Maria Sharapova: இரண்டு பேருக்காக பிறந்தநாள் கேக்.. ஷரபோவா சொன்ன ஸ்வீட் நியூஸ்!
கடந்த ஆண்டு டிசம்பர் மாதம், தொழிலதிபர் அலெக்சாண்டருடன் திருமண நிச்சயம் செய்யப்பட்டதாக ஷரபோவா அறிவித்தார்.
டென்னிஸ் விளையாட்டின் முன்னாள் நம்பர் 1 வீராங்கனை மரியா ஷரபோவா, தனது 35வது பிறந்தநாளன்று முக்கிய அறிவிப்பை இன்ஸ்டாகிராம் பக்கத்தில் அறிவித்திருக்கிறார்.
ரஷ்ய டென்னிஸ் வீராங்கனையான மரியா ஷரபோவா, ஐந்து முறை கிராண்ட் ஸ்லாம் பட்டம் வென்றவர். கடந்த 2020-ம் ஆண்டு டென்னிஸில் இருந்து ஓய்வு பெறுவதாக அறிவித்தார். இன்ஸ்டாகிராமில் ஆக்டீவாக இருக்கும் ஷரபோவை, கிட்டத்தட்ட 4.2 மில்லியன் பேர் பின் தொடர்கின்றனர்.
இந்நிலையில், தனது பிறந்தநாளன இன்று புகைப்படம் ஒன்றை பதிவிட்டிருக்கிறார். அதில், “பொன்னான ஆரம்பம். இரண்டு பேருக்காக பிறந்தநாள் கேக் சாப்பிடுவது என்பது ரொம்ப ஸ்பெஷல்” என பதிவிட்டிருக்கிறார். இதன் மூலம், தான் கர்ப்பமாக இருக்கும் செய்தியை உலகிற்கு அறிவித்திருக்கிறார்.
ஷரபோவாவின் இன்ஸ்டாகிராம் பதிவு:
View this post on Instagram
கடந்த ஆண்டு டிசம்பர் மாதம், தொழிலதிபர் அலெக்சாண்டருடன் திருமண நிச்சயம் செய்யப்பட்டதாக ஷரபோவா அறிவித்தார். டென்னிஸ் நட்சத்திரமாக பிரபலமான மரியா ஷரபோவா, ரஷ்யாவுக்காக விளையாடி வந்தாலும் அமெரிக்காவில் தனது வாழ்நாளின் நிறைய ஆண்டுகளை கழித்திருக்கிறார். இப்போது கர்ப்பமாக இருப்பதை அறிவித்திருக்கும் ஷரபோவாவுக்கு ரசிகர்கள் வாழ்த்துகள் தெரிவித்து வருகின்றனர்.
பிற முக்கியச் செய்திகள்:
ஆளுநர் கான்வாய் மீது கல்வீச்சு நடந்ததா? அறிக்கை வெளியிட்ட காவல்துறை.. https://t.co/wupaoCQKa2 | #Governor #RNRavi #TNPolice #Mayilladudurai #tamilnadu pic.twitter.com/7mHYdq6rfJ
— ABP Nadu (@abpnadu) April 20, 2022
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
