகையான ஆட்டோமேட்டிக் ஆப்ஷன்கள், கூடுதலாக CNGயும் உள்ளன.
வென்யு Vs நெக்ஸான் Vs ப்ரேஸ்ஸா - தோற்றம்
வென்யு அளவில் பெரியதாகவும், ஆக்ரோஷமான வடிவமைப்பைப் பெறுவதாலும் போட்டி இப்போது இன்னும் கடுமையாகியுள்ளது. இரட்டை 12.3-இன்ச் டிஸ்ப்ளேக்கள் மற்றும் பல அம்சங்களைப் பெறுகையில், இது நெக்ஸானுடன் அதிக சாலை இருப்புடன் பொருந்துகிறது. நெக்ஸானில் பனோரமிக் சன்ரூஃப் மற்றும் CNG பவர்டிரெய்ன்கள் உள்ளன. அதே நேரத்தில் 360-டிகிரி கேமராவும் பொருந்துகிறது. ப்ரேஸ்ஸாவில் HUD மற்றும் 360-டிகிரி கேமராவும் உள்ளன. ஒட்டுமொத்தமாக, புதிய வென்யு அதிக போட்டி இருந்தபோதிலும் அதன் விற்பனையை அதிகரிக்கவும், அந்த பிரிவில் தாக்கத்தை ஏற்படுத்தும் வகையில் சந்தைப்படுத்தப்பட உள்ளது.
வென்யு Vs நெக்ஸான் Vs ப்ரேஸ்ஸா - விலை
டாடா நெக்ஸானின் விலையானது ரூ.7.31 லட்சத்தில் தொடங்கி, ரூ.14.15 லட்சம் (எக்ஸ் - ஷோரூம்) வரை நீள்கிறது. ப்ரேஸ்ஸாவின் விலையானது ரூ.8.25 லட்சத்தில் தொடங்கி ரூ.13 லட்சம் வரை நீள்கிறது. இந்நிலையில், வென்யு கார் மாடலின் விலையானது ரூ.8 லட்சத்தில் தொடங்கி ரூ.14 லட்சம் வரை நீளும் என கூறப்படுகிறது.
தலைப்பு செய்திகள்
ட்ரெண்டிங் செய்திகள்
