RCB vs DC LIVE Score: டெல்லியை வீழ்த்தி அசத்தல்..ஆர்சிபி செய்த மாஸ் சம்பவம்!
RCB vs DC LIVE Score Updates: ராயல் சேலஞ்சர்ஸ் பெங்களூரு மற்றும் டெல்லி கேப்பிடல்ஸ் அணிகளுக்கு இடையிலான போட்டி குறித்த லைவ் அப்டேட்டுகளை நமது ஏபிபி நாடு தளத்தில் காணலாம்.
Background
ஐ.பி.எல் சீசன் 17:
இந்தியன் பிரீமியர் லீக் 2024ன் இன்றைய 62வது போட்டியில் ராயல் சேலஞ்சர்ஸ் பெங்களூரு அணியும், டெல்லி கேப்பிடல்ஸ் அணியும் விளையாடுகின்றன. இந்த போட்டியானது பெங்களூருவில் உள்ள எம்.சின்னசாமி ஸ்டேடியத்தில் தொடங்குகிறது.
தற்போது ராயல் சேலஞ்சர்ஸ் பெங்களூரு புள்ளிப்பட்டியலில் 10 புள்ளிகளுடன் 7வது இடத்தில் உள்ளது. இந்த சீசனில் 12 போட்டிகளில் விளையாடியுள்ள பெங்களூரு 5ல் வெற்றிபெற்றுள்ளது. அதேசமயம், டெல்லி கேப்பிடல்ஸ் அணி 12 போட்டிகளில் 6 வெற்றி, 12 புள்ளிகளுடன் அட்டவணையில் 5வது இடத்தில் இருக்கிறது.
நேருக்குநேர்:
இந்தியன் பிரீமியர் லீக் வரலாற்றில் ராயல் சேலஞ்சர்ஸ் பெங்களூரு மற்றும் டெல்லி கேப்பிடல்ஸ் அணி மொத்தம் 29 போட்டிகளில் நேருக்குநேர் மோதியுள்ளன. இதில், அதிகபட்சமாக ராயல் சேலஞ்சர்ஸ் பெங்களூரு அணி 18 போட்டிகளில் வெற்றிபெற்றுள்ளது. அதேசமயம், டெல்லி கேப்பிடல்ஸ் அணி 11 போட்டிகளில் வெற்றிபெற்றுள்ளது. ஒரு போட்டி தடை காரணமாக டெல்லி கேப்பிடல்ஸ் அணியின் கேப்டன் ரிஷப் பண்ட் இன்றைய போட்டியில் விளையாடவில்லை.
இரு அணிகளும் மோதிய கடைசி 5 போட்டிகளில் ராயல் சேலஞ்சர்ஸ் பெங்களூரு 4-1 என்ற கணக்கில் டெல்லி கேப்பிடல்ஸ் அணிக்கு எதிராக ஆதிக்கம் செலுத்தியுள்ளது. ஸ்டேடியத்தை பொறுத்தவரை, இந்த சீசனில் விளையாடிய ஐந்து போட்டிகளில், முதலில் பேட் செய்யும் அணிகளுக்கும் சேஸிங் செய்யும் அணிகளுக்கும் இடையே கடுமையான போட்டிகள் நடந்துள்ளன. இதில், மூன்று போட்டிகளில் சேசிங் அணியும், இரண்டு போட்டிகளில் முதலில் பேட்டிங் செய்த அணியும் வெற்றிபெற்றுள்ளது.
பிட்ச் ரிப்போர்ட்:
பெங்களூருவில் உள்ள எம்.சின்னசாமி ஸ்டேடியமானது பேட்ஸ்மேன்களின் சொர்க்கம் என்றே சொல்லலாம். சிறிய ஸ்டேடியம் என்பதால் பவுண்டரிகள் நாலாபுறமும் பந்துகள் பறக்கும். எனவே, இரு அணியின் பந்துவீச்சாளர்களும் கவனமாக பந்துவீசுவது நல்லது.
டாஸ் வென்ற டெல்லி:
இதையடுத்து, ராயல் சேலஞ்சர்ஸ் பெங்களூரு மற்றும் டெல்லி கேப்பிடல்ஸ் அணிகளுக்கிடையே யான போட்டி அதிக ஸ்கோரிங் போட்டியாக இருக்கும் என்று எதிர்பார்க்கப்படுகிறது. மேலும், டாஸ் வென்ற கேப்டன் முதலில் பந்துவீச்சை தேர்வு செய்யலாம் என்று எதிர்பார்க்கப்பட்ட சூழலில் டாஸ் வென்ற டெல்லி கேபிடல்ஸ் அணி முதலில் பந்து வீச்சை தேர்வு செய்துள்ளது.
ராயல் சேலஞ்சர்ஸ் பெங்களூரு (பிளேயிங் லெவன்)
ஃபாஃப் டு பிளெசிஸ் (கேப்டன்), விராட் கோலி, வில் ஜாக்ஸ், ரஜத் படிதார், கேமரூன் கிரீன், மஹிபால் லோம்ரோர், தினேஷ் கார்த்திக் (விக்கெட் கீப்பர்), கர்ண் ஷர்மா, முகமது சிராஜ், லாக்கி பெர்குசன், யாஷ் தயாள்
டெல்லி கேப்பிடல்ஸ் (பிளேயிங் லெவன்)
ஜேக் ஃப்ரேசர்-மெக்குர்க், அபிஷேக் போரல்(விக்கெட் கீப்பர்), ஷாய் ஹோப், குமார் குஷாக்ரா, டிரிஸ்டன் ஸ்டப்ஸ், அக்ஸர் படேல்(கேப்டன்), குல்தீப் யாதவ், ரசிக் தார் சலாம், முகேஷ் குமார், இஷாந்த் சர்மா, கலீல் அகமது
RCB vs DC LIVE Score: 17 ஓவர்கள் முடிந்தது!
17 ஓவர்கள் முடிந்த நிலையில் டெல்லி அணி 8 விக்கெட் இழப்பிற்கு 133 ரன்கள் எடுத்துள்ளது.
RCB vs DC LIVE Score: அக்ஸர் படேல் அவுட்!
39 பந்துகள் களத்தில் நின்ற டெல்லி அணியின் கேப்டன் 5 பவுண்டரிகள் மற்றும் 3 சிக்ஸர்கள் உட்பட மொத்தம் 57 ரன்கள் எடுத்தார்.
தலைப்பு செய்திகள்
ட்ரெண்டிங் செய்திகள்
