Aavani Month Rasipalan: தனுசு ராசிக்காரர்களே, ஆவணி மாதம் என்ன பலன்களை தரப்போகுது தெரியுமா?

Aavani Month Rasipalan: அன்பார்ந்த தனுசு ராசி வாசகர்களே, உங்களுடைய ராசிக்கு இந்த ஆவணி மாதம் எப்படி இருக்க போகிறது என்பதை பார்க்கலாம்.

ஆவணி மாத ராசி பலன்கள் - 2024

Source : ABP Nadu

தனுசு ராசி - ஆவணி மாத ராசி பலன்:

அன்பார்ந்த தனுசு ராசி வாசகர்களே, உங்களுடைய ராசிக்கு இந்த ஆவணி மாதம் எப்படி இருக்க போகிறது என்பதை பார்க்கலாம்.  ஏற்றத் தாழ்வுகளைப் பற்றி கவலைப்படாத நீங்கள் மற்றவர்கள் சிறிதாக கண்ணீர் விட்டால் கூட தாங்கிக் கொள்ள முடியாது. ஆசானுக்கு எல்லாம் ஆசான் என்று கூறுவார்களே அப்படியான குரு நீங்கள். உங்களிடமிருந்து வெளிப்படும் சக்தியானது மற்றவர்களுக்கு ஆசிர்வாதத்தை கொண்டு வரும். தனுசு ராசி ஒரு மூலத்திரிகோண வீடு குருவுக்கு ஆட்சி வீடு. உங்களை நம்பி மற்றவர்கள் வந்தால் அவர்கள் நஷ்டமடைய மாட்டார்கள்.  எப்பொழுதும் சுறுசுறுப்பாக இருப்பவர் நீங்கள். மற்றவர்களை மகிழ்ச்சியுடன் வைத்திருப்பதில் வல்லவர் நீங்கள். உங்களுக்கு இந்த ஆவணி மாதம் எப்படி இருக்க போகிறது என்பதை பார்க்கலாம்...

தனுசு ராசி பொருத்தவரை குரு உபதேசம்  ஆலோசனை  வழிகாட்டி  என்று பல பெயர்களை உங்களுக்கு சூட்டினாலும் சூரியன் 9 ஆம் வீட்டில் ஆட்சி பெறுவது  மற்ற எல்லாரை காட்டிலும் நீங்கள் ஒரு பெரிய ஞானவான் உபதேசி என்பதை  நீங்கள் பேசாமலேயே காட்டி விடுவீர்கள். சொத்து சம்பந்தமான பிரச்சனை விலகும். காரணம்  நான்காம் வீட்டில் ராகு அமர்ந்திருக்கிறார் ஏதேனும் நிலம் சம்பந்தமாக அழுது சொத்து சம்பந்தமாக பிரச்சனைகள் உங்களுக்கு இருக்குமாயின் ஒன்பதாம் வீடு என்பது நாலாம் வீட்டிற்கு ஆறாம் வீடு எனவே  நிலம் இடம் மனை தொடர்பான பிரச்சனைகளில் வெற்றி கொள்ளக்கூடிய அதாவது வழக்குகளை ஜெயிக்க கூடிய சக்திகள் தற்போது உங்களுக்கு பிறக்கப் போகிறது. 

அருமையான வேலை உங்களுக்கு அமையும்:

 நீண்ட நாட்களாக புத்திர பாக்கியம் இல்லாதவர்களுக்கு தற்போது சந்தான பாக்கியம் கிடைக்கும். பிராயணத்தில் நாட்டம் உள்ளவர் நீங்கள்  ஆங்கிலத்தில் லாங் ஜர்னி என்று சொல்வார்கள் அல்லவா  அது போன்ற நீண்ட தூர பிரயானங்களை மேற்கொள்ள வல்லவர். அலுவலகத்தில் உங்களுக்கு மேலதிகாரிகள் என்ன செய்வார்களோ அதைவிட அதிகமான வேலையை உங்களால் செய்ய முடியும்.  அப்படி நீங்கள் செய்கின்ற பட்சத்தில் தற்போது  அதற்கான அங்கீகாரத்தையும் பாராட்டையும் கூட பெறுவீர்கள். பணம் சம்பந்தமாக பெரிய நாட்டம் இல்லாமல் இருந்தாலும் குடும்பத்திற்காக பணம் சம்பாதிக்க வேண்டும் என்ற எண்ணம் உங்களுக்கு உள்ளது அல்லவா  இந்த காலகட்டத்தில்  நல்ல அருமையான  வேலை உங்களுக்கு அமையும். 

எப்படி சொல்ல முடியும் ? பத்தாம் இடத்திற்கு 12-ஆம் இடம்தான் ஒன்பதாம் பாவம் அப்படி என்றால்  தொழில் சவுகரியமாக இருக்கும்  ஒயிட் காலர் ஜாப் என்று ஆங்கிலத்தில் சொல்வார்களே அமர்ந்த இடத்திலிருந்து வேலை செய்வது  இப்படியான வேலை உங்களுக்கு அமையலாம் சிலருக்கு வீட்டிலிருந்து வேலை செய்வது  சௌகரியமாக அமர்ந்து வேலை செய்வது வேலையில் பெரிய டென்ஷன் இல்லாமல் இருப்பது போன்ற காரியங்கள் உங்களுக்கு நடைபெறப்போகிறது.

தாய்வழி சொந்தங்கள் தேடி வந்து பேசுவார்கள்:

உற்றார் உறவினர்களின் ஆதரவு பெருகும்  தாய்வழி சொந்தங்கள் தேடி வந்து பேசுவார்கள்  தந்தையாரின் ஆரோக்கியம் மேம்படும்  உங்களிடத்தில் அடுத்தவர்கள் உபதேசம் கேட்க ஆரம்பிப்பார்கள். ஏற்கனவே தனுசு ராசி என்றாலே ஆலோசனை வழங்கும் ராசி என்று கூறினேன் அல்லவா  தற்போது அந்த ஆலோசனையின் அதிபதி சூரியனே ஆட்சி பெறும்போது அடுத்தவர்களுக்கு குருமாராய் ஒளி விளக்காய் தான் நீங்கள் திகழப் போகிறீர்கள். சிவன் கோவிலில் அமர்ந்திருக்க கூடிய தெற்கு நோக்கி  பார்த்திருக்கும் தக்ஷிணாமூர்த்தியை வழிபட்டு வாருங்கள் அனைத்தும் நன்மையாக முடியும் வாழ்த்துக்கள் வணக்கம்.