English with Dehati Madam : சோதனை TO சாதனைகவனம் பெறும் YOUTUBERயார் இந்த ‘Dehati Madam’?

சோதனை TO  சாதனைகவனம் பெறும் YOUTUBERயார் இந்த ‘Dehati Madam’?

 

யார் வேண்டுமானாலும் கனவு காணலாம் ஆனால் அதை நனவாக்க ஒரு சிலரால் மட்டுமே நனவாக்க முடியும். அதற்கு மனதைரியமும் விடாமுயற்சியும் அவசியம். அந்த வகையில் வாழ்க்கை பல முற்றுக்கட்டைகளை போட்டாலும் அனைத்தையும் கடந்து சிறகு கொண்டு பறக்கிறார் திஹாடி மேடம் எனப்படும் யசோதா..

உத்தரபிரதேசத்தில் உள்ள குக்கிராமத்தில் வசிக்கும் இவர், யூடியூப் மூலம் பலருக்கும் ஆங்கிலம் கற்றுக்கொடுத்து அசத்துகிறார். இங்கிலிஷ் வித் திஹாடி மேடம் என்ற யூடியூப் சேனலிம் யசோதா ஆங்கிலம் கற்பித்து இன்று மாதம் 80 முதல் 90 ஆயிரம் வரை சம்பாதிக்கிறார்.ஓவர்நைட் யூடியூப் பிரபலங்கள் வரிசையில் இவர் அடங்கவில்லை. பல போராட்டங்களுக்கு பின்னரே இவரது வெற்றி சாத்தியமாகியுள்ளது.

உத்தர பிரதேச மாநிலம் கௌசாம்பி மாவட்டத்தில் உள்ள சிரத்து நகர் என்ற குக்கிராமத்தை சேர்ந்தவர் யஷோதா லோதி. ஹிந்தி மீடியத்தில் பள்ளிப்படிப்பு மற்றும் மேல்படிப்புகளை முடித்த இவர், குழந்தைகளுக்கு பாடம் கற்றுக்கொடுத்து வந்தார். ஆனால் அதன் பின் காதல் வயப்பட்டார் யசோதா. யசோதாவின் காதல் அவரது வாழ்வையே புரட்டிப்போட்டது. குடும்ப எதிர்ப்புகளை மீறி காதலித்தவரையே கரம்பிடித்தார் யசோதா. யசோதாவின் கனவர் தினக்கூலி நாளுக்கு 300 மட்டுமே வருமானம். 2019 ல் நடந்த ஒரு விபத்தில் யசோதாவின் கணவர் இயல்பு வாழ்வு தடைபட்டது. ஒரு வேளை உணவுக்கே அல்லாடியுள்ளனர் இந்த தம்பதி.

அந்த சமயத்தில் தான் ’இங்கிலிஷ் வித் திஹாதி மேடம்’ என்ற யூடியூப் சேனலை தொடங்கியுள்ளார் யசோதா. அதன்மூலம் ஆங்கிலம் கற்றுக்கொடுக்கும் யசோதா நாளடைவில் சப்ஸ்க்ரைபர்ஸை அள்ளினார். மாதம் 9000 வருமானத்தில் கஷ்டப்பட்ட யசோதா இன்று 90000 வரை சம்பாதிக்கிறார்.
ஸ்மார்ட்போன்களை ஆக்கப்பூர்வமாக பயன்படுத்தினால் வாழ்வில் பெரும் மாற்றத்தை ஏற்படுத்த முடியும் என்பதை நிரூபித்து காட்டியுள்ளார் யசோதா..