IPL2023 LSG vs GT: டாஸ் வென்ற குஜராத் அணி கேப்டன் ஹர்திக் பாண்டியா பேட்டிங் தேர்வு..!
IPL2023 LSG vs GT: லக்னோ அணிக்கு எதிரான போட்டியில் டாஸ் வென்ற குஜராத் அணி பேட்டிங் செய்யமுடிவு செய்துள்ளது.
IPL2023 LSG vs GT:
வார இறுதியான இன்று ஐபிஎல் தொடரில் இரண்டு லீக் போட்டிகள் நடைபெற உள்ளன. அதன்படி, ல்கனோவில் உள்ள பாரத் ரத்னா ஸ்ரீ அடல் பிஹாரி வாஜ்பாயி மைதானத்தில் நடைபெறும் முதல் லீக் போட்டியில் கே.எல். ராகுல் தலைமையிலான லக்னோ சூப்பர் ஜெயண்ட்ஸ் மற்றும் ஹர்திக் பாண்ட்யா தலைமையிலான குஜராத் டைட்டன்ஸ் அணிகள் மோத களமிறங்கியுள்ளன. இந்த போட்டியில் டாஸ் வென்ற குஜராத் அணி பேட்டிங் செய்ய முடிவு செய்துள்ளது.
நேருக்கு நேர்:
ஐபிஎல் தொடரில் கடந்தாண்டு தான் லக்னோ மற்றும் குஜராத் அணிகள் அறிமுகமாகின. இதனால் இதுவரை இரண்டு முறை மட்டுமே நேருக்கு நேர் மோதியுள்ளன. அந்த இரண்டிலுமே நடப்புச் சாம்பியன் குஜராத் டைட்டன்ஸ் அணி வெற்றி பெற்றுள்ளது. லக்னோ மைதானத்தில் இந்த இரு அணிகளும் மோதுவது இதுவே முதல்முறையாகும். உள்ளூர் மைதானத்தில் இதுவரை 3 போட்டிகளில் மட்டுமே விளையாடியுள்ள லக்னோ அணி, அதில் இரண்டில் வெற்றி பெற்றுள்ளதால் குஜராத்தை வீழ்த்தி புள்ளிப்பட்டியலில் முதல் இடத்துக்கு முன்னேற திட்டமிட்டுள்ளது.
ஸ்கோர் விவரங்கள்:
குஜராத் அணிக்கு எதிராக லக்னோ அணியின் அதிகபட்ச ஸ்கோர்: 158
லக்னோ அணிக்கு எதிராக குஜராத் அணியின் அதிகபட்ச ஸ்கோர்: 161
குஜராத் அணிக்கு எதிராக லக்னோ அணியின் குறைந்தபட்ச ஸ்கோர்: 82
லக்னோ அணிக்கு எதிராக குஜராத் அணியின் குறைந்தபட்ச ஸ்கோர்: 161
தனிநபர் சாதனைகள்:
லக்னோ அணிக்காக அதிக ரன்கள் சேர்த்த வீரர் - தீபக் ஹூடா, 82 ரன்கள்
குஜராத் அணிக்காக அதிக ரன்கள் சேர்த்த வீரர் - சுப்மன் கில், 63 ரன்கள்
லக்னோ அணிக்காக அதிக விக்கெட் எடுத்த வீரர் - ஆவேஷ் கான், 3 விக்கெட்கள்
குஜராத் அணிக்காக அதிக விக்கெட் எடுத்த வீரர் - ரஷித் கான்,5 விக்கெட்கள்
லக்னோ அணிக்காக அதிக கேட்ச் பிடித்த வீரர் - டி காக், 2 கேட்ச்கள்
குஜராத் அணிக்காக அதிக கேட்ச் பிடித்த வீரர் - சாஹா,2 கேட்ச்கள்
நடப்பு தொடரில் இதுவவரை:
நடப்பு தொடரில் லக்னோ அணி இதுவரை 6 போட்டிகளில் 4 வெற்றிகளுடன், 8 புள்ளிகளை பெற்று புள்ளிப்பட்டியலில் இரண்டாவது இடத்தில் உள்ளது. குஜராத் அணியோ 5 போட்டிகளில் விளையாடி 3 வெற்றிகளை பெற்று, 6 புள்ளிகளுடன் புள்ளிப்பட்டியலில் நான்காவது இடத்தில் உள்ளது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
