MS Dhoni: சிஎஸ்கேவை கைவிட்டாரா தோனி? இனி அடுத்த சீசன் தான்! 2020-ஆம் ஆண்டு நடந்தே அதே கதை தான்

MS Dhoni: மும்பை இந்தியன்ஸ் அணிக்கு எதிரான தோல்விக்கு பிறகு சிஎஸ்கே கேப்டன் தோனி அணியின் எதிர்க்காலம் குறித்து பேசியதை இந்த தொகுப்பில் காணலாம்

தோனி

Source : PTI

சிஎஸ்கே தோல்வி:

மும்பை இந்தியன்ஸ் அணிக்கு எதிரான போட்டியில் சென்னை சூப்பர் கிங்ஸ் அணி 9 விக்கெட் வித்தியாசத்தில் படுதோல்வி அடைந்தது, இந்த போட்டியில் முதலில் பேட்டிங் செய்த சென்னை சூப்பர் கிங்ஸ் அணி 20 ஓவர்கள் முடிவில் 5 விக்கெட் இழப்புக்கு 176 ரன்கள் மட்டுமே எடுத்தது, சென்னை அணியில் அதிகப்பட்சமாக ஜடேஜா 53 ரன்களும், ஷிவம் தூபே 50 ரன்னும் எடுத்தனர். 

அடுத்து இலக்கை துரத்திய மும்பை இந்தியன்ஸ் அணி 15.4 ஓவர்களில் ஒரு விக்கெட்டை மட்டுமே இழந்து வெற்றி இலக்கை எட்டியது, மும்பை அணியில் ரோகித் சர்மா 76 ரன்களும், சூர்ய குமார் யாதவ் 68 ரன்கள் அடித்து வெற்றிக்கு வழிவகுத்தனர். 

தோனி பேட்டி:

"நாங்கள் ஆட்டத்தில் மோசமான நிலையில் இருந்தோம். பனி வரும் என்று எங்களுக்குத் தெரியும், மேலும் சில கூடுதல் ரன்கள் தேவைப்பட்டன. ஜஸ்பிரித் பும்ரா உலகின் சிறந்த டெத் பவுலர், அவர் எங்களை ரன்கள் எடுக்க விடவில்லை," என்று அவர் கூறினார்.

"இந்த மாதிரியான விக்கெட்டில் 175 ரன்கள் என்பது ஒருபோதும் சமமான ஸ்கோராக இருக்காது என்பதால், நாங்கள் சீக்கிரமே ஷாட்களை அடித்திருக்க வேண்டும்," என்று அவர் மேலும் கூறினார்.

15 பந்துகளில் 4 பவுண்டரிகள் மற்றும் 2 சிக்ஸர்களுடன் 32 ரன்கள் எடுத்த 17 வயது ஆயுஷ் மத்ரேவை தோனி பாராட்டினார்."அவர் நன்றாக பேட்டிங் செய்தார், அதுதான் தேவையான அணுகுமுறை. அவர் சரியான ஷாட்களைத் தேர்ந்தெடுத்தார்," என்று அவர் கூறினார்.

இந்த சீசன் அவ்வளவு தானா? 

அதே நேரத்தில் நாம் நல்ல கிரிக்கெட்டை விளையாடாதபோது முக்கியமானது என்னவென்றால், அதைப் பற்றி அதிகம் உணர்ச்சிவசப்படாமல் இருப்பதும், அதே நேரத்தில் நீங்கள் நடைமுறைக்கு ஏற்றவாறு இருக்க விரும்புவதும் ஆகும். 2020 எங்களுக்கு சிறப்பாக இல்லை என்று நான் நினைக்கும் பருவங்களில் ஒன்று, ஆனால் நாம் சரியான வடிவிலான கிரிக்கெட்டை விளையாடுகிறோமா, நம்மை நாமே பயன்படுத்துகிறோமா என்பதைப் பார்க்க வேண்டும்," என்று  கூறினார்.

MS Dhoni said "I think what will be important is to try & qualify but if not get a secured 11 for the next year & comeback strong". pic.twitter.com/Kzfjul7vsM

— Johns. (@CricCrazyJohns) April 20, 2025

பவர்பிளேவில் சொதப்பல்: 

தொடர்ந்து பேசிய தோனி "முதல் ஆறு ஓவர்களில் நாங்கள் அதிக ரன்கள் விட்டுக்கொடுத்தோம், நாங்கள் சரியான கிரிக்கெட்டை விளையாடுகிறோமா என்று பார்க்க வேண்டும்.""நாங்கள் ஓட்டைகளை அடைக்க வேண்டும். பிளேஆஃப்களுக்கு தகுதி பெறவில்லை என்றால், அடுத்த சீசனுக்கான பாதுகாப்பான பிளேயிங் லெவன் அணியைப் பெறுவது முக்கியம்," என்று அவர் முடித்தார்.