Points Table IPL 2023: ராஜஸ்தான் அபார வெற்றி.. மும்பைக்கு வழிபிறக்குமா..? புள்ளிப்பட்டியல் விவரம் இதோ..!
ஐ.பி.எல். தொடரில் கொல்கத்தா அணிக்கு எதிராக ராஜஸ்தான் அணி பெற்ற அபார வெற்றியை தொடர்ந்து புள்ளிப்பட்டியலில் 3வது இடத்திற்கு முன்னேறியுள்ளது.
ஐ.பி.எல். தொடரில் கொல்கத்தா அணிக்கு எதிராக ராஜஸ்தான் அணி பெற்ற அபார வெற்றியைத் தொடர்ந்து புள்ளிப்பட்டியலில் 3வது இடத்திற்கு முன்னேறியுள்ளது.
ஐபிஎல் சீசன்:
16வது ஐ.பி.எல். சீசன் கடந்த மாதம் 31ம் தேதி தொடங்கி கோலாகலமாக நடைபெற்று வருகிறது. 3 ஆண்டுகளுக்குப் பிறகு ஐ.பி.எல். அணிகள் தங்களது சொந்த மண்ணில் உள்ளூர் ரசிகர்களுக்கு முன்னிலையில் விளையாடி வருகின்றன. இதனால் போட்டிகளை காண மைதானங்களிலும், தொலைக்காட்சி முன்னிலையிலும் மற்றும் ஆன்லைன் ஸ்டிரீமிங் தளங்களிலும் ரசிகர்கள் குவிந்து வருகின்றனர். இதுவரை 56 லீக் போட்டிகள் மட்டுமே நடந்து முடிந்துள்ள நிலையில், புள்ளிப்பட்டியலில் முதல் 4 இடங்களை பிடிப்பதற்காக அணிகள் முட்டி மோதி வருகின்றன. அதிலும் முதல் இரண்டு இடங்களை குஜராத் மற்றும் சென்னை அணிகள் ஆக்கிரமித்துள்ள நிலையில், கடைசி இரண்டு இடங்களுக்கு டெல்லியை தவிர மீதமுள்ள 7 அணிகளும் கடுமையாக போராடி வருகின்றன.
நேற்றைய போட்டி:
ஈடன் கார்டன் மைதானத்தில் நேற்று நடைபெற்ற முக்கியமான லீக் போட்டியில் சஞ்சு சாம்சன் தலைமையிலான ராஜஸ்தான் அணி, ராணா தலைமையிலான கொல்கத்தா அணியை எதிர்கொண்டது. முதலில் பேட்டிங் செய்த கொல்கத்தா அணி 8 விக்கெட் இழப்பிற்கு 149 ரன்களை சேர்த்தது. இலக்கை நோக்கி களமிறங்கிய ராஜஸ்தான் அணியில் ஜெய்ஷ்வாலின் அதிரடி ஆட்டத்தால் அந்த அணி 13.1 ஓவர்களிலேயே இலக்கை எட்டி அபார வெற்றி பெற்றது.
இதனால் ராஜஸ்தான் அணி 9 விக்கெட்டுகள் வித்தியாசத்தில் வெற்றி பெற்றது. இது நடப்பு தொடரில் அந்த அணி பெறும் ஆறாவது வெற்றி ஆகும். இதனால், புள்ளிப்பட்டியலில் ராஜஸ்தான் அணி 4வது இடத்தில் இருந்து 3வது இடத்திற்கு முன்னேற, மற்ற அணிகள் எந்தெந்த இடங்களுக்கு மாற்றம் கண்டுள்ளன என்பதை தற்போது அறியலாம்.
| அணிகள் | போட்டிகள் | வெற்றி | தோல்வி | புள்ளிகள் |
| குஜராத் | 11 | 8 | 3 | 16 |
| சென்னை | 12 | 7 | 4 | 15 |
| ராஜஸ்தான் | 12 | 6 | 6 | 12 |
| மும்பை | 11 | 6 | 5 | 12 |
| லக்னோ | 11 | 5 | 5 | 10 |
| பெங்களூரு | 11 | 5 | 6 | 10 |
| கொல்கத்தா | 12 | 5 | 7 | 10 |
| பஞ்சாப் | 11 | 5 | 6 | 10 |
| ஐதராபாத் | 10 | 4 | 6 | 8 |
| டெல்லி | 11 | 4 | 7 | 8 |
முதல் நான்கு இடங்களில் யார்?
குஜராத் அணி இதுவரை விளையாடிய 11 போட்டிகளில் எட்டில் வென்று 16 புள்ளிகளுடன் தொடர்ந்து வலுவாக முதலிடத்தில் நீடிக்கிறது. அதேபோன்று சென்னை அணியும் 12 போட்டிகளில் விளையாடி 7 போட்டிகளில் வெற்றி, 4 போட்டிகளில் தோல்வி கண்டுள்ளது. ஒரு போட்டியில் முடிவு எதும் எட்டப்படவில்லை. இதனால் 15 புள்ளிகளுடன் இரண்டாவது இடத்தில் உள்ளது. நேற்றைய வெற்றி மூலம், ராஜஸ்தான் அணி 12 புள்ளிகள் பெற்று ரன் ரேட் அடிப்படையில் 3வது இடத்திற்கு தாவியுள்ளது. மும்பை அணி 12 புள்ளிகளுடன் நான்காவது இடத்திற்கு தளப்பட்டுள்ளது.
மற்ற அணிகளின் நிலை:
லக்னோ அணி 11 புள்ளிகளுடன் 5வது இடத்திலும், பெங்களூரு, கொல்கத்தா மற்றும் பஞ்சாப் ஆகிய அணிகள் தலா 5 போட்டிகளில் வெற்றி பெற்றுள்ளன. அதன் மூலம் புள்ளிப்பட்டியலில் முறையே 6 முதல் 8வது இடங்களில் நீடிக்கின்றன. ஐதராபாத் மற்றும் டெல்லி ஆகிய அணிகள் தலா 10 போட்டிகளில் விளையாடி அதில் நான்கில் வெற்றி கண்டு 8 புள்ளிகளுடன் கடைசி இரண்டு இடங்களில் நீடிக்கின்றன.
இன்றைய போட்டி:
பிளே ஆஃப் சுற்று நெருங்கி வரும் சூழலில், ஐபிஎல் தொடரில் இன்று குஜராத் மற்றும் மும்பை அணிகள் மோதுகின்றன. வான்கடே மைதானத்தில் இன்று நடைபெறும் போட்டியில், மும்பை அணி வெற்றி பெற்றால் பிளே ஆஃப் சுற்றுக்கு செல்லும் வாய்ப்பு பிரகாசமாகும். அதேநேரம், குஜராத் அணி வெற்றி பெற்றால், நடப்பு தொடரில் பிளே ஆஃப் சுற்றுக்கு தகுதி பெற்ற முதல் அணி எணும் பெருமையை பெறும்
தலைப்பு செய்திகள்
ட்ரெண்டிங் செய்திகள்
