February car launche: பிப்ரவரி மாதம் அறிமுகமாக உள்ள புதிய கார்கள் எவை? உங்களுக்கான கார் என்ன?

February car launche: பிப்ரவரி மாதத்திலும் மாருதி சுசுகி உள்ளிட்ட பல முன்னணி நிறுவனங்கள், தங்களது புதிய கார்களை இந்திய ஆட்டோமொபைல் சந்தையில் அறிமுகப்படுத்தப்பட்டுள்ளன.

பிப்ரவரியில் அறிமுகமாகும் கார்கள்

February car launche: பிப்ரவரி மாதத்தில் இந்திய ஆட்டோமொபைல் சந்தையில் அறிமுகமாக உள்ள, புதிய கார்களின் விவரங்கள் கீழே பட்டியலிடப்பட்டுள்ளன.

இந்திய ஆட்டோமொபைல் சந்தை:

இந்திய ஆட்டோமொபைல் சந்தையில் கடந்த மாதமும், வழக்கம்போல பல நிறுவனங்களின் புதிய மாடல் கார்கள் அறிமுகப்படுத்தப்பட்டன. அதில், கியா சோனெட் ஃபேஸ்லிப்ட், ஹுண்டாய் கிரேட்டா ஃபேஸ்லிப்ட், டாடா பஞ்ச் மின்சார எடிஷன், லேண்ட் ரோவர் ரேஞ்ச் ரோவர் எவோக் ஃபேஸ்லிப்ட், மெர்சிடஸ் பென்ஸ் ஜிஎல்எ ஃபேஸ்லிப்ட், மெர்சிடஸ் பென்ஸ் ஜிஎல்எஸ் ஃபேஸ்லிப்ட், போர்ஷே மேகன், மெர்சிடஸ் பென்ஸ் ஏஎம்ஜி ஜிஎல்இ 53 ஃபேஸ்லிப்ட் உள்ளிட்டவை அறிமுகப்படுத்தப்பட்டன. இந்நிலையில், பிப்ரவரி மாதத்திலும் அடுத்தடுத்து பல புதிய மாடல் கார்கள் அறிமுகப்படுத்தப்படும் என்ற எதிர்பார்ப்பில் உள்ள கார்களின் விவரங்கள் கீழே பட்டியலிடப்படுள்ளன.

Hyundai Creta N Line:

ஹூண்டாய் கிரேட்டா என் லைன் எடிஷன் விரைவில் அறிமுகமாகும் என்பது,  மும்பையில் நடைபெற்ற விளம்பர படப்பிடிப்பின் மூலம் உறுதியாகியுள்ளது. கிரேட்டா என் லைன் கடந்த மாத தொடக்கத்தில் விற்பனைக்கு வந்த ஃபேஸ்லிப்ட் எடிஷனை அடிப்படையாகக் கொண்டுள்ளது. நுட்பமான வெளிப்புற மாற்றங்களை பெற்றுள்ள இது ஸ்போர்ட்டியர் டச்சை கொண்டுள்ளது. இந்தியாவில், கிரேட்டா என் லைன் 1.5 லிட்டர் டர்போ-பெட்ரோல் இன்ஜினுடன் வழங்கப்படும் என எதிர்பார்க்கப்படுகிறது. இந்த இன்ஜின் 158 BHP மற்றும் 253 Nm ஆற்றலை உருவாக்குகிறது. 6-ஸ்பீடு மேனுவல் அல்லது 7-ஸ்பீடு DCT உடன் வழங்கப்படலாம்.

Mahindra XUV300 facelift:

மஹிந்திரா XUV300 ஃபேஸ்லிஃப்ட்டின் வெளிப்புறத்தில் சில மாற்றங்கள் வழங்கப்பட்டுள்ளன. SUV ஆனது C-வடிவ LED பகல்நேர ரன்னிங் விளக்குகளை முன்பக்கமாகவும், மறுவடிவமைப்பு செய்யப்பட்ட பின்புற முனையில் LED லைட் பட்டியுடன் கூடிய ஸ்டைலிங்கையும் கொண்டுள்ளது. 2024 XUV300 அதே 1.2-லிட்டர் டர்போ-பெட்ரோல் மற்றும் 1.5-லிட்டர் டீசல் இன்ஜின் விருப்பங்களுடன்,  மேனுவல் மற்றும் ஆட்டோமேட்டிக் டிரான்ஸ்மிஷன்களை கொண்டுள்ளது. 

டொயோட்டா டெய்ஸர்:

டொயோட்டாவின் மாருதி ஃப்ரான்க்ஸின் பதிப்பு 2024 முதல் காலாண்டில் வெளியிடப்பட உள்ளது. கார் தயாரிப்பாளர் இந்தியாவில் டெய்ஸர் பெயரை டிரேய் செய்துள்ளது. இந்த பெயர் ஃப்ரான்க்ஸ்  காருக்கு ஒதுக்கப்படலாம். கிரில், விளக்குகள், உலோகக்கலவைகள் மற்றும் பம்ப்பர்களுக்கு மட்டுமே சில மாற்றங்கள் இருக்கக் கூடும். Fronx இன் 1.2-லிட்டர் பெட்ரோல் மற்றும் 1-லிட்டர் டர்போ-பெட்ரோல் இன்ஜின் விருப்பங்கள் வழங்கப்படலாம். 

டியாகோ & டிகோர் சிஎன்ஜி ஏஎம்டி:

டாடா மோட்டார்ஸ், ஆட்டோமேடிக் கியர்பாக்ஸ் கொண்ட இந்தியாவின் முதல் சிஎன்ஜி-இயங்கும் கார்களை அறிமுகப்படுத்த தயாராகி வருகிறது. Tiago மற்றும் Tigor CNG விரைவில் AMT விருப்பத்துடன் வழங்கப்படும்.  டீலர்ஷிப்கள் டோக்கன் தொகையான ரூ.21,000க்கான முன்பதிவுகளை ஏற்கத் தொடங்கியுள்ளன. Tiago iCNG AMT XTA, XZA+ மற்றும் XZA NRG டிரிம்களில் கிடைக்கும், Tigor iCNG AMT XZA மற்றும் XZA+ டிரிம்களில் விற்பனைக்கு வருகிறது. 

நியூ-ஜென் மாருதி ஸ்விஃப்ட்:

கடந்தாண்டு நடைபெற்ற ஜப்பான் மொபிலிட்டி ஷோவில் காட்சிப்படுத்தப்பட்ட கான்செப்டை சார்ந்து, புதிய தலைமுறை ஸ்விஃப்ட் உருவாக்கப்பட்டுள்ளது. குஜராத்தில் உள்ள ஹன்சல்பூர் ஆலையில் இந்த கார் உற்பத்தி செய்யப்படுகிறது. புதிய ஸ்விஃப்ட் வரும் மாதங்களில் விற்பனைக்கு வரலாம். அதே நேரத்தில் இந்த மாதத்தில் அறிமுகம் செய்யப்படலாம். 

2024 ஸ்கோடா ஆக்டேவியா குளோபல் வெளியீடு:

புதிய 2024 ஸ்கோடா ஆக்டேவியா அதன் உலகளாவிய அறிமுகத்தை மிக விரைவில் வெளியிட திட்டமிடப்பட்டுள்ளது. அதன் வெளிப்பாட்டிற்கு முன்னதாக, ஸ்கோடா வரவிருக்கும் மாடலின் சிறிய கிளிம்ப்ஸை பகிர்ந்துள்ளது.