Hyundai New Cars 2026: வெர்னா டூ பேயோன்.. எஸ்யுவி தொடங்கி ஈவி வரை.. 2026ல் ஹுண்டாயின் கார் சம்பவங்கள்
Hyundai New Cars Launching in 2026: இந்திய ஆட்டோமொபைல் சந்தையில் 2026ம் ஆண்டில் ஹுண்டாய் நிறுவனம் அறிமுகப்படுத்த உள்ள கார் மாடல்கள் குறித்து இந்த தொகுப்பில் அறியலாம்
Hyundai New Cars Launching in 2026: இந்திய ஆட்டோமொபைல் சந்தையில் 2026ம் ஆண்டில் ஹுண்டாய் நிறுவனம் அறிமுகப்படுத்த உள்ள கார் மாடல்கள் கீழே பட்டியலிடப்பட்டுள்ளன.
ஹுண்டாயின் 2026 ப்ளான்..
இந்திய ஆட்டோமொபைல் சந்தையில் நடப்பாண்டில் சில முக்கிய கார் மாடல்களை ஹுண்டாய் அறிமுகப்படுத்தியது. அதில் மின்சார எடிஷன் க்ரேட்டா, அல்கசார் ஃபேஸ்லிஃப்ட் மற்றும் புதிய தலைமுறை வென்யு போன்ற மாடல்கள் அடங்கும். இந்நிலையில் 2026ம் ஆண்டிலும் பல புதிய மாடல்களை விற்பனைக்கு கொண்டு இந்த கொரிய நிறுவனம் திட்டமிட்டுள்ளது. இதில் சர்வதேச சந்தையில் கிடைக்கக் கூடிய மாடலின் அறிமுகத்துடன், ஏற்கனவே விற்பனையில் உள்ள மூன்று மாடல்களுக்கு மிட்-லைஃப் அப்டேட்களை அறிமுகப்படுத்தும் என்று எதிர்பார்க்கப்படுகிறது. அந்த வகையில் 2026 ஆம் ஆண்டில் இந்தியாவில் சந்தைப்படுத்தப்படும் என்று எதிர்பார்க்கப்படும் ஹுண்டாயின் கார் மாடல்கள் கீழே பட்டியலிடப்பட்டுள்ளன.
2026ல் அறிமுக வாய்ப்புள்ள ஹுண்டாயின் கார் மாடல்கள்
1. ஹூண்டாய் வெர்னா ஃபேஸ்லிஃப்ட்
ஹூண்டாய் வெர்னாவின் அப்டேட் எடிஷன் மறைக்கப்பட்ட நிலையில் அடிக்கடி சாலை சோதனையில் ஈடுபடுவதை காண முடுகிறது. இது அடுத்த ஆண்டின் இரண்டாம் காலாண்டில் வெளியிடப்படும் என்று எதிர்பார்க்கப்படுகிறது. இந்த செடான் புதுப்பிக்கப்பட்ட முன் மற்றும் பின்புற ஃபேசியாக்களைப் பெறும் என்பதை சாலை சோதனையின் போது எடுக்கப்பட்ட படங்கள் காட்டுகின்றன. இது ஹூண்டாயின் உலகளாவிய சலுகைகளான சொனாட்டா போன்றவற்றின் தாக்கத்தை பெறலாம். உள்ளே, புதிய வென்யுவில் காணப்படும் யூனிட்டைப் போலவே இன்ஃபோடெயின்மென்ட் மற்றும் டிஜிட்டல் ட்ரைவர் டிஸ்ப்ளேவைக் கொண்ட புதிய கர்வ்ட் டிஸ்ப்ளேவைப் பெற உள்ளது. 1.5 லிட்டர் NA மற்றும் 1.5 லிட்டர் டர்போ-பெட்ரோல் இன்ஜின்கள், ஏற்கனவே இருக்கும் ட்ரான்ஸ்மிஷன்களுடன், மாறாமல் அப்படியே தொடரும் என்று எதிர்பார்க்கப்படுகிறது. இந்த காரின் விலை வரம்பு ரூ. 11-18 லட்சம் என நிர்ணயிக்கப்படலாம்.
2. ஹூண்டாய் எக்ஸ்டர் ஃபேஸ்லிஃப்ட்
புதுப்பிக்கப்பட்ட ஹூண்டாய் எக்ஸ்டர், 12.9 இன்ச் டச்ஸ்க்ரீன் மற்றும் 9.9 இன்ச் டிஜிட்டல் இன்ஸ்ட்ரூமென்ட் டிஸ்ப்ளே கொண்ட மறுவடிவமைப்பு செய்யப்பட்ட உட்புறத்தைப் பெற உள்ளது. திரைகள் சமீபத்திய ஆண்ட்ராய்டு ஆட்டோமோட்டிவ் ஆப்பரேட்டிங் சிஸ்டம் (AAOS) உடன் இயங்கும், இது கூகுளின் சாஃப்ட்வேரை பயன்படுத்தும் முதல் வெகுஜன சந்தை வாகனமாகும். ஸ்டைலிங் வாரியாக, அதன் மென்மையான பாகங்களில் மாற்றங்களைக் கொண்டிருக்கும் என்று எதிர்பார்க்கப்படுகிறது. வென்யு போன்ற புதிய மாடல்களுடன் அதை சீரமைக்கும், ஆனால் பவர்டிரெய்ன்கள் மாறாமல் அப்படியே தொடரும். அடுத்த ஆண்டின் இரண்டாம் காலாண்டில் சந்தைப்படுத்தும்போது இதன் விலை வரம்பு ரூ. 6-9 லட்சம் வரை நிர்ணயிக்கப்படலாம்.
3. ஹூண்டாய் ஐயோனிக் 5 ஃபேஸ்லிஃப்ட்
ஃபேஸ்லிஃப்ட் செய்யப்பட்ட ஐயோனிக் 5 வெளிப்புறத்தில் நுட்பமான மாற்றங்களைப் பெறுகிறது, அதில் புதிய க்ரில், மறுவடிவமைப்பு செய்யப்பட்ட பம்பர்கள் மற்றும் புதிய சக்கரங்கள் அடங்கும். உட்புறத்தில் அடிக்கடி பயன்படுத்தப்படும் செயல்பாடுகளுக்கு அதிக பிசிகல் பட்டன்கள் மற்றும் புதிய மூன்று-ஸ்போக் ஸ்டீயரிங் ஆகியவை உள்ளன. பேட்டரி அளவுகளும் உயர்ந்துள்ளன. ஸ்டேண்டர்ட் ரேஞ்ச் எடிஷனில் பின்புற மோட்டாரை இயக்கும் 63kWh பேக் உள்ளது, அதே நேரத்தில் ஆல்-வீல்-டிரைவ் 84kWh யூனிட்டைப் பயன்படுத்துகிறது. 84kWh யூனிட் நீண்ட தூர RWD மாடலிலும் வருகிறது. இது 570 கிமீ ரேஞ்ச் அளிக்கும் என கூறப்படுகிறது. முற்றிலுமாக கட்டமைக்கப்பட்ட யூனிட்டாக கொண்டு வரப்படும் இந்த காரின் விலை ரூ.50 லட்சம் வரை நிர்ணயிக்கப்படலாம்.
4. ஹூண்டாய் பேயோன்
ஹூண்டாய் நிறுவனம் மாருதி ஃப்ராங்க்ஸ் காருக்கு போட்டியாக பேயோனை களமிறக்குவதாக கூறப்படுகிறது. இது புதிய 1.2 லிட்டர், நான்கு சிலிண்டர் டர்போ-பெட்ரோல் இன்ஜின் மூலம் இயக்கப்படும், இது 1.0 லிட்டரை விட அதிக டார்க் கொண்டதாகவும், 1.5 லிட்டரை விட அதிக செயல்திறன் கொண்டதாகவும், ஹைப்ரிட்-ரெடியாகவும் இருக்கும். ஸ்டைலிங் வெர்னாவின் பிரதிபலிப்பை கொண்டுள்ளது, ஆனால் உயர்த்தப்பட்ட ஹேட்ச்பேக் நிலைப்பாட்டைக் கொண்டுள்ளது, அதே நேரத்தில் கேபினும் பெரும்பாலும் பரிச்சயமானதாக உள்ளது. அடுத்த ஆண்டின் நடுப்பகுதியில் சந்தைப்படுத்தப்பட வாய்ப்புள்ளதாக கூறப்படும், இந்த காரின் விலை வரம்பு ரூ. 8-15 லட்சம் வரை நிர்ணயிக்கப்படலாம்.
தலைப்பு செய்திகள்
ட்ரெண்டிங் செய்திகள்
