MI vs PBKS Score LIVE: பஞ்சாபை துவம்சம் செய்து பழிக்குப்பழி.. மும்பை அபார வெற்றி!
ஐபிஎல் தொடரின் இன்றைய இரண்டாவது லீக் போட்டியில் மும்பை மற்றும் பஞ்சாப் அணிகள் மோதுகின்றன.
Background
ஐபிஎல் தொடரின் இன்றைய இரண்டாவது லீக் போட்டியில் மும்பை மற்றும் பஞ்சாப் அணிகள் மோதுகின்றன. இந்த போட்டி இந்திய நேரப்படி மாலை 7.30 மணிக்கு தொடங்குகிறது.
ஐபிஎல் சீசன்:
விறுவிறுப்பாக நடைபெற்று வரும் 16வது ஐபிஎல் தொடரில் இதுவரை 45 போட்டிகள் நிறைவடைந்துள்ளன. இந்த நிலையில் இன்று நடைபெறும் இரண்டாவது லீக் போட்டியில், இரவு 7.30 மணிக்கு ஷிகர் தவான் தலைமையிலான பஞ்சாப் கிங்ஸ் அணியும், ரோகித் சர்மா தலைமையிலான மும்பை இந்தியன்ஸ் அணியும் மோதுகின்றன. இந்த போட்டியின் நேரலையை ஜியோ சினிமா செயலியிலும், ஸ்டார் ஸ்போர்ட்ஸ் தொலைக்காட்சி அலைவரிசையிலும் கண்டுகளிக்கலாம்.
புள்ளிப்பட்டியல்:
நடப்பு சீசனில் பஞ்சாப் அணி 9 போட்டிகளில் விளையாடி 5 வெற்றி, 4 தோல்விகளுடன் புள்ளிப்பட்டியலில் 6 வது இடத்தில் உள்ளது. அதே சமயம் மும்பை அணி 8 போட்டிகளில் விளையாடி தலா 4 வெற்றி, தோல்விகளுடன் 7வது இடத்தில் உள்ளது. மேலும் பிளே ஆஃப் வாய்ப்பு கிடைக்க வேண்டும் என்றால் இரு அணிகளும் இனி வரும் போட்டிகளில் கவனமுடன் செயல்பட வேண்டும் என்பதால் இன்றைய போட்டியில் வெற்றி பெற கடுமையாக போராடும் என எதிர்பார்க்கப்படுகிறது.
மைதானம் எப்படி?
இந்த சீசனில் பஞ்சாப் மொஹாலி மைதானத்தில் நடைபெற்றுள்ள நான்கு போட்டிகளில், முதலில் பேட்டிங் செய்த அந்த அணி இரண்டு முறை 190 ரன்களுக்கு மேல் எடுத்துள்ளது. பஞ்சாப் கிங்ஸ் மற்றும் லக்னோ சூப்பர் ஜெயண்ட்ஸ் அணிகளுக்கு இடையேயான முந்தைய போட்டியில் இரண்டு இன்னிங்ஸ்களில் 458 ரன்கள் எடுக்கப்பட்டது குறிப்பிடத்தக்கது. எனவே வரவிருக்கும் போட்டியிலும் அதிக ரன்கள் குவிக்கப்படும் எதிர்பார்க்கப்படுகிறது. மேலும் டாஸ் வென்ற கேப்டன் முதலில் பீல்டிங் செய்ய வாய்ப்புள்ளது.
நேருக்கு நேர்:
கடந்த 2008 ஆம் ஆண்டு முதல் ஐபிஎல் தொடரில் இருந்து இரு அணிகளும் விளையாடி வருகிறது. மும்பை மற்றும் பஞ்சாப் அணிகள் இதுவரை 30 முறை நேருக்கு நேர் மோதியுள்ளது. இதில் இரு அணிகளும் தலா 15 வெற்றிகளைப் பெற்று சமமாக உள்ளது. கடைசியாக கடந்த 6 மோதல்கலில் பஞ்சாப் கிங்ஸ் அணி நான்கு முறை வென்றுள்ளது. நடப்பு சீசனில் கடந்த ஏப்ரல் 22 ஆம் தேதி நடந்த ஆட்டத்தில் மும்பை அணியை அதன் சொந்த மைதானத்தில் 13 ரன்கள் வித்தியாசத்தில் பஞ்சாப் அணி வீழ்த்தியது.
பஞ்சாப் உத்தேச அணி: அதர்வா டைட், ஷிகர் தவான் (கேப்டன்), லியாம் லிவிங்ஸ்டன், சிக்கந்தர் ராசா, சாம் கரன், ஜிதேஷ் சர்மா (விக்கெட் கீப்பர்), ஷாருக் கான், ஹர்ப்ரீத் பிரார், ரபாடா, ராகுல் சாஹர், அர்ஷ்தீப் சிங்
மும்பை உத்தேச அணி: ரோஹித் சர்மா (கேப்டன்), இஷான் கிஷன் (விக்கெட் கீப்பர்), கேமரூன் கிரீன், சூர்யகுமார் யாதவ், திலக் வர்மா, டிம் டேவிட், ஜோஃப்ரா ஆர்ச்சர், பியூஷ் சாவ்லா, குமார் கார்த்திகேயா, ரிலே மெரிடித், அர்ஷத் கான்
மும்பை அணி அபார வெற்றி
215 ரன்கள் என்ற இலக்கை எட்டி மும்பை அணி அபார வெற்றி
200 ரன்களை கடந்த மும்பை
18 ஓவர்கள் முடிவில் மும்பை அணி 203 ரன்களை குவித்துள்ளது
தலைப்பு செய்திகள்
ட்ரெண்டிங் செய்திகள்
