Best Cars: எகிறும் விலைவாசி; 8 லட்சத்துக்குள் பெஸ்ட் ஃபேமிலி கார்கள்- மிடில் கிளாஸுக்கு சூப்பர் சாய்ஸ்!
Best Cars Under 8 Lakh: எட்டு லட்சம் ரூபாய் பட்ஜெட்டிற்குள் கிடைக்கும் சிறந்த மிடில் கிளாஸ் ஃபேமிலி கார்களின் விவரங்களை இங்கே விரிவாகக் காண்போம்.
8 லட்சம் ரூபாய்க்குள் கிடைக்கும் பெஸ்ட் ஃபேமிலி கார்கள் பற்றிய விவரங்களை கீழே காணலாம். நடுத்தர வர்க்கத்தினருக்கான சூப்பர் சாய்ஸாக இது இருக்கும் என்று நம்புகிறோம்.
இந்தியாவில் நடுத்தரக் குடும்பங்களின் மிகப்பெரிய கனவுகளில் ஒன்று, வீடு கட்டுவது. அடுத்தது சொந்தமாக ஒரு கார் வாங்குவது. பணக்காரர்களைப் போல அல்லாமல், மிடில் கிளாஸ் மக்கள், பட்ஜெட், பாதுகாப்பு, மைலேஜ் மற்றும் பராமரிப்புச் செலவு ஆகியவற்றை அலசி ஆராய்ந்த பின்னரே காரைத் தேர்ந்தெடுக்கின்றனர். அந்த வகையில், எட்டு லட்சம் ரூபாய் பட்ஜெட்டிற்குள் கிடைக்கும் சிறந்த ஃபேமிலி கார்களின் விவரங்களை இங்கே விரிவாகக் காண்போம்.
டாடா பஞ்ச்
முதலில் டாடா மோட்டார்ஸ் நிறுவனத்தின் டாடா பஞ்ச் காரைப் பார்க்கலாம். இது மைக்ரோ எஸ்யூவி பிரிவில் இந்தியாவில் அதிகம் விற்பனையாகும் கார். குளோபல் என்கேப் சோதனையில் ஐந்து நட்சத்திர ரேட்டிங் பெற்றுள்ளதால், பாதுகாப்பிற்கு இது முழு உத்தரவாதம் அளிக்கிறது. இதன் விலை ரூ.6 லட்சத்தில் தொடங்கி 8 லட்சத்திற்குள் பல வேரியண்ட்களில் மிக எளிதாகக் கிடைக்கிறது. அதிக கிரவுண்ட் கிளியரன்ஸ், சிறந்த இடவசதி இதன் பலம்.
சுசுகி ஸ்விஃப்ட்
அடுத்தபடியாக, பல ஆண்டுகளாக மக்களின் பேராதரவைப் பெற்ற மாருதி சுசுகி ஸ்விஃப்ட். சமீபத்தில் புதிய மாடலாக வெளிவந்துள்ள இது, லிட்டருக்கு இருபத்தைந்து கிலோமீட்டர் வரை மைலேஜ் தருவது நடுத்தர வர்க்கத்தினருக்குப் பெரும் நிம்மதியாகும். குறைந்த பராமரிப்புச் செலவு, சிறந்த மறுவிற்பனை மதிப்பு இதன் சிறப்பம்சம்.
மாருதி பலேனோ
அதேபோல, மாருதியின் பிரீமியம் ஹேட்ச்பேக் காரான பலேனோவின் அடிப்படை மாடல்களும் எட்டு லட்சத்திற்குள் எளிதாகக் கிடைக்கின்றன. இதில் குடும்பத்துடன் சொகுசாகப் பயணிக்கத் தேவையான இடவசதியும் ஏராளமான தொழில்நுட்பங்களும் உள்ளன.
கிராண்ட் ஐ10 நியோஸ்
ஹூண்டாய் நிறுவனத்தின் கிராண்ட் ஐ10 நியோஸ் எட்டு லட்சத்திற்குள் கிடைக்கும் மற்றொரு தரமான கார். இதில் ஆறு ஏர்பேக்குகள் ஸ்டாண்டர்டாக வழங்கப்படுவதால் பாதுகாப்பிற்குப் பஞ்சமில்லை. பிரீமியம் இன்டீரியர் வடிவமைப்பு, மென்மையான ஓட்டுநர் அனுபவம், சிறந்த ஏசி வசதி ஆகியவை நகர்ப்புறப் பயன்பாட்டிற்கு இதைச் சிறந்த தேர்வாக நிச்சயமாக மாற்றுகின்றன.
நிஸான் மேக்னைட்
எஸ்யூவி போன்ற பிரம்மாண்ட தோற்றம் வேண்டும் ஆனால் பட்ஜெட் குறைவு என நினைப்பவர்களுக்கு நிஸான் மேக்னைட் மிகச்சிறந்த வாய்ப்பாகும்.
ரெனால்ட் கைகர்
ரெனால்ட் கைகர் காரும் இதேபோல சிறப்பான இடவசதி, அட்டகாசமான வடிவமைப்பு மற்றும் போதுமான மைலேஜ் ஆகியவற்றைத் தருகிறது. இவற்றின் பேஸ் வேரியண்ட்கள் ஆறு லட்சத்து ஐம்பதாயிரம் ரூபாயில் இருந்து விற்பனைக்குக் கிடைக்கின்றன.
சொந்த கார் வாங்குவது என்பது ஒவ்வொரு குடும்பத்திற்கும் ஒரு நீண்ட கால முதலீடு. உங்களுடைய முதல் முன்னுரிமை பாதுகாப்பா, அதிக மைலேஜா அல்லது இடவசதியா என்பதைத் தெளிவாகத் தீர்மானித்து அதற்கேற்ப காரைத் தேர்ந்தெடுங்கள்.
ஆல் தி பெஸ்ட்!
Before You Go
Tirupati laddu to ayodhya: அயோத்தி ராமருக்கு ஏழுமலையானின் GIFT! | Ayodhya Ram Temple | ttd
தலைப்பு செய்திகள்
ட்ரெண்டிங் செய்திகள்
