3 கிலோ தங்கம்... 2 கிலோ வெள்ளி... கட்டுக் கட்டாக பணம்... சமயபுரத்தில் குவிந்த காணிக்கை!
கடந்த 7 நாட்களில் கோயிலுக்கு கிடைத்த காணிக்கை இது என்பது குறிப்பிடத்தக்கது.
கோயில்களில் செலுத்தப்படும் காணிக்கை விபரம், சமீபமாக ஆச்சர்யம் ஏற்படுத்தும் விதமாக உள்ளது. கொரோனா ஊரடங்கிற்கு பின்பாக கோயில்களுக்கு வருவோரும், காணிக்கை செலுத்துவோரின் எண்ணிக்கையும் அதிகரித்து விட்டது. காணிக்கை செலுத்துவோர் எண்ணிக்கையை விட, அதிக காணிக்கை செலுத்துவோர், காஸ்ட்லி காணிக்கை செலுத்துவோர் எண்ணிக்கையும் அதிகரித்திருப்பதாக கூறப்படுகிறது. அந்த வகையில் திருச்சி மாவட்டம் சமயபுரத்தில் எண்ணப்பட்ட உண்டியல் காணிக்கையில் கிலோ கணக்கில் தங்கம், வெள்ளி காணிக்கை கிடைத்துள்ளது.
திருச்சி மாவட்டம், சமயபுரம் அருள்மிகு மாரியம்மன் கோயில்தமிழகத்தில் உள்ள அம்மன் ஸ்தலங்களில் பிரசித்திப் பெற்ற ஸ்தலமாகும். இந்த ஸ்தலத்திற்கு திருச்சி மாவட்டம் மட்டுமல்லாது, தமிழகத்தில் உள்ள பல்வேறு மாவட்டங்கள் மற்றும் இந்தியாவில் உள்ள பிற மாநிலங்களிலிருந்து பக்தர்கள் வந்து சென்று தங்களது நேர்த்திக் கடனை நிறைவேற்றி காணிக்கைகளை உண்டியலில் செலுத்தி வருகின்றனர். அவ்வாறு பக்தர்கள் உண்டியலில் செலுத்திய காணிக்கைகளை கோயிலின் மண்டபத்தில் கோயில் இணை ஆணையர் கல்யாணி தலைமையில் உதவி ஆணையர்கள் முன்னிலையில் தன்னார்வலர்கள் , கோயில் பணியாளர்கள் உள்ளிட்டோர் எண்ணும் பணியில் ஈடுபட்டனர்.
அப்போது கடந்த 7 நாட்களில் பக்தர்கள் கோயில் உண்டியலில் செலுத்திய காணிக்கை ரூ. 96 லட்சத்து 58 ஆயிரத்து 770 ரொக்கமும்,3 கிலோ 157 கிராம் தங்கமும், 2 கிலோ 952 கிராம் வெள்ளியும், 98 அயல்நாட்டு நோட்டுகளும் கிடைக்கப் பெற்றன எனத் கோயிலின் இணை ஆணையர் கல்யாணி தகவல் தெரிவித்தார். வெறும் 7 நாட்களில் மட்டும் கிலோ கணக்கில் தங்கம் மற்றும் வெள்ளி காணிக்கை கிடைத்திருக்கும் நிலையில், இன்னும் சமயபுரம் வரும் பக்தர்கள் எண்ணிக்கை குறையாமல் உள்ளது.
கடந்த சில நாட்களாக சமயபுரம் மாரியம்மன் கோயிலில் நடந்த விசேஷ விழாவில் பங்கேற்ற பல்வேறு பகுதிகளிலிருந்தும் பக்தர்கள் வந்த நிலையில், உண்டியல்கள் விரைவில் நிரம்பின. இதைத் தொடர்ந்து தான். உண்டியல் காணிக்கைகளை எண்ண கோயில் நிர்வாகம் முடிவு செய்தது.
அதன் படி வழக்கம் போல சமூக ஆர்வலர்கள் மற்றும் இறைத் தொண்டர்களை கொண்டு உண்டியல்கள் எண்ணும் பணி நடைபெற்றது. அதில் எதிர்பார்த்ததைப் போல அதிக தொகையும், நகையும் கிடைத்துள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைதள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
