Hyundai Exter: 28KM மைலேஜ் வழங்கும் காரை ரூ.9,451 EMI-க்கு கொடுக்கும் ஹுண்டாய் - மொத்த பட்ஜெட் விவரங்கள்

Hyundai Exter EMI:ஹுண்டாயின் எக்ஸ்டெர் சிஎன்ஜி எடிஷனை வெறும் 9 ஆயிரத்து 451 ரூபாய் என்ற மாத தவணைக்கு சொந்தமாக்கும் திட்டம் குறித்த விவரங்களை இந்த தொகுப்பில் அறியலாம்.

ஹுண்டாய் எக்ஸ்டெர்

Source : twitter

Hyundai Exter EMI: ஹுண்டாயின் எக்ஸ்டெர் சிஎன்ஜி எடிஷன் கிலோவிற்கு 28 கிலோ மீட்டர் மைலேஜ் வழங்குவதாக நிறுவனம் தரப்பில் தெரிவிக்கப்பட்டுள்ளது.

நிதி நெருக்கடி இன்றி சொந்த கார்..

சர்வதேச சூழல் காரணமாக பெட்ரோல் டீசல் விலை மீண்டும் அதிகரிக்க தொடங்கியுள்ளது. இந்த எந்த உச்சத்தை சென்றடையும் என யாராலும் கணிக்க முடியவில்லை. அதிகப்படியான எரிபொருள் செலவை தவிர்க்கவும், குடும்பமாக பயணிக்க ஏதுவான, பாதுகாப்பான மற்றும் பிரீமியம் அம்சங்கள் கொண்ட வாகனத்தைத் தேடுகிறீர்களா? உங்களுக்கு ஹூண்டாய் எக்ஸ்டர் சிஎன்ஜி ஒரு சரியான தேர்வாக இருக்கலாம். இந்திய வாகனச் சந்தையில் மைக்ரோ-எஸ்யூவி பிரிவில் உள்ள இந்த சக்திவாய்ந்த வாகனம், அதன் கம்பீரமான தோற்றத்திற்காக மட்டுமல்லாமல், ஈடு இணையற்ற எரிபொருள் சிக்கனத்திற்காகவும் அறியப்படுகிறது. இந்த SUV-யின் CNG எடிஷனை வெறும் ரூ.200,000 முன்பணத்துடன் சொந்தமாக்க விரும்பினால், வங்கிக் கடன் வட்டி விகிதங்கள் மற்றும் EMI தொடர்பான முழுமையான கணக்கீடுகளைப் புரிந்துகொள்வது மிகவும் அவசியம். அந்த வகையில் ஹூண்டாய் எக்ஸ்டர் CNG-யின் ஆன்-ரோடு விலை, கார் லோன் வாங்கினால் நீங்கள் திருப்பி செலுத்த வேண்டிய விவரங்கள் ஆகியவை கீழே பட்டியலிடப்பட்டுள்ளன.

ஹுண்டாய் எக்ஸ்டெர் சிஎன்ஜி விலை

எக்ஸ்டர் சிஎன்ஜி லைன் - அப்பின் ஒரு பகுதியாக HX2 சிஎன்ஜி வேரியன்ட்டை ஹுண்டாய் வழங்குகிறது. குறைந்த பட்ஜெட்டில், உற்பத்தி ஆலையில் பொருத்தப்பட்ட சிஎன்ஜி காரின் சௌகரியத்தையும், மேம்பட்ட கேபின் இடவசதியையும் விரும்புவோருக்கு இந்த வேரியன்ட் ஒரு விருப்பமான தேர்வாக உள்ளது. ரூ.7 லட்சம் (எக்ஸ் - ஷோரூம்) என்ற ஆரம்ப விலையில் இந்த கார் கிடைக்கிறது. சென்னையில்  இந்த மாடலுக்கு, பதிவுக் கட்டணமாக (RTO வரி) தோராயமாக ரூ.97,00 மற்றும் விரிவான கார் காப்பீட்டிற்காக தோராயமாக ரூ.39,000 செலுத்த வேண்டும். ஒட்டுமொத்தமாக இதன் ஆன்-ரோடு விலை சுமார் 8 லட்சத்து 37 ஆயிரம் ரூபாயாக உள்ளது.

ஹுண்டாய் எக்ஸ்டெர் சிஎன்ஜி - EMI

கிட்டத்தட்ட சுமார் 9 லட்சம் என்ற பெரிய தொகையை ஒரே அடியாக செலுத்த முடியாது என்றால்,  வெறும் ரூ.2 லட்சத்தை மட்டுமே முன்பணமாக செலுத்தியும் இந்தக் காரை நீங்கள் சொந்தமாக்கிக் கொள்ளலாம். மீதமுள்ள ஆன்-ரோடு செலவின் அடிப்படையில் ஒரு வங்கியிலிருந்து சுமார் ரூ.6,37,000 கார் கடனைப் பெற வேண்டும். நாட்டில் உள்ள ஏதேனும் ஒரு பெரிய பொது அல்லது தனியார் வங்கி, இந்த கடன் தொகைக்கு 9 முதல் 10 சதவிகித ஆண்டு வட்டி விகிதத்தில் உங்களுக்கு ஒப்புதல் அளித்து, நீங்கள் 7 ஆண்டுகளுக்கு தவணை செலுத்தும் திட்டத்தைத் தேர்ந்தெடுத்தால், உங்கள் மாதாந்திரத் தவணை (EMI) மாதத்திற்கு ரூ.9,451 தொடங்கி ரூ.11,000 மட்டுமே ஆகும். இதன் பொருள், மாதத்திற்கு சுமார் 11 ஆயிரம் ரூபாய் மட்டுமே செலவழிப்பதன் மூலம், உங்கள் முழு குடும்பத்திற்கும் ஒரு பாதுகாப்பான மற்றும் ஆடம்பரமான பயணத்தை நீங்கள் வழங்க முடியும்.

டெல்லியில் ரூ.7.87 லட்சம் என்ற ஆன் ரோட் விலையில் கிடைக்கும் காருக்கு ரூ.2 லட்சம் மட்டும் முன்பணம் செலுத்தி, 7 ஆண்டுகளுக்கு 9 ஆயிரத்து 451 ரூபாயை மாத தவணையாக செலுத்தும் திட்டத்தை பயனர்கள் தேர்வு செய்யலாம்.

வட்டியுடன் மொத்த செலவு என்ன?

நீங்கள் ரூ.6.37 லட்சம் கடனை சுமார் 10% வட்டி விகிதத்தில் 7 ஆண்டுகளுக்கு எடுத்தால், மாதாந்திர தவணை குறைந்தபட்சம் சுமார் 10 ஆயிரம் ரூபாயாக இருக்கும் என கருத்தில் கொள்வோம். எனவே, அடுத்த 7 ஆண்டுகளில், ஹூண்டாய் எக்ஸென்ட் CNG காருக்காக வட்டியுடன் சேர்த்து 8 லட்சத்து 40 ஆயிரம் ரூபாய் செலுத்த வேண்டி இருக்கும். உங்களின் ஆரம்ப முன்பணமான ரூ.2 லட்சம், வங்கியின் அசல் கடனான ரூ.6.37 லட்சம், மற்றும் 7 ஆண்டுகளுக்கான மொத்த வட்டியான ரூ.2.03 லட்சம் ஆகியவற்றை ஒன்றாகக் கூட்டும்போது, ​​கடன் செயல்முறையின் முடிவில் உங்கள் ஹூண்டாய் எக்ஸென்ட் CNG காரின் மொத்த உண்மையான விலை தோராயமாக ரூ.10.40 லட்சமாக இருக்கும்.

எக்ஸ்டெரின் போட்டியாளர்கள்:

ஹூண்டாய் எக்ஸ்டர், சப்-காம்பாக்ட் மற்றும் மைக்ரோ-எஸ்யூவி பிரிவில் சந்தைப்படுத்தப்பட்டுள்ளது. இப்பிரிவில், இடவசதி, சிறப்பம்சங்கள் மற்றும் செலவு சேமிப்பு ஆகியவற்றிற்காக பல்வேறு மாடல்களிடையே கடுமையான போட்டி நிலவுகிறது. இந்தப் பிரிவில், நாட்டிலேயே மிகவும் பாதுகாப்பான எஸ்யூவி எனக் கருதப்படும் டாடா பஞ்ச் ஐசிஎன்ஜியிடமிருந்து, ஹூண்டாய் எக்ஸ்டர் சிஎன்ஜி நேரடியான மற்றும் கடுமையான போட்டியை எதிர்கொள்கிறது.