Rasipalan: மிதுனத்துக்கு அமைதியான நாள்; கடகத்துக்கு கல்வியில் சிந்தனையான நாள்: இன்றைய ராசி பலன் இதோ!

Today Rasipalan: மே மாதம் 24ஆம் நாள் வெள்ளிக் கிழமையான இன்று எந்தெந்த ராசியினருக்கு என்னென்ன பலன்கள் என்பதை கீழே விரிவாக காணலாம்.

ராசிபலன்

நாள்: 24.05.2024 

கிழமை: வெள்ளி 

நல்ல நேரம்:

காலை 9.30 மணி முதல் காலை 10.30 மணி வரை

மாலை 2.00 மணி முதல் மாலை 3.00 மணி வரை

இராகு:

காலை 10.30 மணி முதல் பகல் 12.00 மணி வரை

குளிகை:

காலை 7.00 மணி முதல் காலை 9.00 மணி வரை

எமகண்டம்:

மாலை 3.00 மணி முதல் மாலை 4.30 மணி வரை

சூலம் - மேற்கு

மேஷம்

நண்பர்களிடத்தில் வாதங்களை தவிர்க்கவும். உடனிருப்பவர்களிடம் அனுசரித்துச் செல்வது நல்லது. நீண்ட நேரம் கண்விழிப்பதை தவிர்க்கவும். நினைத்த சில பணிகளில் தாமதம் உண்டாகும். வரவேண்டிய வரவுகள் தாமதமாக கிடைக்கும். எதிர்பாராத சில பொறுப்புகளால் மாற்றம் ஏற்படும். போட்டி நிறைந்த நாள்.

ரிஷபம்

சவாலான பணிகளையும் சாதாரணமாக முடிப்பீர்கள். புதிய நபர்களின் அறிமுகங்களும், ஒத்துழைப்பும் கிடைக்கும். விருப்பமான பொருட்களை வாங்கி மகிழ்வீர்கள். வழக்குகள் சாதகமாக முடியும். புதிய துறைகளில் ஆர்வம் ஏற்படும். உடன் பிறந்தவர்கள் பக்கபலமாக இருப்பார்கள். பலம் மற்றும் பலவீனங்களை உணர்வீர்கள். செலவு மேம்படும் நாள்.

மிதுனம்

நெருக்கமானவர்களின் உணர்வுகளுக்கு மதிப்பளித்து செயல்படுவீர்கள். பயணங்களின் மூலம் மாறுபட்ட அனுபவம் கிடைக்கும். உறவுகள் பற்றிய புரிதல் உண்டாகும். கடன் சார்ந்த செயல்களில் சிந்தித்துச் செயல்படவும். கால்நடை பணிகளில் மேன்மை உண்டாகும். வெளி வட்டாரத்தில் மதிப்பு உயரும். வியாபார பணிகளில் மேன்மை ஏற்படும். அமைதி நிறைந்த நாள். 

கடகம்

உயர்கல்வி குறித்த சிந்தனை மேம்படும். ஆடம்பரமான செலவுகளை குறைப்பீர்கள். வித்தியாசமான பொருட்கள் மீது ஆர்வம் ஏற்படும். சிற்றின்ப செயல்களில் ஈடுபாடு உண்டாகும். வியாபாரத்தில் நெளிவு சுழிவுகளை அறிவீர்கள். அக்கம்-பக்கம் வீட்டாரின் ஆதரவு கிடைக்கும். சிந்தனை மேம்படும் நாள்.

சிம்மம்

வெளிவட்டாரத்தில் புதிய அனுபவம் கிடைக்கும். உடல் ஆரோக்கியம் தொடர்பான விரயங்கள் ஏற்படும். வியாபாரத்தில்  எதிர்ப்புகளை சாமர்த்தியமாக சமாளிப்பீர்கள். வீடு மாற்றம் குறித்த சிந்தனை உண்டாகும். கல்விப் பணிகளில் இருந்துவந்த ஆர்வமின்மை குறையும். பெரியோர்களின் ஆலோசனைகள் தெளிவினை ஏற்படுத்தும். பாராட்டு நிறைந்த நாள். 

கன்னி

வெளி வட்டாரத்தில் மதிப்பு மேம்படும். தைரியமாக சில முடிவுகளை எடுப்பீர்கள். மறைமுகமான எதிர்ப்புகளை வெற்றி கொள்வீர்கள். புதிய துறை சார்ந்த தேடல் அதிகரிக்கும். சிந்தனையின் போக்கில் மாற்றம் ஏற்படும். நினைவில் கொள்ளக்கூடிய சில நிகழ்வுகள் நடக்கும். விளையாட்டு சார்ந்த விஷயங்களில் ஆர்வம் ஏற்படும். நன்மை நிறைந்த நாள்.

துலாம்

குடும்பத்தில் அனுசரித்துச் செல்லவும். இறைப்பணிகளில் ஆர்வம் ஏற்படும். வாக்கு வன்மையால் ஆதாயம் உண்டாகும். வெளியூர் பொருட்கள் மூலம் ஆதாயம் ஏற்படும். தூக்கமின்மை பிரச்சனை ஓரளவு குறையும். நெருக்கடியான சூழல் மாறும். மனதளவில் இருந்துவந்த கவலைகள் மறையும். சோதனை மறையும் நாள்.

விருச்சிகம்:

நட்பு வட்டாரம் விரிவடையும். குடும்பத்தில் அனுசரித்துச் செல்லவும். விமர்சன பேச்சுக்களை தவிர்ப்பது நல்லது. பலதரப்பட்ட சிந்தனைகளால் இறுக்கமான சூழல் உண்டாகும். செயல்பாடுகளில் ஒருவிதமான ஆர்வமின்மை ஏற்படும். உதவும் பொழுது சூழ்நிலை அறிந்து செயல்படவும். எதிலும் விட்டுக்கொடுத்துச் செல்வது நல்லது. ஆக்கப்பூர்வமான நாள்.

தனுசு

அலுவல் பணிகளில் திட்டமிட்டு செயல்படவும். வெளியூர் பயணங்களால் ஒருவிதமான சோர்வு ஏற்படும். கால் வலி ஏற்பட்டு நீங்கும். விலகிச் சென்றவர்கள் பற்றிய சிந்தனை உண்டாகும். வியாபாரப் பணிகளில் பொறுமை வேண்டும். சுப காரிய பணிகளில் விவேகத்துடன் செயல்படவும். சாதனை நிறைந்த நாள்.

மகரம்

சேமிப்பு சார்ந்த சிந்தனைகள் மேம்படும். மனதளவில் புத்துணர்ச்சியுடன் செயல்படுவீர்கள். வாகன வசதிகள் மேம்படும். இழுபறியாக இருந்துவந்த பணிகள் நிறைவேறும். புதுவிதமான இலக்குகள் மனதில் பிறக்கும். சுப காரிய எண்ணங்கள் ஈடேறும். வியாபாரத்தை அபிவிருத்தி செய்வீர்கள். ஆசைகள் மேம்படும் நாள்.

கும்பம்

தாயின் விருப்பங்களை நிறைவேற்றுவீர்கள். மனதளவில் புதிய தன்னம்பிக்கை பிறக்கும். இணைய பணிகளில் கவனத்துடன் செயல்படவும். மனதில் செல்வச் சேர்க்கை தொடர்பான சிந்தனைகள் மேம்படும். சிந்தனைகளில் தெளிவு பிறக்கும். அரசு காரியங்களில் ஆதரவு மேம்படும். கல்விப் பணிகளில் மேன்மை ஏற்படும். மாற்றம் பிறக்கும் நாள். 

மீனம்

கணவன், மனைவிக்கிடையே இருந்துவந்த கருத்து வேறுபாடுகள் குறையும். புண்ணிய ஸ்தலங்களுக்கு சென்று வருவீர்கள். மனதளவில் தெளிவுகளும், புத்துணர்ச்சியும் ஏற்படும். உடன் பிறந்தவர்கள் ஆதரவாக இருப்பார்கள். திட்டமிட்ட காரியங்களை சிறப்பாக செய்து முடிப்பீர்கள். உயர் பொறுப்பில் இருப்பவர்களின் அறிமுகம் கிடைக்கும். அமைதி நிறைந்த நாள்.