IPL 2025:அதிக சம்பளத்துக்கு தக்கவைக்கப்பட்ட வீரர்கள் யார்? முழு லிஸ்ட்!

2025 ஐபிஎல் ஏலத்திற்கு முன் அதிக சம்பளத்துக்கு தக்க வைக்கப்பட்ட வீரர்கள் பட்டியலை இங்கே பார்ப்போம்.

Written By : மு.வா.ஜெகதீஸ் குமார் | Updated at : 01 Nov 2024 11:44 AM (IST)

Most expensive retention ahead of ipl auction 2025 full list IPL 2025:அதிக சம்பளத்துக்கு தக்கவைக்கப்பட்ட வீரர்கள் யார்? முழு லிஸ்ட்!

விராட் கோலி

Source : x

ஐபிஎல் மெகா ஏலத்திற்கு முன்பாக அனைத்து அணிகளும் எந்தெந்த வீரர்களை தக்க வைக்கப் போகிறோம் என்ற பட்டியலை நேற்று வெளியிட்டன. இச்சூழலில் 2025 ஐபிஎல் ஏலத்திற்கு முன் அதிக சம்பளத்துக்கு தக்க வைக்கப்பட்ட வீரர்கள் பட்டியலை இங்கே பார்ப்போம்.

ஐபிஎல் 2025:

ராயல் சேலஞ்சர்ஸ் பெங்களூரு அணி விராட் கோலியை தக்கவைத்தது. விராட் கோலியை பெங்களூரு அணி தக்கவைக்கும் பட்சத்தில் அவருக்கு கோடிகளை ஒதுக்கும் என்று எதிர்பார்க்கப்பட்டது.அதேபோல அவருக்கு இந்த முறை 21 கோடி ரூபாய் சம்பளம் அளிக்கப்பட்டது. கடந்த முறை அவரது அணியான ராயல் சேலஞ்சர்ஸ் பெங்களூரு அவருக்கு 18 கோடி சம்பளம் அளித்து இருந்தது. கடந்த மூன்று ஆண்டுகளாக அந்த சம்பளத்திலேயே விராட் கோலி நீடித்து வந்தார்.

தற்போது அவருக்கு 21 கோடி ரூபாய் சம்பளமாக அளிக்கப்பட்டு இருக்கிறது. ஆனால், அவரை விட வேறு ஒரு வீரருக்கு அதிக சம்பளம் அளிக்கப்பட்டு இருப்பது அனைவருக்கும் வியப்பை ஏற்படுத்தி உள்ளது. சன்ரைசர்ஸ் ஹைதராபாத் அணியின் அதிரடி வீரர் ஹென்ரிச் கிளாசனுக்கு 23 கோடி சம்பளம் அளிக்கப்பட்டு இருக்கிறது. இதுவே 2025 ஐபிஎல் மெகா ஏலத்திற்கு முன்னதாக ஒரு வீரரை தக்க வைக்க அளிக்கப்பட்ட அதிக சம்பளம் ஆகும்.