Honda Car Offers: 2.15 லட்சம் ரூபாய் தள்ளுபடி.. கார்களுக்கு ஆஃபரை அள்ளித் தந்த ஹோண்டா - எந்த காருக்கு எவ்ளோ?

ஹோண்டா நிறுவனம் தனது கார்களுக்கு ஜுலை மாத தள்ளுபடியை அறிவித்துள்ளது.

ஹோண்டா எலிவேட்

Source : twitter

இந்தியாவில் கார் விற்பனை ஆண்டுதோறும் அதிகரித்து வருகிறது. போட்டி நிறுவனங்களை சமாளித்து 

வாடிக்கையாளர்களை அதிகரிப்பதற்காக ஒவ்வொரு நிறுவனமும் ஒவ்வொரு மாதம் தள்ளுபடி அறிவித்து வருகிறது.

ஹோண்டா தள்ளுபடி: 

அந்த வகையில் ஹோண்டா நிறுவனமும் தனது கார்களுக்கு தள்ளுபடி அளித்துள்து. ஹோண்டா நிறுவனம் ஜுலை மாதம் தனது கார்களுக்கு எவ்வளவு தள்ளுபடி அளித்துள்ளது? என்பதை கீழே காணலாம்.

1.Honda Elevate:

ஹோண்டாவின் புகழ்பெற்ற காராக இருப்பது இந்த Honda Elevate. இந்த காருக்கு ஜுலை மாத தள்ளுபடியாக ரூபாய் 2.15 லட்சம் அளிக்கப்பட்டுள்ளது. இதில் ரொக்கத் தள்ளுபடி ரூபாய் 40 ஆயிரம் ஆகும். எக்சேஞ்ச் தள்ளுபடியாக ரூபாய் 30 ஆயிரம் அறிவிக்கப்பட்டுள்ளது. எஞ்சியவை கார்ப்பரேட் மற்றும் லாயல்டி தள்ளுபடி ஆகும். இதுமட்டுமின்றி 7 வருடத்திற்கான வாரண்டி நீட்டிக்கப்பட்டும் இந்த தள்ளுபடியில் அறிவிக்கப்பட்டுள்ளது. 

இந்த கார் ஒரு காம்பக்ட் எஸ்யூவி கார் ஆகும். 1.5 லிட்டர் பெட்ரோல் எஞ்ஜின் இந்த காரில் பொருத்தப்பட்டுள்ளது. 6 கியர்கள் உள்ளது. மேனுவல் மற்றும் ஆட்டோமெட்டிக்கிலும் உள்ளது. இதில் அடாஸ் வசதிகள், 6 ஏர்பேக் வசதிகள், கார் சேஃப்டி டெஸ்ட் வசதி உள்ளது. இந்த காரில் மொத்தம் 19 வேரியண்ட் உள்ளது. இதன் தொடக்க விலை ரூபாய் 14.37 லட்சம் ஆகும். இதன் டாப் வேரியண்ட் 20.73 லட்சம் ஆகும். 1498 சிசி திறன் கொண்ட எஞ்ஜின் பொருத்தப்பட்ட இந்த கார் நீண்ட தூரம் பயணம் செய்வதற்கு ஏற்ற வகையில் உட்கட்டமைப்பு வசதியுடன் உள்ளது. சன்ரூஃப் வசதியும் உள்ளது.

2.Honda Amaze:

ஹோண்டா நிறுவனத்தின் மற்றொரு புகழ்பெற்ற கார் இந்த Honda Amaze. இந்த காரின் தொடக்க விலை ரூபாய் 67 ஆயிரம் ஆகும். இதில் ரொக்கத் தள்ளுபடி ரூபாய் 15 ஆயிரம் ஆகும். எக்சேஞ்ச் தள்ளுபடி ரூபாய் 15 ஆயிரம் ஆகும். 3வது ஜென் Honda Amaze காருக்கு 7 வருடமாக வாரண்டி நீட்டிக்கப்பட்டுள்ளது. 

செடான் வகை காரான இந்த Honda Amaze காரில் 1.2 லிட்டர் பெட்ரோல் எஞ்ஜின் பொருத்தப்பட்டுள்ளது. இதில் 5 கியர்கள் உள்ளது. மேனுவல் மற்றும் ஆட்டோமெட்டிக் கியர் பொருத்தப்பட்டது இந்த கார். 8 இன்ச் டிஸ்ப்ளே பொருத்தப்பட்டுள்ளது. இந்த காரின் தொடக்க விலை ரூபாய் 8.93 லட்சம் ஆகும். இந்த காரின் டாப் வேரியண்ட் ரூபாய் 11.79 லட்சம் ஆகும். லெவல் 2 அடாஸ் வசதி உள்ளது. 1199 சிசி திறன் கொண்ட எஞ்ஜின் பொருத்தப்பட்ட இந்த கார் 18.65 கிலோமீட்டர் மைலேஜ் அளிக்கிறது. இதில் மொத்தம் 6 வேரியண்ட் உள்ளது.

ஹோண்டாவின் மற்றொரு புகழ்பெற்ற ஹோண்டா சிட்டி காருக்கு  எந்த சலுகையும் அளிக்கப்படவில்லை.