Salem Prisoner Attacks Police : ’’எனக்கு சிகரெட் வேணும்’’போலீஸை அடிக்க பாய்ந்த கைதி..

’’எனக்கு சிகரெட் வேணும்’’

போலீஸை அடிக்க பாய்ந்த கைதி

நீதிமன்றத்தில் பரபரப்பு

சேலம் நீதிமன்றத்தில் கைதி ஒருவர் போலீசிடம் பீடி சிகரெட் கேட்டு தகராறு செய்ததோடு காவலரையே அடிக்க கை ஓங்கிய சம்பவம் பெரும் பரபரப்பை ஏற்படுத்தியுள்ளது.

கடந்த 2020 ஆம் ஆண்டு நடைபெற்ற கொலை வழக்கில் கைதான நரேஷ்குமார் என்பவர் சேலம் மத்திய சிறையில் அடைக்கப்பட்டுள்ளார். இந்த வழக்கு விசாரணை சேலம் மகளிர் நீதிமன்றத்தில் நடைபெற்று வருகிறது. நேற்று முன்தினம் வழக்கு விசாரணைக்காக மாவட்ட ஆயுதப்படை காவல் உதவி ஆய்வாளர் ராமானுஜம் மற்றும் இரு போலீசார் நரேஷ்குமாரை நீதிமன்றத்திற்கு அழைத்து வந்தனர். அப்பொழுது மகளிர் நீதிமன்ற வரண்டாவில் காத்திருந்த நரேஷ்குமார் போலீசாரிடம் பீடி, சிகரெட் மற்றும் சாப்பாடு கொடுக்குமாறு கேட்டுள்ளார். பீடி,சிகரெட் தர முடியாது.சாப்பாடு சிறையில் உனக்கு தயாராக இருக்கிறது என போலீசார் தெரிவித்தனர். இதனால் ஆத்திரமடைந்த நரேஷ்குமார் காவல் உதவி ஆய்வாளரை அடிக்க பாய்ந்தார். அப்போது அங்கிருந்த போலீசார் நரேஷ்குமாரை தடுத்தனர். 

சேலம் நீதிமன்ற வளாகத்தில் காவல் உதவி ஆய்வாளரை கைதி அடிக்க பாய்ந்த வீடியோ சமூக வலைதளங்களில் பரவி வருகிறது.