IPL 2021: அஸ்வினை தொடர்ந்து ஜாம்பா, ரிச்சர்ட்சன் விலகல்: ஆர்.சி.பி.,க்கு நெருக்கடி
டெல்லி வீரர் அஸ்வினை தொடர்ந்து பெங்களூர் அணி வீரர்கள் ஆடம் ஜாம்பா மற்றும் கேன் ரிச்சர்ட்சன் ஆகியோரும் ஐபிஎல் தொடரில் இருந்து விலகியுள்ளனர்.
ஐபிஎல் தொடரில் இருந்து ராயல் சேலஞ்சர்ஸ் பெங்களூர் அணி வீரர்கள் ஆடம் ஜாம்பா, கேன் ரிச்சர்ட்சன் ஆகியோர் விலகினர்.
14ஆவது ஐபிஎல் கிரிக்கெட் தொடர் கடந்த 9ம் தேதி தொடங்கி விறுவிறுப்பாக நடைபெற்று வருகிறது. முதல் லீக் போட்டிகள் சென்னை மற்றும் மும்பையில் நடைபெற்ற நிலையில், இரண்டாவது லீக் போட்டிகள் அகமதாபாத் மற்றும் டெல்லியில் நடைபெற உள்ளன. இதுவரை 20 லீக் போட்டிகள் முடிந்துள்ளன.
நாட்டில் கொரோனா இரண்டாவது அலை கோரத்தாண்டவம் ஆடி வரும் நிலையில், ரசிகர்கள் இல்லாமல் போட்டிகள் நடைபெற்று வருகிறது. வீரர்கள் மற்றும் அணி நிர்வாகிகள் தகுந்த பாதுகாப்புடன் இந்தத் தொடரில் பங்கேற்று வருகின்றனர்.
தொடர் தொடங்குவதற்கு முன்பு சில வீரர்கள் மற்றும் அணி நிர்வாகிகளுக்கு கொரோனா தொற்று உறுதியானது. அந்நேரத்தில், அது அனைவருக்கும் அதிர்ச்சியை கொடுத்தது. அதைத்தொடர்ந்து, பாதுகாப்பு ஏற்பாடுகள் செய்யப்பட்டு எந்தவித பிரச்னையும் இல்லாமல் போட்டிகள் நடைபெற்று வருகின்றன.
ஆனால், சில வீரர்கள் காயம் காரணமாகவும், பயோ பபுள் விதிமுறைகளால் மன உளைச்சல் ஏற்பட்டும் தொடரில் இருந்து விலகினர். ராஜஸ்தான் ராயல்ஸ் அணி வீரர்கள் பென் ஸ்டோக்ஸ், ஜாப்ரா ஆர்ச்சர் காயம் காரணமாக தொடரில் இருந்து விலகினர். கடந்த ஓராண்டாக பயோ பபுளில் உள்ளதால், குடும்பத்துடன் நேரத்தை செலவிட வேண்டும் என்று கூறி, லியாம் லிவிங்ஸ்டன் விலகினார்.
மேலும், சன் ரைசர்ஸ் ஹைதராபாத் அணியின் நட்சத்திர பந்துவீச்சாளர் ‘யார்க்கர் கிங்’ நடராஜன் தொடரில் இருந்து விலகினார்.
<blockquote class="twitter-tweet"><p lang="en" dir="ltr">I would be taking a break from this years IPL from tomorrow. My family and extended family are putting up a fight against <a href="https://twitter.com/hashtag/COVID19?src=hash&ref_src=twsrc%5Etfw" rel='nofollow'>#COVID19</a> and I want to support them during these tough times. I expect to return to play if things go in the right direction. Thank you <a href="https://twitter.com/DelhiCapitals?ref_src=twsrc%5Etfw" rel='nofollow'>@DelhiCapitals</a> 🙏🙏</p>— Stay home stay safe! Take your vaccine🇮🇳 (@ashwinravi99) <a href="https://twitter.com/ashwinravi99/status/1386405975851028486?ref_src=twsrc%5Etfw" rel='nofollow'>April 25, 2021</a></blockquote> <script async src="https://platform.twitter.com/widgets.js" charset="utf-8"></script>
இந்நிலையில், டெல்லி கேப்பிடல்ஸ் அணி வீரர் ரவிச்சந்திரன் அஸ்வின் ஐபிஎல் தொடரில் இருந்து விலகுவதாக அறிவித்தார். கொரோனா தொற்றுக்கு எதிராக தனது குடும்பத்தார் போராடி வரும் நிலையில் இந்த நேரத்தில் அவர்களுடன் இருப்பது அவசியம் என்று அவர் அதற்கான காரணத்தை கூறியுள்ளார்.
அஸ்வினை தொடர்ந்து, ராயல் சேலஞ்சர்ஸ் பெங்களூர் அணி வீரர்கள் ஆடம் ஜாம்பா, கேன் ரிச்சர்ட்சன் ஆகியோர் ஐபிஎல் தொடரில் இருந்து விலகியுள்ளனர்.
<blockquote class="twitter-tweet"><p lang="en" dir="ltr">Official Announcment:<br><br>Adam Zampa & Kane Richardson are returning to Australia for personal reasons and will be unavailable for the remainder of <a href="https://twitter.com/hashtag/IPL2021?src=hash&ref_src=twsrc%5Etfw" rel='nofollow'>#IPL2021</a>. Royal Challengers Bangalore management respects their decision and offers them complete support.<a href="https://twitter.com/hashtag/PlayBold?src=hash&ref_src=twsrc%5Etfw" rel='nofollow'>#PlayBold</a> <a href="https://twitter.com/hashtag/WeAreChallengers?src=hash&ref_src=twsrc%5Etfw" rel='nofollow'>#WeAreChallengers</a> <a href="https://t.co/NfzIOW5Pwl" rel='nofollow'>pic.twitter.com/NfzIOW5Pwl</a></p>— Royal Challengers Bangalore (@RCBTweets) <a href="https://twitter.com/RCBTweets/status/1386538248197992448?ref_src=twsrc%5Etfw" rel='nofollow'>April 26, 2021</a></blockquote> <script async src="https://platform.twitter.com/widgets.js" charset="utf-8"></script>
இது தொடர்பாக ஆர்சிபி நிர்வாகம் டிவிட்டர் பக்கத்தில், ‘ஆடம் ஜாம்பா, கேன் ரிச்சர்ட்சன் ஆகியோர் தனிப்பட்ட காரணங்களுக்காக ஆஸ்திரேலியா திரும்புகிறார்கள். மீதமுள்ள ஐபிஎல் போட்டியில் அவர்கள் விளையாட மாட்டார்கள். ராயல் சேலஞ்சர்ஸ் பெங்களூர் நிர்வாகம் அவர்களின் முடிவை மதிக்கிறது மற்றும் அவர்களுக்கு முழுமையான ஆதரவை வழங்குகிறது’ என பதிவிட்டுள்ளது. அணியின் முக்கிய வீரர்கள் இருவர் தொடரில் இருந்து வெளியேறியிருப்பது பெங்களூரு அணிக்கு நெருக்கடியை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
