IPL Mega Auction 2022: பெங்களூருவும் இல்லை.. மும்பையும் இல்லை... ராஜஸ்தானில் சுழல் வீசப்போகும் சாஹல் !
IPL Mega Auction 2022 : பெங்களூரு அணியில் இடம்பெற்று இருந்த சாஹலை ராஜஸ்தான் அணி தட்டிப்பறித்துள்ளது.
ஐபிஎல் (IPL 2022) தொடருக்கான வீரர்கள் தக்கவைப்பு சமீபத்தில் நடந்து முடிந்தது. அதனை அடுத்து, ஐபிஎல் தொடருக்கான வீரர்களின் ஏலம் பெங்களூருவில் இன்று தொடங்கியது. ஐபிஎல் ஏலத்தில் 590 வீரர்கள் பங்கேற்க உள்ளனர். இதில், 370 இந்திய வீரர்களும், 220 வெளிநாட்டு வீரர்களும் பங்கேற்க உள்ளனர். ஏலத்திற்கான அதிகபட்சமாக 2 கோடி ரூபாய் தொகையைத் தொடக்க விலையாக 48 வீரர்கள் தேர்ந்தெடுத்துள்ளனர். மேலும், 1.5 கோடி ரூபாய் தொடக்க விலையோடு 20 வீரர்களும், 1 கோடி ரூபாய் தொடக்க விலையோடு 34 வீரர்களும் ஏலத்தில் தேர்ந்தெடுக்கப்படவுள்ளனர்.
இந்நிலையில் இந்திய அணியின் சுழற்பந்துவீச்சாளர் யுஸ்வேந்திர சாஹல் கடந்த சில சீசன்களில் பெங்களூரு அணிக்காக விளையாடி வந்தார். இந்தச் சூழலில் இன்று நடைபெற்ற ஐபிஎல் ஏலத்தில் இவரை எடுக்க மும்பை, பஞ்சாப்,ராஜஸ்தான் அணிகள் கடும் போட்டி நிலவியது. இறுதியில் ராஜஸ்தான் ராயல்ஸ் அணி இவரை 6.50 கோடி ரூபாய்க்கு ஏலத்தில் எடுத்துள்ளது.
ஐபிஎல் வீரர்கள் ஏலம் தொடர்பான உடனுக்குடன் தகவல்களுக்கு இங்கு க்ளிக் செய்யவும்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம
தலைப்பு செய்திகள்
ட்ரெண்டிங் செய்திகள்
